JEREMIA 9:11 - OTSAO BAIBEL (BSI)

¹¹ Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 9:11 ပူးပေါင်းရင်းမြစ်များ

ISAIA 25:2

Nange tingnubu amadaoa ilaxle ibu ziakople thomkya panbu pündaoa. Kwom zanpabue zingkya onuibu a othuithui hanpak ang amütdaoa.

JEREMIA 51:37

Ija haxtok a mixmüt tamting faomüibu ngwotnui ang achangüi. Ija a mikngün ma za-adünkya ang changüi; ikhato owachu münngoüi, ilaxle ija ngünkyabu pangwüi abütle changüi.

JEREMIA 10:22

Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

ISAIA 34:13

Chongwang homlo hia long katuk füi swonle tüikya tingnu pangkha to hux hia kongbüibu nyemle changüi, ilaxle ikhato hijan hia shwonbu ngoüi.

ISAIA 13:22

Long katuk hia wanghom-homlobu makhange hijanbu sopkya zing atat ang kopüi. Babilon hanpak tunu nguile hüidaoa! She hanpak athax kaikya ang changpu.”

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.

MANGSOP 3:47

Kwom a thama-thomshix hia amale toxkya ziamong makhange le; kwom a thomzün ma hia zakya chifün ma ngo.

MANGSOP 2:2

Judah angkya tingkhua pangnu Jowanpa-e chingchingchichale amütdaoa Ilaxle haxtok khosele ngokya zanhunui pünle adütdaoa. Chixe wangting hia ija apünle ngokyabu hato thünkhux-thajao apüidaoa.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 26:18

“Chemtue Judah ma wanghom ang Hezekiah changkya hex, Moresheth ang ajepa Mika-e khünaknu pangnusa hama Jowanpae akaxkya kax apuale thüi: ‘Zaion ma haxkhutle tihax lailaile achangüi; Jerusalem a pünle amakyabu athünkya kha ang changüi, ilaxle Zangshwom-Hom a tuita faonukha ang changüi.’

JEREMIA 25:11

Ija haxtok pangkha wüi amale dantoxüi ilaxle ija a mikngün ma za-adünkya tuita changüi, ilaxle tomzi nokbue zanglao puzom-bün hanpak ang wanghompa Nebukadnezar thothale changüi,

MÜNCHUAK-TSAI 79:1

O Zang, songsaribue nang haxtok tingtakle changdaoa. Hwome nang Zangshwom-Hom chitsaokya ang achangdaoa ilaxle Jerusalem a pünpakle ama toxdaoa.

MIKA 6:16

Hünzome wanghompa Omri hia sasün, wanghompa Ahap nyie mokkya ochax olom hünzome tokya khoma ija ile chang angkya changpu. Hünzome chizakle hwom mongtex olom tole hüikya khoma kue hünzom hato thama apüiüi, ilaxle pangnusae wüi hünzom a ajao-ahaile changüi. Pangnu khato wüi khünaknue.” Hünzom to ongam füi hwonüi.

MIKA 1:6

Ikhoma Jowanpae thüile: “Kue Samaria a kothofa to onok samle paoünkya nui-ting, grep zu küile changkya nui ang achangüi. Kue tingnu angkya longkhixbu thokle haxnucha to atuile ajoüi, ilaxle tingnu chifün oman chitüile achangüi.

JEREMIA 26:9

Jowanpa mün lünlaxle nange ija Zangshwom-Hom Shiloh ningle achang angkya tamchu ija tingnu pünle ama laxle owachu chingokya onui ang achang angkya büthüikoxle akaxpu?” Ipongma ku akhople khünaknu asox.

JEREMIA 25:18

Jerusalem hia Judah angkya tinglongbu pangnu, ija wanghombu hia lompabu chu pangwüi womle, ija angkya ling ang tom, ilaxle hwom a awütle toxkya kha, khomtsikya hia za-adünkya nui ang achang, ilaxle athax kople twonkya ningle khünaknue hwom mün a othuak-ozom ang twon

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.

NEHEMIA 4:2

Chix füikya khünakbu hia Samaria nok süpahibu tuntho to chixe akax: “Ija chem chifün chitüikya Judah khünakbue hwome chem mokpu le textüipuix? Hwome tingnu chatle azünle zaile alaiüile texpia? Töbu koxkya makhange hwome ija mwot nyixta ma wüi alaile tsuaküile texlaxpia? Hwome longhom zai angkya longbu zokle ashundaokya athün thomkya longkhixbu makhange chatle zingtsuaküile texlaxpia?”

MIKNGÜN-OHÜN 18:2

Chixe tüle azaxle thüi: “She nguakdaoa! Chongkya Babilon nguakdaoa! Athaxpi she a, bao hia haxshix chasabu, ngwotnui ang achangdaoa; chitsaokya tamchu nushix dongkya susabu, oli pangwüi she ma awangüna.

LIWI 26:32

Kue hünzom haxtokbu wandangjale chang ang tomüi ilaxle ikhama ngokya hünzom zongto zanpabu tüle abütüi.

MÜNCHUAK-TSAI 44:19

Ikoxlechu nange kwom faomüibu khato fongle fa angkya mix owa chitüile dantoxpu; nange kwom zangnaknu othongdua to danle toxpu.

JEREMIA 1:15

chemthüikoxle shuakux chitokya jat-libu pangwüi kue ikhato ngui ang sele ngopu. Hwome wanghombue hwom tüntongbu a Jerusalem zünkai ma tamchu ija long katukbu akhople ajongüi ilaxle, ilaxle Judah haxtok angkya mama tingnubu akhople chuwüi ajongüi.

JEREMIA 4:27

Zangfang pangwüi awütkya haxtok ang achang angkya Jowanpae akaxdaoa, ikoxle ijae ija komkaile amütüile münchang.)

JEREMIA 44:2

Jowanpa, Israel nok Khüthak Zang-e thüi: “Kue Jerusalem hato thama tsangmüt apüikya hünzom tomtatae tamchu mama Judah tingnubu ma tüikya pangnusae ngünle laxdaoa. Athax kople ibu a pünle ama thompu, ilaxle ibu ma khünak owachu chingo

JEREMIA 49:33

Hazor a otuechu khünak chingokya nui-ting ang achangüi, ikhato hijan tata ngoüi. Ikhato khünak owachu tamchatle münngo. Ija kax, ku, Jowanpae akaxdaoa.”

JEREMIA 50:3

“Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

MANGSOP 1:4

Otsao nazak nyix Zangshwom-Hom to zangshwom ang nguikya athaxpi khünak tuita chitüi. Ikhama tsai ngaole ngokya naochabu sikngün ma ngo, ilaxle nguapabu wotle awao angkya boma chemchu chitüi. Tingnu panja ahuasak, ilaxle Zaion a künduk-mongthang ma ngo.

TSAITONG-KAXTONG 29:23

Haxtokbu a khat hia hum-e awangle, oziak-opua chemchu chitüile awütle thomkya kha ang ngoüi; chemchu küi-thwomle münchangüi, ikhato hingzang ngaxchu chinyemüi. Chix mong shixle tsikpongma Jowanpae amütdaokya Admah hia Zeboiim nok, Sodom hia Gomorah tingnubu ningle changüi.

MÜNCHUAK-TSAI 107:43

Jetüi-hwonlangle tüikyabu pangnusae ibu bama ajangle naxchang kox; hwome chithwonkya Jowanpa mongkün changle le naxlaxkox.

JEREMIA 8:22

Gilid nok ma hinghai müntüi hexnyi? Ikhato doktorbu ojao müntüi hexnyi? Chemkhoma, ku khünaknu kak-lak puix tamchu, ku khünaknu ang kak müidaimami?

JEREMIA 16:10

“Chemtue nange ibu pangwüi hwom hama wünle koxüihex, chemkhoma kue hwom to ipongpong thomshixle sikangün ang thüipule hwome atüiüi. Hwom tsangmüt chem hex ilaxle Jowanpa zongto thaikya hwome chem mokdaopuix, ibu hwome atüiüi.