JEREMIA 9:8 - OTSAO BAIBEL (BSI)

⁸ Hwom lebu a mik-amüt angkya sanjunbu ningle; hwome jento kaxthai zangzang wüi wün. Hwom pangwüie tomzibu füi zuikop zangzang wüi wünle, ikoxle ija hwome ibu hanpakma aman angkya kam thakya tuita changpu.

JEREMIA 9:8 ပူးပေါင်းရင်းမြစ်များ

MÜNCHUAK-TSAI 28:3

Chichangchizangkyabu khato ku to thajaole hu ang taxtom, ochax mwot mokle ngokyabu füi tomle, opange tunmüi zangwünkoxlechu, mongkha ma miktsakkyae awangle tüipuix, ibu füi tomle a.

JEREMIA 9:3

Jento hwom a atse ang achwonle tüile; otsingtsing lüima wanlom chitokyabue haxtok apünle ngole. Jowanpae thüile, “Ku khünakbue ochax mwot tuita füima tuitale mokle ilaxle hwome ku a hwom Zang changpule jao mün-e.”

MÜNCHUAK-TSAI 120:3

Hünzom atsele zangwünkyabu, Zang-e hünzom to chemmok faüi? Chixe hünzom to chemle sikangünüi?

MÜNCHUAK-TSAI 57:4

Ku a Zanpabue akhople tüile, hwom a khünak müi saxsele woknuak ma ngokya mailang ningkyabu changle. Hwom owabu a paxtun hia santun ningle junle; hwom lebu a tüle anaxkya changlo ningle tüile.

MÜNCHUAK-TSAI 55:21

Chix zangwünbu a müizao füi ngaxchu fi-fole, ikoxlechu chix mongkha to miktsakkya tüile; chix zangwünbu a münga füi ngaxchu alyakle tüikya, ikoxlechu ibue daxcha füi zütkya ningle zütle.

MÜNCHUAK-TSAI 12:2

Hwom pangwüi tata zongto atse;

2 SAMUEL 3:27

Chemtue Abnar Hebron to nguipuix, Joap-e pan nuakfüi to paolaxle chixe chongkya huxsa zangwün ang thüikya ningle aho, ilaxle ikhato chixe wok ma tople lang. Ile chixe Joap honao Asahel langkya khoma chix chuwüi lang.

JEREMIA 9:5

Hwom pangwüie ma zuikhuibu othai lom to alyetle, ilaxle opupuechu kaxtsing zang münwün; hwome hwom lebu ang atse angkya anole koxdaoa ilaxle hwome tsai ngaokya otuechu müntox. Hwome tata zongto tüikya mwot tuita füima tuitale mokle, ilaxle tamdyenkya füi lüile chat chuwüi dyenle. Chix khünakbue chix chilaxle awütkya Jowanpae akaxle.

JEREMIA 5:26

“Ochax mwot mokle ngokya khünakbu hünzom khama ngole tüile; osabu aman ang nya thakya ningle hwome tanle ngole, ikoxle hwome ibu a khünak aman ang tsünkya changle.

MÜNCHUAK-TSAI 64:8

Kax ibu khoma chixe hwom amütüi; hwom ngünkyabu pangnue ngom saküi.

MÜNCHUAK-TSAI 35:20

Hwome kaxmüi zangjao münwün; itülüi mongsom to mongkünkya khünakbu hanpakma hwome khualop zangwün oli pangwüi alaile.

WANWÜNKAX 25:18

Chichangkya to kaxhux fekya a tuita mik amüt angkya hanpakma twonkya changlo, pünthom hia sanhap thatha changpu.

JEREMIA 9:4

Ma zuikhuibu zongto pangnusasa wüi mik-hingle ngo angkya changpu, ilaxle haxnu-homsa to owaechu mongong angkya müntüi; chemthüikoxle mamixbu chuwüi pangwüi Jakop lailaile mix dyenle tüile, ilaxle pangnusasae wüi ma zuikhuibu ajao-ahaile changle.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

MÜNCHUAK-TSAI 12:3

Ibu khualopkya lebu adang kox, O Jowanpa! “Kwom zangwün makhange kwome chem lompuix pangwüi atakle.

MÜNCHUAK-TSAI 62:5

Kue Zang tata to mongong tüipu; kue ku monghom chix ma thompu.

JEREMIA 5:9

Kue ibu khoma hwom to sikangünle tamchu onok to iningle olüix khomle münchangüi hia?