JIHUSUA 1:6 - OTSAO BAIBEL (BSI)

⁶ Mongzangwünle tsuaklax tamchu mongong tüilax, chemthüikoxle kue hwom pupa hwom ang tsaokya haxtok hwome kopkya zuma nang a hwom lompa ang achang angkya changpu.

JIHUSUA 1:6 ပူးပေါင်းရင်းမြစ်များ

DANEL 10:19

Chixe thüi: “Zang-e nang to mongkünle, idaile nang abüt-aban angkya hia za angkya chemchu müntüi.” Chemtue chixe ija kax akaxpuix, ku hato zong hüikya ningle khangka hing ilaxle thüi: “Alixachong, nange ku füi chem akaxse hex akaxhüi. Nange ku ang otsak-ozong koxle changdaoa.”

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

JIHUSUA 1:7

Mongzangwünle tsuaklax ilaxle ku dapa Mosa-e hünzom ang koxkya Wanlom pangwüi kax ma laxle tüileo le thüilax. Ikha angkya oli tuita ahaile taxchang ikoxle nange nang alele pangkhato wüi tho-lünkya tüiüi.

EFISIA 6:10

Oshukma, chix tsakzong chongkya makhange, Jowanpa füikya notom ma hünzom tsakzong alailax.

1 KORIN 16:13

Mik-hing le ngolax, mongong ma shingmongle ngolax, mong chonglax, zong tüilax.

2 TIMOTHI 2:1

Kusa Timothi, Khrista Jisu füikya notom ma kem tomkux ang tüikya chingcha ma tsakzong le tüikox.

1 PUKAX-PANGAO 28:10

Jowanpae nang a, chix Zangshwom-Hom zai angkya khünak ang kamle laxdaoale nange awan angkya wüi changpu. Athax ija ile moklax: ilaxle ija a chatsu-mongluakya füi moklax.”

1 PUKAX-PANGAO 22:13

Israel nok hanpak ang Jowanpae Mosa ang koxle toxkya wanlombu kax ma laxle jangtüi, nange pangnu tho-lünle changüi. Mong ma koplax ilaxle mongong tüilax, nang chem machu abüt-aban ang taxtom.

HAGAI 2:4

Ikoxlechu athax hünzom khama owa mong chu taxhi. Mwt omok-omok mokkox, chemthüikoxle ku a hünzom füi tüile.

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

ZEKARIA 8:9

“Mong chonglax! Ku Zangshwom-Hom azünle zing angkya homting thopong ma wüi ajebu makhange atat ang kopkya kaxkax wüi athax hünzome atale ngopu.

1 WANGHOMBU 2:2

“Ku zi angkya tu nguile hüidaoa. Chahix-monghixkya taxtüi,

PONGWANG LAIPEX 26:3

Eja chaxwan to nang wünpa tuita ningle ngolax ilaxle ku nang füi tüile. Kue nang to mohimanüi, chemthüikoxle kue nang ang tamchu nangsix-nangli ang haxtok ibu pangwüi kox angkya changle. Ile kue hünpa Abraham füi tsaotsütdaokya ningle mokle wüi shu angkya changle.

1 SAMUEL 4:9

Taxza, Filistia noknu! Lüka ningle azanhüi chichang thüiningle keme anyix hwom kem da ang thompupule kem a hwom da ang achangüi changa. Idaile lüka ningle azanhüi!”

TSAITONG-KAXTONG 31:23

Ifüima Nun sasün Jihusua füi Jowanpae zangwünle akax: “Mongchen tüilax üntoxle mongzangwünle tsuaklax. Israel khünaknu, kue hwom ang koxüihex-ole tsaodaokya chaxwan to nange azüi angkya changle. Taxza, kua nang füi tüile ngoüi.”

TSAITONG-KAXTONG 11:8

Anyix kue hünzom ang koxkya wanlombu pangwüi kax ma laxle tüilax. Ifüima hünzom shuanu tale lelaxle hünzom ngui angkya kha haxtok hünzome kop ang thoüi.

2 SAMUEL 10:12

Taxsho-taxnai ilaxle monghixle taxchang! Kem khünaknu hanpakma tamchu Zang tingnu hanpakma kem zongbakle azan angkya wüi changpu. Ilaxle Jowanpa mongtex tsuakle naxchang.”

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

HUAKE LAIPEX 26:53

“Haxtok a chizing tswonle ahanlax, ilaxle haxtok süluikya kha süchongkya homjen ang ilaxle sühixkya haxtok a sühixkya homjen angle laxkox.

HUAKE LAIPEX 33:53

Ija haxtok koplax ilaxle ima tingtan nokzingle ngolax, chemthüikoxle kue ija hünzom ang koxdaoa.

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

JIHUSUA 1:18

Owae nange apün-adakya to atüi-atuale changüihex chichangba nang kaxtom tütali kax ma chilaxle abaüihex, chix a mik max ang tomüi. Mongzangwünle tsuaklax tamchu mongong thomlax!”

JIHUSUA 10:25

Ifüima nguakax-wangkhobu ang Jihusua-e thüi: “Hünzom taxza chichangba mong taxhi. Chachen-mongchen füi tüilax büthüikoxle hünzom zan pangwüi füi Jowanpae ile mok angkya changle.”

JIHUSUA 13:6

Ija ma Sidon nok haxtok pangwüi womle. Hwom a Lebanon Haxnu hia Misrefoth Maim nyi zo ma ngokyabu changle. Israel khünaknue ziakople hüikya zuma kue ibu khünak pangwüi jwonle apaoüi. Kue nang füi kaxtom koxle akax daokya ningle nange haxtok Israel nok ang tom-hanle kox angkya changpu.

JIHUSUA 18:3

Idaile Jihusua-e Israel nok füi akax: “Jowanpa hünzom putong hwom Zang-e hünzom ang fadaokya haxtok bakle koptsuak angkya athaxchu chemtukux tan-nyele ngohomüi?

JIHUSUA 21:43

Ikhoma Jowanpae hwom pupa hwom füi koxüihex-ole tsaokya haxtok Israel nok ang komkaile kox. Chemtue hwome ija haxtok kople tsuak puix, hwom ikhama tingtan-nokzingle ngo.

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

2 PUKAX-PANGAO 15:7

Ikoxlechu hünzom a mongchonglax, mong taxhix. Hünzome mokle hüikya mwot bama hingho olüi kox angkya changpu.”

2 PUKAX-PANGAO 20:7

Nang a kwom Zang changle. Chemtue nang khünaknu Israel nok ija haxtok to ngui ang achexle changpuix, ipongma nange ikhato ating-anokle tüikya khünakbu jwonle apao ilaxle ija haxtok a, nang zuipa Abraham sixli hwom ang, jento hwom tingtok ang lax ang koxpu.

2 PUKAX-PANGAO 20:11

Ikoxle hwome kwom to jannong ile alüile: nange kwom ang koxkya haxtok angkya kwom jwonle apao angkya hanpakma hwom nguile.