JEREMIA 9:5 - OTSAO BAIBEL (BSI)

^5-6 Hwom pangwüie ma zuikhuibu othai lom to alyetle, ilaxle opupuechu kaxtsing zang münwün; hwome hwom lebu ang atse angkya anole koxdaoa ilaxle hwome tsai ngaokya otuechu müntox. Hwome tata zongto tüikya mwot tuita füima tuitale mokle, ilaxle tamdyenkya füi lüile chat chuwüi dyenle. Chix khünakbue chix chilaxle awütkya Jowanpae akaxle.

JEREMIA 9:5 ပူးပေါင်းရင်းမြစ်များ

HABAKUK 2:13

Hünzome tingtakle kopkya jatlibue hwom hanpakma laxli chemchu chitüikya mwot to thangle zingole, üntoxle hwome zaikya hom a lajuak ang achangle shundaoüi. Jowanpa Khüthak Zang-e ija tsuakdaoa.

MIKA 6:12

hünzom hakpabue zasabu müimamale aduk-athang ang tomle, ilaxle hünzom pangwüi tseloplop wüi changle.

ISAIA 57:10

Mama baozangbu lom ang hünzom ipongpongle na-jua-le maxle azong, ikoxlechu hünzome twotle chitox. Hünzome thüt ibu jannong alüile tüikya chapabue hünzom ang janzüi faüi, ikhoma hünzom otuechu na-juale chichang.

JOB LAIPEX 15:5

Nang chichang-chizangkya mixle nang zangwün makhange angaidaoa; iningkya zangwün tsing-tsang nuk to, nang azwon ang azongle.

1 TIMOTHI 4:2

Ija ningkya hwon-nwot a atsele dyen-ngankyabu, opang khangka jankhik füi akhamkya ningle omang ma tüilaxpuix, hwome apuküi.

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

MIKA 6:3

Jowanpae thüi: “Ku khünaknu, kue hünzom to chem oma mokdaopu? Ku kax to lanhüi.

EZEKEL 24:12

Wünletikmak bakle shunle chipao tsuak koxlechu,

JEREMIA 9:8

Hwom lebu a mik-amüt angkya sanjunbu ningle; hwome jento kaxthai zangzang wüi wün. Hwom pangwüie tomzibu füi zuikop zangzang wüi wünle, ikoxle ija hwome ibu hanpakma aman angkya kam thakya tuita changpu.

JEREMIA 9:3

Jento hwom a atse ang achwonle tüile; otsingtsing lüima wanlom chitokyabue haxtok apünle ngole. Jowanpae thüile, “Ku khünakbue ochax mwot tuita füima tuitale mokle ilaxle hwome ku a hwom Zang changpule jao mün-e.”

ISAIA 5:18

Hünzom a maxdaoa! Hünzom a hünzom ochaxbu chak tokya dale alai ang müntho.

WANWÜNKAX 4:16

Hwome thaikya mwot lituta mamok tanto chichang-chizangkya khünakbu ang mikngüt münhüi. Owawa to chakmok-janlangle machang tanto hwom mik azang lüwüi ngole.

MÜNCHUAK-TSAI 140:3

Hwome hwom lebu a pu wabu füi ngaxchu anaxle achang, ilaxle hwom tunpün ma zik-hing khunkyae awangle tüile. Selah

MÜNCHUAK-TSAI 64:3

Hwome hwom lebu a changlo lailaile wunle anaxle thom ilaxle tsaima-kaxshix a sanhap hanpak ang twon

MÜNCHUAK-TSAI 50:19

“Hünzom a ochax zangwün ang othuithuima achwonle ngopu; hünzome atse ang ojao chizapu.

MÜNCHUAK-TSAI 7:14

Hulax chichang-chizangkya khünakbue chemle ochax mwot ajangle koppuix; hwome sikngün apong angkya katzua laxle üntoxle dyen-ngankya wanlom twonle.

JOB LAIPEX 11:3

Job, nange nang kax to lan ang münthopule texpia? Idu thajao zangwün füi kwom adang thoüile texpia?

PONGWANG LAIPEX 19:11

Ifüima hokhie homthoma tüikya khünak noknusa ang mik apwom ang tom, ikhoma hwome kahak lomle chiataktsuak.

MÜNCHUAK-TSAI 52:3

Müikya to künkya füi nang ochax towüi mong sükün üntoxle otsingtsing füi othai towüi mongkün. Selah

JEREMIA 7:28

Hwome Jowanpa hwom Zang kax ma chilaxle tüikya bama chichangba hwome apongkya sikngün makhange awanle lax angkya nange hwom hama akax angkya changle. Hwom zongto mongong tüikya a omang ang achangdaoa. Athax ija mo ojao wünle münngo.

JEREMIA 12:6

Hünzom haxnu homsabu ngaxchu, hünzom homkha khünakbu, hwome ngaxchu nang pongle chikop; hwom nang zan to ka ang mix füi womtüi. Hwom to mong taxong, hwome kaxmüi zangchu kangnaxwün.”

JEREMIA 12:13

Ku khünaknue wonglai haxtok mo, ikoxle hingzang züt ang kop; hwome azongle mwot mok, ikoxle ikhama chemchu chikop. Za-adünkya ku mongtsik khoma hwom puamün atho.”

JEREMIA 13:23

Khünakbue ma tsangtsa khwon zong ajüi ang tho ang cha, chichangba chaxnu tuitae chix tsangtsa ma zakya awüt ang tho ang cha? Ija hwome tsuak koxba, ochax boma chemchu chimok tsuakkya nange changkya mwot mok ang awanle laxse.

JEREMIA 51:58

Pangnu to lütle ngokya Babilon tingnu pan-katukbu a hax to tswonle awütüi, ilaxle haxtsua-zangthakya ija zünkaibu zokle ashunüi. Chaxwannu noke mokkya mwot a chem angchu münchang; hwom azong-amongkya a wünkhut ang achangdaoa. Ku, Jowanpa Khüthak Zang-e ija akaxdaoa.”

JEREMIA 51:64

ilaxle thüikox, ‘Babilon nok to ija ningle changüi: ija ti to singüi ilaxle otuechu chatle chiajongüi chemthüikoxle Jowanpae she hato iningkya thama ahüile ngole.’” Jeremia Kaxbu ima ashukle.

MALAKI 2:10

Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

KAXFÜNPA-HWOM 2:10

Ija tsünthom pangwüi zile pao, ilaxle ofüi angkya tsünthome Jowanpa tamchu chixe Israel nok hanpakma mokkya ohünotün mwotbu pangwüi alakle asam.

WANWÜNKAX 12:5

Sukya khünak tuitae nang to haxmüi-zangmale akox-akomle hu-meüi; chichang-chizangkya khünak tuitae a nang dyense tsuüi.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”