JEREMIA 9:4 - OTSAO BAIBEL (BSI)

⁴ Ma zuikhuibu zongto pangnusasa wüi mik-hingle ngo angkya changpu, ilaxle haxnu-homsa to owaechu mongong angkya müntüi; chemthüikoxle mamixbu chuwüi pangwüi Jakop lailaile mix dyenle tüile, ilaxle pangnusasae wüi ma zuikhuibu ajao-ahaile changle.

JEREMIA 9:4 ပူးပေါင်းရင်းမြစ်များ

JEREMIA 6:28

Hwom a khop hia jan ningle tsakle tüikya mongwüi khüi tangtangle alün-aloxle tüikyabu changle. Hwom pangwüi khuafaole ahamkya hia za-amanle ngokya füi komkaile amadaoa.

MATHI 10:21

“Hotüie honao, hopae sasün lang angkya hanpakma owüiole koxüi; tamchu sasün hwome honu hia hopa hwom füi alünle ajong laxle hwom lang ang owüiole kox angkya changle.

LIWI 19:16

Owawa bato khualople taxchang, ilaxle owawa a chix khüzün hanpakma kaxfün khwa ma tüipongma, nang zangwüne chix to kaxjua fongtsuak angkya olom jangtüi thüiningle ija akaxle laxkox. Ku a Jowanpa hünzom Zang changle.

JEREMIA 12:6

Hünzom haxnu homsabu ngaxchu, hünzom homkha khünakbu, hwome ngaxchu nang pongle chikop; hwom nang zan to ka ang mix füi womtüi. Hwom to mong taxong, hwome kaxmüi zangchu kangnaxwün.”

WANWÜNKAX 25:18

Chichangkya to kaxhux fekya a tuita mik amüt angkya hanpakma twonkya changlo, pünthom hia sanhap thatha changpu.

WANWÜNKAX 10:18

Miktsak khomle thomkya khünak pangwüi tselopbu changpu. Khualop-zangwün atsatle changkyabu a ongatbu changpu.

MÜNCHUAK-TSAI 15:3

üntoxle owae mix to kaxma chithüipuix. Hwome ma zuikhui zongto thaikya chimok chichangthüiba tomzi bama khualople chichang.

PONGWANG LAIPEX 32:28

Ija mixsüne thüi: “Athax nang mün a Jakop le münchangüi. Nang Zang füi tamchu ku füi ashingle changdaoa ilaxle nange wüi anaodaoa; ikhoma nang mün a Israel”

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

KAXHO MÜIKYA LUK 21:16

Manu-mapa hwome ilaxlechu matüi-manao hwome üntoxle kako: homkhae, tamchu üipa-zuikhuibue, hünzom a owüiole koxüi, üntoxle hwome hünzom züizüi a omang jao amütüi.

MATHI 10:17

Khünzailax, chemthüikoxle koplaxle kaxfün ang hünzom khwa to apüi angkya tamchu hwom zangshwom hombu to hünzom to fit-müi angkya khünakbu tüi angkya changle.

EZEKEL 22:9

Hwom mik amüt angkya hanpakma hünzom kha angkya züizüie owawa hanpakma kaxthai zangwün alaile khualople. Hwom züizüie chapabu ang koxkya töbu chuwüi saxle. Züizüie a jento mix mikzalokya mongzom amüile ngole.

WANWÜNKAX 6:16

Jowanpae adu ang chithole anukya a oli anüt tüile: Mongngam mik-hu-thünza, atsekya le, chemngax chichangkyabu mik-amütkya chak, chichangchizang mwottho zingle alaikya khangka, chichang-chizangkya mwot mok ang momle zikkya cha, tuita füima tuitale mikngün kaxngai othai koxkya, ilaxle zuikhui bato tucheile amakya.

MÜNCHUAK-TSAI 101:5

Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

JEREMIA 9:8

Hwom lebu a mik-amüt angkya sanjunbu ningle; hwome jento kaxthai zangzang wüi wün. Hwom pangwüie tomzibu füi zuikop zangzang wüi wünle, ikoxle ija hwome ibu hanpakma aman angkya kam thakya tuita changpu.

MALAKI 2:10

Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

WANWÜNKAX 4:16

Hwome thaikya mwot lituta mamok tanto chichang-chizangkya khünakbu ang mikngüt münhüi. Owawa to chakmok-janlangle machang tanto hwom mik azang lüwüi ngole.

WANWÜNKAX 4:17

Hwom zongto chichang-chizangkya mwot hia changnong-pünthomle tüikya a juling-saxsaxkya ningle changpu.

ISAIA 9:16

Ibu khünak lom azuikyabue hwom othai to zunle pao ilaxle hwom komkaile khosam ma dantox.