JIHUSUA 1:9 - OTSAO BAIBEL (BSI)

⁹ Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

JIHUSUA 1:9 ပူးပေါင်းရင်းမြစ်များ

PONGWANG LAIPEX 28:15

Mong ma koplax, ku a tütakhatochu nang füi womle tamchu nang kho-awale ngoüi, ilaxle kue nang ija haxtok to chatle chat ang tomüi. Kue nang füi tsaosax daokyabu pangnu changle mahüi tanto kue nang otuechu danle müntox.”

TSAITONG-KAXTONG 20:1

“Chemtue hünzom zanbu füi azan ang laipuix tamchu hünzom ma tüikya füi süluile man-kanlin hia manbu tamchu süpahibu hünzome ngünle laxpuix, ibu thua hünzom za-ngo angkya münchang. Jowanpa hünzom Zang, owae hünzom Ijip nok chak tokya khosünle apüipuix, chix a hünzom füi tüile.

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

ISAIA 43:5

Hünzom ojao taxza — ku a hünzom füi tüile! “Tsailo nok handün hia hannop tokyabu, hünzom khünakbu kue hom to ngui ang tomüi.

KAXFÜNPA-HWOM 6:14

Ifüima Jowanpae chix ang kaxkox: “Nang chatsak-muazongkya füi paolax ilaxle Midi nok chak tokya Israel nok khosünlax. Ku jaojaoe nang tsanle akat ngopu.”

2 SAMUEL 13:28

ilaxle chix dabu ang adangle fa: “Amnon-e ju okhonguile lingkya to hule ngohüi, ilaxle chemtue kue kaxkoxle changpuix, chix lang kox. Ojao taxza. Ija bama hünlit kue laxlax angpu. Mongchong kox ilaxle cha-ao-mongsao taxtüi!”

WANGSHEMBU MWOT 4:19

Ikoxle Pitar hia Juhan nyie hwom kax to lan: “Kwome hünzom kax ma laxüi hia Zang kax ma laxüi, hünzome hünzom lualua to zangwün tsuakle fahüi.

TSAITONG-KAXTONG 31:28

Hünzom lompabu hia nguakax-wangkhobu pangwüi ku hato sele asox hu, ikoxle tix kue hwom hama ibu zangwün apua ang tho angkya chang koxle; hwom bama mikngün kaxkhi ang kue ding-hi-hax seüi.

JIHUSUA 1:10

Ifüima Jihusua-e lompabu ang

JIHUSUA 1:17

Kwome Mosa kax ma laxle hüipupule nang kax ma laxle changüi, ilaxle chix Mosa füi chemle ngole hüidaopuix ilailaile Jowanpa hünzom Zang nang füi naxngo!

JIHUSUA 8:1

Jowanpae Jihusua ang thüi: “Süpahi pangwüi laxlaxtox ilaxle Ai tingnu hato donglax. Nang ojao taxza chichangba mong taxhi. Ai nok wanghompa to kue nang ang lüt ang tomüi; chix khünaknu, chix tingnu, chix haxtok pangwüi nangkux ang changüi.

JIHUSUA 10:8

Jowanpae Jihusua ang thüi: “Hwom thua taxza. Kue nang ang lüt ang tomdaoa. Hwom opupuechu nang füi alünle chang ang münthopu.”

2 PUKAX-PANGAO 15:7

Ikoxlechu hünzom a mongchonglax, mong taxhix. Hünzome mokle hüikya mwot bama hingho olüi kox angkya changpu.”

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

PONGWANG LAIPEX 39:2

Jowanpa a Jusep füi tüikya ilaxle pangnu lom to chix a tho-lünle chang ang tom. Chix a Ijip nok nwotmix tuita homkha ma ngo.

PONGWANG LAIPEX 39:3

Jusep füi Jowanpa womle tüikya makhange chix mwot pangwüi mohiman ang achangle hüikya hopupae ngün ang kop.

TSAITONG-KAXTONG 31:23

Ifüima Nun sasün Jihusua füi Jowanpae zangwünle akax: “Mongchen tüilax üntoxle mongzangwünle tsuaklax. Israel khünaknu, kue hwom ang koxüihex-ole tsaodaokya chaxwan to nange azüi angkya changle. Taxza, kua nang füi tüile ngoüi.”

JIHUSUA 1:18

Owae nange apün-adakya to atüi-atuale changüihex chichangba nang kaxtom tütali kax ma chilaxle abaüihex, chix a mik max ang tomüi. Mongzangwünle tsuaklax tamchu mongong thomlax!”

JIHUSUA 3:7

Jowanpae Jihusua füi akax: “Anyix kue chem moküihex ija makhange Israel noke nang a tuita alixachong khünak changle le achuak-achen angkya owang wang ang tomüi, ilaxle Mosa füi ngokya ningle ku a nang füi womle ngokya hwome awan ang kopüi.

JIHUSUA 6:27

Ikhoma Jowanpa Jihusua füi ngo; ilaxle chix achuak-achenkya münchong chix haxtok pangnu khato wüi zangle paoüi.

JIHUSUA 10:25

Ifüima nguakax-wangkhobu ang Jihusua-e thüi: “Hünzom taxza chichangba mong taxhi. Chachen-mongchen füi tüilax büthüikoxle hünzom zan pangwüi füi Jowanpae ile mok angkya changle.”

1 SAMUEL 10:7

Chemtue ibu changüihex, Zang-e nang ochito azuiüihex ija ningle moklax.

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

ISAIA 8:12

“Khünaknu zangwün khato hakle taxkop ilaxle chemthua hwom zapuix ija thua nang taxza.

DANEL 10:19

Chixe thüi: “Zang-e nang to mongkünle, idaile nang abüt-aban angkya hia za angkya chemchu müntüi.” Chemtue chixe ija kax akaxpuix, ku hato zong hüikya ningle khangka hing ilaxle thüi: “Alixachong, nange ku füi chem akaxse hex akaxhüi. Nange ku ang otsak-ozong koxle changdaoa.”

HAGAI 2:4

Ikoxlechu athax hünzom khama owa mong chu taxhi. Mwt omok-omok mokkox, chemthüikoxle ku a hünzom füi tüile.

HAGAI 2:5

Chemtue hünzom Ijip nok tokya laipuix, ipongma kue ku a hünzom füi othuithuima ngo angkya tsaosaxle changdaoa. Athax kople ku hünzom füi tüipu, idaile hünzom ojao taxza.