JEREMIA 8:4 - OTSAO BAIBEL (BSI)

⁴ Jowanpae chix khünakbu füi ija kax akax angkya ku füi akax: “Chemtue owawa atile changpuix, chix anaole chizole tüizaicha? Owawae lom asamle jangchangba, chix anongle chichatle tüizaicha?

JEREMIA 8:4 ပူးပေါင်းရင်းမြစ်များ

WANWÜNKAX 24:16

Thaikya chitüikya khünakbu obithom ma nguakpuix, ibithom ma hwom chatle zole; ikoxlechu chichang-chizangkya khünakbu thama chak to maxle.

MIKA 7:8

Kem zanpabu ang kem bama ngadong angkya chemchu müntüiüi. Kem a nguakdaoa, ikoxlechu kem a chatle zoüi. Athax kem a zangnak fangto ngopu, ikoxlechu Jowanpae kem ang zangngai koxüi.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

AMOS 5:2

Naochasa Israel a nguakdaoa, Hwom a tamchizoüi! She a chaxwan tok ma awütkya ang achangle thom, Ilaxle owaechu she azwot ang chiasun.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

HOSIA 7:10

Hwom kaxkax ma wüi lax angkya le angamkya Israel nok mongngame hwom zongto apüile sop. Ipongpong le changle hüidaokoxle chu, Jowanpa hwom Zang, ku hato hwom chichat.

EZEKEL 18:23

Ochax khünakbu zikkya ngünlaxle ku ang mongmüile le nange thütpuix nyi?”, le Jowanpa Khüthak Zang-e atüi. “Ile münchang, itülüi kue hwom künlop-monglüi laxle ozün ma ngokya ngünse tsupu.

ISAIA 44:22

Kue hünzom ochax a zangfwom paopupule apaodaoa. Ku hato chat-hüi; hünzom khosünle kopkya mix a ku changpu.”

1 WANGHOMBU 8:38

ipongma hwom zangjop to apakox. Israel nok nang khünak owawae athukle küntsik-mongmakya tokhange, ija Zangshwom-Hom chito chakthui laxle zangjople changpongma

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

JEREMIA 23:14

Ikoxle ito kaikya mwotma mokkya Jerusalem angkya ajebu kue ngündaoa: hwome chinunchakkai ilaxle atse; othai mwot mok ang hwome khünaknu to asun, ikhoma ochax mwot mokkya abax angkya mix owachu chitüi. Ku zongma hwom pangwüi Sodom hia Gomorah nok füi tomwüi oma changle.

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.