JIHUSUA 10:11 - OTSAO BAIBEL (BSI)

¹¹ Chemtue Amor nok Israel nok süpahibu thoto longzi akaile zikle jupuix, Jowanpae hwom Azekah alop ang paole ngopongma tüpong chongkya junbu hwom hato adüt. Israel khünakbue langkya füi süluile jun füi thuple lang.

JIHUSUA 10:11 ပူးပေါင်းရင်းမြစ်များ

ISAIA 28:2

Jowanpa ang hwom to sing angkya hanpakma achwonle ngokya tüile tsak-zong füikya owawa tüile; ija a tuita jundütkya ningle, tuita tamchu chithwonkya zangwat ningle, tüle asoxle fütle, pangnusa to lyemle hüikya tichen, ibu ningle hüilaxle chaxwan to u angkya changle.

KAXFÜNPA-HWOM 5:20

Lyettsibue zangkho tokhange azan; zangding akaile hwom le le ngopongma, hwome Sisera füi alünle azan.

MIKNGÜN-OHÜN 16:21

Tüpong tüpong chongkya jun, tuak punyi bün pong lixkyabu ding tokya düt, ilaxle jun makhange apüikya thamabu khoma Zang to thuakzomle changkya khünaknu ding to ibu düt ang tom, chemthüikoxle ibu thama a tüle chongkya sikngün changle.

MIKNGÜN-OHÜN 11:19

Zangkangting tokya zangshwom-hom ka dap, ilaxle ikhama Tsaotsüt suak ngün. Ifüima zangchang jep hia ozing, üntoxle zangdung, üntoxle bütix sikya tamchu tüle

EZEKEL 13:11

Ajebu hama hwom katuk tsun angkya changle le akaxkox. Kue thokle-thokle zangwat ajoüi. Ija ding to jun-long düt ang tomüi, ilaxle ija to zangchei füi zongle thu ang tomüi.

ISAIA 30:30

Jowanpae pangnusa ang chix zaxzangkya zing atat ilaxle chix mongtsik zonge pokya awanle lax ang tomüi. Ikhama wünlebu laikya, zangtsak-zangdung, jun dütkya, chithwon zangwatkya, ibu tüiüi.

MÜNCHUAK-TSAI 11:6

Ochax khünakbu ding to adütle chixe wün füikya wündix üntoxle chuale ngokya khat; tamchu zokle ashunkya zangwin ibu füi chixe hwom sikangünle.

PONGWANG LAIPEX 19:24

Jowanpae allele Sodom hia Gomorah ding ma chuale ngokya khat zangwat ningle düt ang tom.

JOB LAIPEX 38:22

Kue jun hia jun longbu thomkya, pungkha to nange tamngax huno chami?

TSAITONG-KAXTONG 20:4

Jowanpa hünzom Zang a hünzom füi tomle kaüi, ilaxle chixe hünzome wüi lüt ang tomüi.’

2 SAMUEL 18:8

Azankya chamtua-chamtua to chiakle pao, ilaxle zan ma maxkya to kaile khünaknu faokha ma max.

JOB LAIPEX 38:23

Sikngün-tuitai pongma lax ang üntoxle chu achax-azanle changpongma hanpakma kue ibu achwon thompu.

MÜNCHUAK-TSAI 147:17

Saxfunbu lailaile chixe jun adütle; chixe ahüikya zangkong owaechu adu ang müntho!

ISAIA 28:21

Chix mwot tuita za-dünle chang koxlechu: chix mongto thütkya mwot mok angkya hanpakma Perazim Haxnu angkya Gibeon haxsha ma azankya ningle Jowanpa chix jao azanüi. Chixe chix mwot, ohünotün mo tsuaküi.