JEREMIA 8:6 - OTSAO BAIBEL (BSI)

⁶ Kue khile apale ngopu, ikoxle hünzom kaxtsing tuita chiakax. Hünzom tuitata ngaxchu hünzom chichangchizangle tüikya bama thaidaokoxale chithüi; hünzom tuitae ngaxchu ‘Kue chem thaikya mokdaopu?’, le chiatüi. Manbu zan to kaüi ningle hünzom a pangwüi malom lom to pao.

JEREMIA 8:6 ပူးပေါင်းရင်းမြစ်များ

MÜNCHUAK-TSAI 14:2

Jowanpae khünak kem to zangkangting tokhange hule, jetüi-hwonlangkya mix owawa tütüi cha, chix to shwomkya owangax tüichale.

EZEKEL 18:28

Chixe chem mokle hüidaopuix ibu chimüikya mwot changpule chixe awanle lax ilaxle ochax lyenle ngokya zak, idaile chix a zi angkya münchang ikoxle ozün ma ngole le angkya changle.

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

MALAKI 3:16

Ifüima Jowanpa thua zale ngokya khünakbue tata füi zangwün, ilaxle Jowanpae hwom zangwün to apa üntoxle ija atatle lax. Chix mikngün ma, zale thomkya laipex tuita ma, Jowanpa chathua zale tüikya hia chix to achuak-achenle tüikyabu zale kop.

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

HAGAI 1:7

Ija ile chemthüikoxle changpuix, hünzome ngün ang tocha?

HAGAI 1:5

Hünzom to chemle changle ngopuix ija hünzome mün-ngün hexnyi?

EZEKEL 22:30

Long katuk tuita zingle tsuak angkya mix, khünak owae katuk atsunkya longbu athün thomkya khama ajong ilaxle ku mongtsike ibu amüt ang thüipongma ija kho awale tsuak angkya khünak to kue hule ngo, ikoxle kue tuita ngaxchu chiatak.

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.

ISAIA 59:16

Afangle thomkyabu to asunle fa angkya mix chitüikya ngünlaxle chix huanuma abütle. Ikhoma hwom khosün angkya hia zan to lüt angkya hanpakma chixe chix tsak-zong twon angkya changle.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

JOB LAIPEX 10:2

Zang, ku thajao-wünhaile taxchangünfa. Ku ma kafekya zangwün ku hama wünfa?

JEREMIA 23:25

Opange ku mün ma kaxthai zangwünle changpuix ilaxle kue hwom ang wünmang chito kaxho fapule ngaipuix, ibu ajebue chem akaxpuix kue tikle ngole.

JOB LAIPEX 34:31

Job, nange ma ochax Zang hama ngaidüicha? Anaole ochax münlyenpule tsaodüicha?

JOB LAIPEX 34:32

Zang ang nang thaikya ahohüile akax düicha? Ochax mokle mün-ngole mong notom düicha?

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

JEREMIA 3:5

Nang a othuithuima mongtsikle münngoüi; ku füi nang jento mongmale münngo.’ Israel, ija kax nange akaxpu, ikoxle nange tsuakkya kople ochax mwot mokpu.”

DANEL 9:11

Israel khünak noknusae nang Wanlombu ama ilaxle nang zangwün to na münthapu le angam. Kwome nang zongto ochax lyenle chang, ikhoma nange kwom hato nang dapa Mosa laipex ma zale tüikya othuak-ozom kwom hato hüi ang tom.

ZEFANIA 3:7

Ile changkya zuma ku khünakbue ku achuak-achenle changüi ilaxle kue akox-akomkya kax ma laxle tüiüi, ilaxle hwom hama kue ahole fadaokyabu otuechu hwom münalaküi. Ikoxle janpüi ma hwome amipongkya füi ngaxchu sümale chang.