JEREMIA 9:10 - OTSAO BAIBEL (BSI)

¹⁰ Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 9:10 ပူးပေါင်းရင်းမြစ်များ

JEREMIA 12:4

Kem haxtok a chemtukux zuale zan-ngoüi, ilaxle haxsha angkya hingzang pangwüi azanle aziküi? Müi hia osabu a zingole ija a kem khünaknu chichangchizangle tüikya khoma changle. Khünak ibue thüile, ‘Keme mokkya mwot Zang-e münngün.’”

HOSIA 4:3

Ikhoma haxtok a zanle paoüi, ilaxle ima ngokya pangwüi zile paoüi. Faomüi hia o-jux pangwüi, janyax to lünle zile paoüi.”

EZEKEL 33:28

Kue onok a khünak chingole awütkya haxtok ang achangüi, ilaxle hwom mongngam ang laxle ngokya tsak-zong a oshuk ang achangüi. Israel haxnubu a owachu mata-anyi le ang chithokya shonak-lingnu ang achangüi.

EZEKEL 29:11

Ikha akaile müi hia khünak chemchu münahamüi. Zanglao 40 hanpakma ikhama owachu münngoüi.

EZEKEL 14:15

“Chichangba haxtok ma khünak tuita aham angkya thama apüile khünaknu mik amüt ang kue faomüibu ahüi ang tsuak.

JEREMIA 12:10

Mixnok apün-awangkyabue ku grep haxtok huanuma amadaoa; hwome ku haxtok to cha füi nakle amadaoa; mongkünkaikya ku haxtok hwome sak-hax ang achangdaoa.

JEREMIA 7:29

“Soplax, Jerusalem angkya khünaknu; hünzom kho sexle awütdao. Haxkhobu to mangsop tsai ngaokox, chemthüikoxle, Jowanpa, ku ang mongtsikle ilaxle ku khünakbu chilaxle awütdaoa.

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

JEREMIA 14:6

Haxkho ma ajongle tüikya fao mantsakbu hijanbu ningle zaklo syet ang azongzi; hwom mikbue ngün ang chitho chemthüikoxle hwome sax ang osüt muale ngaxchu chitüi.

JEREMIA 8:18

ku mongma kak müifang münchang; Ku a khaxtua ma kakle.

JEREMIA 2:6

Hwome ku tüi jaojao chitex. Ijip nok tokya hwom kue sünle apüihupu ilaxle sak-hax faokha akaile kue hwom azuipu: Sak hia sak haxbange awangle tüikya haxtok, zuazoxkya hia thomzün tüikya haxtok ojong khato owachu chingo ilaxle owa ngaxchu ahamle chichangkya haxtok.

ISAIA 49:19

“Nang haxtok a amale owachu chingole changdaokya— ikoxle athax ija a hidaoküsa ang achangüi ikhato ngo ang nguingokyabu hanpakma. Ilaxle opange nang amale dantoxpuix ibu a nang füi ochu to atsaile apaoüi.

ISAIA 41:15

Kue hünzom a tsaxnakkya oling-olak ang achangüi, owa anaxkya hia ozün füikya a. Hünzome haxnu to nakle akhixüi ilaxle ibu pangwüi amaüi; haxhuabu a haxbu ang achangle nakle asumüi.

JEREMIA 50:3

“Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

EZEKEL 27:2

“Ziün angkya khünak, Tair nok hanpakma mangsop tsai ngaokox,

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

JOEL 1:19

Jowanpa, kue nang to nyakpu, chemthüikoxle fum-sui hia pünzua komle zandaoa, wün to shunpupu le zanle zidaoa.

AMOS 5:1

Kue hünzom ang ngaokya mangsop tsai ija to apalax, Israel khünaknu:

AMOS 5:16

Ikhoma Jowanpa Khüthak Zang-e thüile: “Tingnu tingjang lomnubu to mangsopkya hia akhongkyabu tüiüi. Omün koxlaxle mangsop ang tsankyabu füi tomle manzai mixbu chuwüi mangsop ang ahyenkya tüiüi.

MIKA 2:4

Chemtue ija hanpak nguile hüipuix, hünzome apong daokya thama a khünaknue tuita wanwünkax ang twonüi, ilaxle hünzome apongle hüidaokya thama to saile hwome tsai ma ile ngaoüi: Kwom a oli thule amadaoa! Kwom haxtok a Jowanpae laxlaxtoxdaoa Ilaxle ija a zanda ang kwom kople paokyabu chak to koxdaoa.”

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

JEREMIA 12:11

Hwome ija laxli chitüikya haxtok ang achangdaoa; ku tunthoma ija khünak chingokya haxtok ang awüt thomle. Haxtok komkaile sak-hax ang achangdaoa, ilaxle ija pak owaechu müntik.

MANGSOP 5:18

chemthüikoxle Zaion Haxnu owachu chitüile chix tata ngo, ilaxle ija maxkya tamting ma fao hijanbu akhwomle ahamle ngo.

EZEKEL 6:6

Israel nok tingnubu pangwüi amaüi, ikoxtix hwom tö-tsap hia chapabu bakle thuple akhixüi, hwome ongan müikya so zokkya tö-tsapbu thuple amaüi, ilaxle hwome zingkya oli chemchu ngün ang chikople amütüi.

MIKA 3:12

Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.