JIHUSUA 1:8 - OTSAO BAIBEL (BSI)

⁸ Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

JIHUSUA 1:8 ပူးပေါင်းရင်းမြစ်များ

MÜNCHUAK-TSAI 119:15

Nange adangle fakyabu kue otua lompu; kue nang hwon-nwotbu thwonlop ang azongpu.

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

WANWÜNKAX 3:1

Ku sa, kue nang hama anwot-anole fakya taxalak. Kue chem mok ang akaxpuix ija jento mong ma kople thomlax.

TSAITONG-KAXTONG 29:9

Ija tsaotsüt ma tüikya wanlom pangwüi kax ma laxle tüikox, ile changkox tix mokkya mwottho pangwüi ma hünzom tho-lünle tüiüi.

JUHAN 14:21

“Owae ku kaxtombu pongle koppuix, üntoxle ija kax ma laxle tüipuix; changle chixe ku to mongkünkya a. Owae ku to mongkün puix, Apae chix to künüi; kuechu wüi chix to mongkünüi ilaxle ku lailai to chix hato ngaile ahoüi.”

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

MATHI 7:24

“Idaile opange ibu ku kax atat laxpuix, chix a tuita longtok ma hom zingkya je füikya mixsün ningle changpu.

MÜNCHUAK-TSAI 119:11

Kue nang zongto ochax chilyen angkya hanpakma kue nang wanlom ku mongkha ma thompu.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

MATHI 7:21

“Ku ang Jowanpa le anyaknyak pangwüi Zangkho Wangting to ngui ang thoüile münchang; ikoxle ikha a, zangkangting tokya Apa mongtex ma saxmokkya mixe tix atak angkya onui changle.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

JIHUSUA 1:7

Mongzangwünle tsuaklax ilaxle ku dapa Mosa-e hünzom ang koxkya Wanlom pangwüi kax ma laxle tüileo le thüilax. Ikha angkya oli tuita ahaile taxchang ikoxle nange nang alele pangkhato wüi tho-lünkya tüiüi.

TSAITONG-KAXTONG 30:14

Münchang, ija a hünzom füi ikhama tüile. Hünzome ija awan-ngopu ilaxle ija zexle tsuakpu, idaile athaxpi ija to onglax.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

MÜNCHUAK-TSAI 119:99

Ku nwotmixbu pangnusa füi kue wüi sütsing, chemthüikoxle kue nange adangle fakyabu to mongkoxle apa koxle.

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

TSAITONG-KAXTONG 5:32

“Israel khünaknu, Jowanpa hünzom Zang-e hünzom ang kaxtom koxpupu pangwüi mok ang-o thüilax. Chix wanlombu kha angkya tuita ahaikya taxtüi.

TSAITONG-KAXTONG 31:11

Zangshwom angkya nui jongta khama asoxle nguipongma ija a Israel khünaknu ang e-le laxkox.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

MATHI 12:35

Khünak müikya mixe ma mong ma müikya athün thomkya tokhange müikya oli alaile; chimüikya mixe ma mong ma chimüikya athün thomkya tokhange chimüikya oli alaile.

MÜNCHUAK-TSAI 40:10

Khosünkya kaxho omüi kue ku mongkha tata ma chithom; chialekya nang mongong hia ofong-otsox bama kue jento akax ngopu. Nang khünaknu tusox ma ku otuechu nang kax ma laxle hia chizakkya mongkün mowün ang ku dangle chingo.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

PONGWANG LAIPEX 24:63

Wüntue chix tsangtsa sakle zimfa to aham ang laipongma utbu nguile ngokya ngün.

TSAITONG-KAXTONG 31:24

Mosa-e Jowanpa Wanlom laipex tuita ma za. Ija zale changpongma kaxfa tuita alakle chitox angkya hanpakma khile mok.

JIHUSUA 8:34

Ipongma Jihusua-e noknue atatle azaxle Wanlom pangwüi e. Wanlom laipex ma zale tüikya ningle mohiman hia othuak-ozom kop angkya oli pangwüi e.

TSAITONG-KAXTONG 5:1

Mosa-e Israel khünaknu komle nyakle asox ilaxle hwom ang thüi: “Israel khünaknu, anyix kue hünzom ang koxle ngokya wanlombu kax ma laxle tüilax. Ibu awan koplax ilaxle ibu kax ma laxle tüi angkya mongzangwünle tsuaklax.

TSAITONG-KAXTONG 29:8

Ifüima keme hwom haxtok laxpu, ilaxle ija keme Reuben hia Gad hokhi ang ibomachu Manasseh homjen süifi toxkyabu ang tom-hanle kox.

2 PUKAX-PANGAO 26:5

Zanglom ma chix to zünsaile ngokya mix Zekariah ozün ma ngokya kople, chixe mongong tüikya füi Jowanpa thothale chang, ilaxle Zang-e chix to mohiman.