JEREMIA 8:9 - OTSAO BAIBEL (BSI)

⁹ Hünzom jepabu a zak-kop ang tompu; hwom ang kho asamdaoa ilaxle tsün ma amandaoa. Hwome ku kaxbu chilaxle awüt; ikoxle athax hwom ma chemningkya je-hwon tüile ngo?

JEREMIA 8:9 ပူးပေါင်းရင်းမြစ်များ

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

JOB LAIPEX 5:12

Chixe huxtsing-loptsangbu mwottho pün-pakle; je-hwon füikya khünakbu hwom katzua mawüi alüile amanle; hwome mokkya mwot chemchu tholün ang müntom.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

ISAIA 19:11

Zoün tingnu angkya lompabu a ongat changpu! Ijip nok hwontüi-jelangkyabue ongat hwon-anole koxle! Hwom a kaipongkya manpa-tsingpabu hia wanghombu lüi angkyabu changpule hwome wanghompa hama chemle wüntsuak?

MÜNCHUAK-TSAI 19:7

Jowanpa Wanlom a okhonguikya changle; ijae janzüi hozün koxle. Jowanpa kaxtombu a mongong tüikya wüi changle, je chitüikyabu ang je kox.

TSAITONG-KAXTONG 4:6

Mongongkya füi ijabu kax ma laxle tüilax, ilaxle ija makhange mama mixnokbu hato, hünzom chemtukuxle jetüi-hwonlangkyabu hex, aho ang tsuaküi. Ibu wanlom pangnu bama chemtue hwome atatle changüihex, hwome thüiüi, ‘Ija tüle chongkya jat-li tuita ma jetüi-hwonlangkya huanu changa!’

2 TIMOTHI 3:15

ilaxle nang naosa ma tüitanto wüi, nange Otsao Lai awanle hüipu, chempange nang ang Khrista Jisu to mongongkya makhange atak angkya khosün hato zun ang je-hwon fa ang thopuix, ibu ma akhax akhün le thompu.

EZEKEL 7:26

Thama tuita füima mama thama azuile hüiüi, ilaxle kaxho oma a chizopkya jajen ningle thokle hüiüi. Hwome chem ngünpuix, ibu ngaile aho angkya hanpakma hünzom ajebu füi tsaiju-kaxjule changüi. Nguapabue khünaknu hama anwot-ano angkya chemchu chitüile changüi, ilaxle tüichong mixmüibu ma zünkax-saikax chemchu chitüile changüi.

JEREMIA 49:7

Ija a Jowanpa Khüthak Zang-e Edom nok bama akaxkya kax changle: “Edom noke hwom sukya kaxfün asamdao pia? Adangpabue hwom hama chemle mok angkya hex akax ang müntho hia? Hwom je-hwon pangwüi amuale samdao pia?

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

2 WANGHOMBU 17:15

Hwome chix kaxtombu kax ma münlaxpule angam, hwome hwom pupa hwom füi tsaole thomdaokya Jowanpa Tsaotsüt chithom ilaxle hwome Jowanpa kaxkhün ahai. Hwome chemjao chichangkya chapabu to shwom ilaxle hwom chemjao ang chiachang, ilaxle hwom tomzi nokbu zom-zang to, ilaxle man taxto-ole thüikya Jowanpa kaxtom kax ma chilaxle tüi.

ISAIA 29:14

Ikhoma kue hwom to texle chilekya sikngün füi tam füima tamle chabüt-lasün ang tomüi. Opangsa jepa changpule ngopuix ibu ongat ang achangüi, ilaxle hwom tsingtsang chem angchu chichangüi.”

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 19:7

Ija onui ma kue Judah hia Jerusalem angkya khünaknue zingkya mwottho pangwüi olom tün ang tomüi. Kue hwom zanpabu ang hwom to anao ang tomüi ilaxle zanhok ma hwom mik-amüt ang tomüi. Kue hwom mangbu a osa hia faomüibu ang sax ang tomüi.

AMOS 2:4

Jowanpae thüi: “Judah noke chatchatnaole ochax lyenle hüidaoa, ija khoma kue hwom to sik chiangün homle müntoxüi. Hwome ku hwon-nwot ajao ilaxle ku kaxtombu chilaxle changdaoa. Hwom, a hwompu-hwompa hwome opang thothale hüikya hex, ibu baozangbue lomchei to zunle paodaoa.

ZEKARIA 13:4

Ija tunu nguile hüisheme, aje owachu mae ngünkya bama tsaichong-kaxbongle chang angkya müntüi. Chixe aje ningle mokle aho tamchu khünaknu dyen angkya hanpakma ajepa hwom za-pua laxle chang angkya mwot chemchu müntüi.’

ISAIA 43:27

Owang pongkya hünzom putong ochax; hünzom lompabue ku zongto lyenkya ochax,

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.