JEREMIA 9:18 - OTSAO BAIBEL (BSI)

¹⁸ Khünaknue thüi: “Kwom hanpakma mangsop tsai ngao angkya hwom ang kangmomlaxle thüikox, kwom mik ma mikfi ti jenle machang machangle, tamchu kwom mik-kaxbu sopkya mikfi tie awangle machang machangle.”

JEREMIA 9:18 ပူးပေါင်းရင်းမြစ်များ

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

ISAIA 22:4

Athax a ibu ku khünaknu mikmaxünkyabu hanpakma mongmaxle sop ang ku to chitsale danhüi. Owaechu ku taxjox.

MANGSOP 2:18

O Jerusalem, nang pan-katuke Jowanpa hato akhong kox! Nang mikfibu a zangnak zangngai shuajen ningle jen ang laxkox; Mangsopkya hia mongmaxkyae malailai to zoshunle changkox

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

MANGSOP 1:2

She a jamütungle sople apüi; she bwomzong to mikfi jenle ju. She üinu ozang hwom khama, she mong asom ang tuita ngaxchu chitüi. She füi nokmüile changkyabue she ale ilaxle athax a hwom pangwüi she zongto zan ang chang.

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JEREMIA 9:20

Kue thüi: Hünzom shekobue Jowanpa kaxzing to apalax, ilaxle chix zangwünbu to nathalax. Hünzom sacha hwom hama sop angkya anole laxkox, ilaxle hünzom zuikhuibu hama mangsop tsai ngao angkya anole laxkox.

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 6:26

Jowanpae chix khünaknu füi akax: “Nyikhwon aponglax ilaxle haxbu khato wotlax. Nange tuita wüi tüikya nao zile paopongma chemle sopse hex ile mongmaxle sopkox, chemthüikoxle nang thomjo ang nguile ngokya mixe allele singüi.

KAXHO MÜIKYA LUK 19:41

Chix tingnu hato namle ngui, üntoxle chixe ija ngünkya zuma chixe ija tingnu hanpakma sople thüi:

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

JEREMIA 7:29

“Soplax, Jerusalem angkya khünaknu; hünzom kho sexle awütdao. Haxkhobu to mangsop tsai ngaokox, chemthüikoxle, Jowanpa, ku ang mongtsikle ilaxle ku khünakbu chilaxle awütdaoa.

MANGSOP 3:48

Ku khünaknu thama ngünkya zuma ku mikfiti shuajen ningle jenle ju.

AMOS 5:16

Ikhoma Jowanpa Khüthak Zang-e thüile: “Tingnu tingjang lomnubu to mangsopkya hia akhongkyabu tüiüi. Omün koxlaxle mangsop ang tsankyabu füi tomle manzai mixbu chuwüi mangsop ang ahyenkya tüiüi.

JEREMIA 3:24

Ikoxle kaitan tokhange kwom pupa hwome mokle hüikya pangnuli: zakkop baozang Bal to shwomkyae kwom a samle ngokya chun othom, sasün hia sachabu ang achangle.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 4:20

Thangshix tuita füima tuita azuile hüi; haxtok pangwüi pünle ama toxdaoa. Kem pombu allele pünle ama; ibu tuknyibu a akyetle akhix awüt.

MANGSOP 2:13

O Jerusalem, ku mongkün Jerusalem, kue chemle wünthoüi? Kue chemle nang jox thoüi? Ija ningkya sikngün owaechu tüma-apong. Nang thama ma othüt chitüi tinukha lailai; monghom atak angkya olom ojao chitüi.