JIHUSUA 1:1 - OTSAO BAIBEL (BSI)

¹ Jowanpa dapa Mosa zikya füima, Jowanpae Jihusua hama, chixe Mosa to fongle hüikya apua.

JIHUSUA 1:1 ပူးပေါင်းရင်းမြစ်များ

TSAITONG-KAXTONG 34:9

Nun sasün Jihusua a je-hwone awangle tüikya khünak tuita changkya; ikhoma chix man ma lompa ang achang angkya hanpakma Mosa-e chix zünle tox. Israel khünaknue Jihusua kax ma lax ilaxle Mosa makhange Jowanpae hwom ang koxkya kaxtom pangwüi hwome thom.

TSAITONG-KAXTONG 31:23

Ifüima Nun sasün Jihusua füi Jowanpae zangwünle akax: “Mongchen tüilax üntoxle mongzangwünle tsuaklax. Israel khünaknu, kue hwom ang koxüihex-ole tsaodaokya chaxwan to nange azüi angkya changle. Taxza, kua nang füi tüile ngoüi.”

TSAITONG-KAXTONG 31:3

Hünzom thoto achale Jowanpa hünzom Zang, chix jao paolaxle ikhato ngole tüikya jat-libu amütüi, ikoxle tix hünzome ija haxtok koptsuak angkya chang koxle. Jihusua a hünzom lompa ang changüi, ija a Jowanpa kaxtom changle.

TSAITONG-KAXTONG 1:38

Ikoxle nang to fongmix Nun sasün Jihusua mong achen ang thüikox. Chixe tix ija haxtok amle lax ang chixe tix Israel nok lom azüi angkya changle.’

LAIPAO 24:13

Mosa hia chix juafong mix Jihusua nyi achwon, ilaxle otsao haxnukho to dong ang Mosa achex.

ROM NOK HATO ZAKYA POL LAIZA 1:1

Khrista Jisu da, ilaxle kamle kopkya wangshem tuita tamchu Kaxho Müikya apuk angkya hanpakma Zange nyakle kopkya mixsün Pol tokhange:

WANGSHEMBU MWOT 7:45

Ofüima kem putong hwome ija Nyihom hwom pupa hwom angkya kop. Hwome ija hom Jihusua füi paopongmachu laxlax toxkya. Zange hwom tho to jwonle apaokya zan nok angkya chaxwan kop pongmachu hwom füi tomle nwonle apüi. Üntoxle Dawid ozün ma tüipongmachu ija ikhama wüi tüikya.

TSAITONG-KAXTONG 34:5

Ikhoma Jowanpae chix füi akaxle hüidaokya ningle, chix dapa Mosa, Moab nok haxtok to zi.

2 WANGHOMBU 3:11

Wanghompa Jehusafat-e atüi: “Keme Jowanpa ma kaxtik-ngaoshole changtsuak angkya kem khama ajepa owawa tüicha?” Joram-e süpahi khama lompa tuitae ija kax to lan: “Shafat sasün Elisha ikhama tüile. Chix a ajepa Elija to fongle ngokya mix changpu.”

1 WANGHOMBU 19:16

Nimshi sasün Jehu, Israel nok wanghom ang kamle münga füi palax. Ilaxle Abel Meholah angkya a Shafat sasün Elisha nang man ma müngae lile kamkox.

JIHUSUA 12:6

Eja wanghompa anyi to Mosa hia Israel khünaknue anao; Jowan dapa Mosa-e ibu haxtok koplaxle Reuben hia Gad tamchu Manasseh homjen süifile ahanle tüikya homjenbu ang koxle hwome ija haxtok hwom tingtok ang kop.

TSAITONG-KAXTONG 33:1

Ibibi a Jowan dapa Mosa-e, chix ziüi thothoma, Israel khünaknu ang kaxzakdünle toxkya mohimanbu changle.

HUAKE LAIPEX 13:16

Ibu a Kanan haxtok opaktik angkya hanpakma Mosa-e tsanle apaokya zyetmixbu changle. Chixe Nun sasün Hoshea ang mün Jihusua le alüixle kox.

HUAKE LAIPEX 12:7

Ikoxle kue chemtue ku dapa Mosa füi zangwünpuix, ija a chixlili changpu; kue chix ang ku khünaknu Israel nok to hume angkya hünlit koxle thompu.

HUAKE LAIPEX 11:28

Ipongma Nun sasün Jihusua, owae naosa tokhange wüi Mosa to fongle hüipuix, chixe Mosa ang thüi: “Apu, hwom a zak ang tomkox!”

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

KAXHO MÜIKYA LUK 16:10

Opang to muaküsa mwot bama mongong tüiüihex, chongkya mwot bamachu wüi mongong tüiüi; ikoxle owa muaküsa to tsetselopüi hex, chixe chongkya tochu tsetselopüi.

TSAITONG-KAXTONG 34:12

Mosa-e Israel nok tunthoma mokkya ningle khomtsikya mwotbu mama ajepabu owaechu mok ang chitho.

JIHUSUA 1:2

Chixe thüi: “Ku dapa Mosa a zidaoa. Athaxpi nang üntoxle Israel khünaknu pangwüi, Jordan shuanu tale, kue hwom ang koxle ngokya haxtok to ngui ang achwonlax.

JIHUSUA 1:15

Jordan shuanu zongma hannopchi haxtok koplaxle tingtan nokzingle changkya kople hwom to asunle azanüi. Chemtue chixe Israel homjen pangwüi ang khosün fale tsuaküihex, ifüima hünzom chatlaxle, Jowan dapa Mosa-e hünzom ang koxle toxkya haxtok, Jordan shuanu zongma tsaxchi ma hünzome tingtan nokzingle ngo ang tsuaküi.”

NEHEMIA 8:17

Zanda ang ngokya chatkya khünakbu pangnusae wüi pomsa ibu zailaxle ikhato ngo. Nun sasün Jihusua tokfüi ma ile zingkya ija tix owang. Khünaknu pangwüi ang huanuma pwonla dongle mongmüi.