JEREMIA 9:23 - OTSAO BAIBEL (BSI)

²³ Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

JEREMIA 9:23 ပူးပေါင်းရင်းမြစ်များ

ISAIA 5:21

Hünzom a maxdaoa! Hünzome hünzom a hwontüi-jelangkyabu, tüle tsingzaikyabu le thütle.

HWON-NWOT-JAONO 9:11

Kue mama olichu ajangle lax, ija a, ija chaxwannu ma jento momle-momle zikkyabu tix longzi alop tsuakpu le münchang, ilaxle mongchongkya mixe tix zanhok ma anaopu le münchang. Jepabue kop-lole saxpu lechu münchang, tsing füikya mix ahak-aluapu le münchang, ilaxle tsuakkya khünak pangwüi alixachong ang achangpu lechu münchang. Shoma a pangnusa hato azutle hüipu.

ROM NOK HATO ZAKYA POL LAIZA 1:22

Hwome hwom a hwon-hi-je füikya le thüitüi, ikoxle hwom a ongatbu;

EZEKEL 7:19

Hwome hwom hun hia khopbu pangtsa ningle tingjang lomnu to tswonle awütüi, chemthüikoxle Jowanpae chix mongtsik mongma thokle ahüikya chak tokya khop hia hun thalix tuina chemechu hwom khose ang chitho. Hwome ibu athaxpi hwom mongzom amüi hia hwom wok afwot ang twon angkya olom chitüi. Hun hia khopbu hwom ochax lom to alyetpu.

WANWÜNKAX 11:4

Nange zik apongkya zuma nang ahak-aluale tüikyae chem hwon müntha, ikoxle mong ma thaikya chitüikya khünake ma khüzün sün ang tsuaküi.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

MÜNCHUAK-TSAI 62:10

Changnong-pünthomkya to nang mongong taxthom; ahux-alop laxle tütali olüi kopüile taxthüt; nang okop-olwot ma tüle ahak-achakle tüikoxlechu, ibu to taxong.

TSAITONG-KAXTONG 8:17

Idaile, hünzome chemtuechu ma azong-afa laxle matsak-mazong füi saxpu-luawang ang achangpule chemtuechu taxthüt.

1 TIMOTHI 6:10

Chemthüikoxle ngun to mongkünkya a ochax pangnu hanpakma otong changle. Züizüie ija kopsele tsukya khoma mongong füi atsaile sam, ilaxle küjo küjekya küntsik mongma olombu tokhange hwom mong max angkya hato ahüi.

MARK 10:24

Chix kax atatlaxle wangshembu ang huanuma khosam. Ikoxlechu Jisu-e hwom füi akax: “Kusahom, Zang Wangting to dong angkya otukuxkya mwottsak hex hule koplax!

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

EZEKEL 29:9

Ijip a laxli chitüile awüt thomkya haxtok ang achangüi. Ifüima nange ku a Jowanpa changpule awanüi. “Chemthüikoxle Nail shuanu a nange zingkya nangkux changle le akaxdaoa.

ISAIA 10:8

Chix ang mongngam: “Ku süpahi lompabu pangwüi wanghomhom wüi changle!

HWON-NWOT-JAONO 2:19

ilaxle ija khünak a jepa wüi changtüi chichangba anga wüi changtüi: owa tsing? Tütale wüi chang koxle ija chaxwannu ma ku je-hwon makhange kue mokle alaidaokya komkaile chix kux ang changüi. Ija ma ku zongto laxli chemchu chitüi.

1 SAMUEL 17:42

Chemtue chixe Dawid sün bakle tsingle ngün ang kople changpuix, chixe ajao, chemthüikoxle Dawid a osün müikya naosünsa tuita le chixe ngün.

DANEL 3:15

Chichang thüiningle athax ile thuaput-waxmaibu mütle klingkingkong zing atatkya füi tomle akhuxlaxle ija chapa tong to shwomle akhuxdao. Hünzome ile münmokle angamle jangchang thüiningle hünzom a athax ile okham wünnu khato shoüi. Ile changkya zuma hünzom azün angkya baozang owawa tüi angkya changle le hünzome ajang cha?”

1 KORIN 1:31

Idaile Otsao Lai-e akax ngokya ningle: “Owae ngamse texlaxpuix, Jowanpa-e chem mokdao laxpuix ija khoma ngamkox.”

FILIPI 3:8

Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

FILIPI 3:10

Ku mongtsukya abakle a Khrista tsingse ilaxle chix chatle azangle zokya thwon lopse le tsukya ibibi changle, ija a chix sikngün tom-han angkya hia chix zik ma chix ningle achang angkya hanpakma,

JOB LAIPEX 32:13

Ingale hünzome je-hwon tua alopdaoale chemle thüitsuak? Hünzome chithokya khoma Job kaxto Zang-e tix lanüi.

WANWÜNKAX 3:5

Nang mong makhange abakle Jowanpa to mongongkya tüikox. Nange chem awanpu le texpuix otuechu ija to onglaxle taxngo.

WANWÜNKAX 21:30

Jowanpa nang füi apüile jangtüidao thüiningle, khünak je-hwon, khüzi anaxkya, mongtex zukya: ibu chem mwot angchu münchang.

ISAIA 20:5

Opangsae Etheopia to ma mongong thomlaxpuix ilaxle Ijip bama tsaichong-kaxbongle changlaxpuix, hwom ang thünkhux-thajao apongkya tüiüi.

ISAIA 47:10

“Nang ochax ma nang to chemthüiüile nange thüt; nang owaechu ngün ang münthoüile nange thüt. Nang je hia hwome nang lomchei to zunle pao, ilaxle nange nang füi akax, ‘Ku a Zang changle — ku lailaikya mama owachu müntüi.’

JEREMIA 48:7

“Moab, nange nang tsak-zong hia nang ma tüinangkya to mongongle, ikoxle athax a nang to ngaxchu lütlaxle kop angkya changle; nang baozang Kemosh a zanda ang pao angkya changle, chix füi tomle mamixbu hia zompu-zangpabu kople paoüi.

JEREMIA 49:4

Hünzom mongong chitüikya khünakbu chemkhoma tsaichong-kaxbongle tüipu? Hünzom janzüi a chithokya ang changdaoa. Hünzome ma tsak-zongto onglaxle hünzom to owaechu sing ang münthole büthüikoxle akaxpu?

JOB LAIPEX 41:15

Chix tokfüi a dibu füi tsyenthuile zinglaxle tüile. Ilaxle ibu a tomwüi khakle amongle üntoxle long lailaile tsakle tüile.

MÜNCHUAK-TSAI 33:5

Oja otsao tamchu sukya changpuix, ija to Jowanpae mongkünle; tamchu chithwonkya chix mongküne chaxwannu awangle.

MÜNCHUAK-TSAI 34:3

Ku füi tomle Jowanpa zaxzangkya apuk-apuahax; keme onotomle chix mün achuak-hax!

MÜNCHUAK-TSAI 44:9

Ikoxle athax a nange kwom chilaxle awüt üntoxle mixe lüt ang tompu; athaxpi nang a kwom süpahibu füi tomle zan to chikapu.

JEREMIA 31:34

Hwom opupuechu tomzi hama Jowanpa tsingle lax angkya wüile anwot-ano ngo angkya müntüi, chemthüikoxle hixkya makhange chongkya kople hwom pangnusae ku awanle changüi. Kue hwom ochaxbu alaküi ilaxle hwom thaikyabu mong ma münthomüi. Ku, Jowanpae ija akaxdaoa.”

JEREMIA 48:14

“Moab angkya khünaknu, hünzome omalax ang naomüibu, zanhok ma wanle anodaokya mongchongkya süpahibu changpule omalax ang akax ngo?

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.