JEREMIA 8:22 - OTSAO BAIBEL (BSI)

²² Gilid nok ma hinghai müntüi hexnyi? Ikhato doktorbu ojao müntüi hexnyi? Chemkhoma, ku khünaknu kak-lak puix tamchu, ku khünaknu ang kak müidaimami?

JEREMIA 8:22 ပူးပေါင်းရင်းမြစ်များ

JEREMIA 46:11

Ijip angkya khünaknu, Gilid nok to paolax ilaxle hinghai to hulax! Hünzom hinghai pangwüi laxli müntüi; chemechu nang kak münamüi.

PONGWANG LAIPEX 37:25

Hwome fongsaxle ngoponge, Gilid tokhange Ijip nok to ka angkya Ishmael nokbu ngünle lax. Hwom utbu a hum-hing hia grep zanbue awangle hünzing laxle tüikya.

JEREMIA 51:8

Babilon a allele nguakdaoa ilaxle ija a amütdaoa! Ija mang sopkox! Ija mak hanpakma hinghai apüikox, owatsing ija mak müile chu changtüilax.

KAXHO MÜIKYA LUK 8:43

Chix ikha to pao ang lom to aham le ngoponge pangnu chito khange khünaknue chix akhop. Hwom khama zangbün anyi aji jenle sikngün ngokya mixcha tuita tüikya; she e she ma atüitüi kak-hu-mix ang koxle ashix, othong chitüikya tswom ikoxlechu owaechu she kak amüi ang chitho.

PONGWANG LAIPEX 43:11

Hopae hwom ang thüi: “Ija ile wüi chang angkya jangchang thüiningle hünzome Gowarnor hato hingho a kem chaxwan ma laikya oli amüikya; fupsa-zan hidaole, nax-ti hidaole, otex-tsyapi, pistachio hia almon ziak, ibu katlax.

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

JEREMIA 14:19

Jowanpa, nange Judah nok owüiole awüt pia? Zaion angkya khünaknu thua nang anu pia? Nange kwom to chemkhoma ojao chimüi angkya maklaxle chang ang tompu? Kwome tumüi angkya to hule nuipu, ikoxle omüi chemchu chihüi; kwome kakmüi angkya to hule ngopu, ikoxle kwom hato chabüt-lasün angkya mix hüipu.

MANGSOP 2:13

O Jerusalem, ku mongkün Jerusalem, kue chemle wünthoüi? Kue chemle nang jox thoüi? Ija ningkya sikngün owaechu tüma-apong. Nang thama ma othüt chitüi tinukha lailai; monghom atak angkya olom ojao chitüi.

HUAKE LAIPEX 32:1

Reuben hia Gad homjen ang tsom-pombu tüle tüikya. Chemtue hwome Jazar hia Gilid haxtok müitsom ang müikya haxtok changle le ngünle lax,

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 22:6

“Ku zongto, Judah nok wanghom homlo a Gilid haxtok hia Lebanon Haxnubu ningle osün müile tüile; ikoxlechu kue ikha a khünak owachu chingole awütkya onui tuita ang achangüi.

EZEKEL 27:17

Judah hia Israel noke nang tui-na otha ang wonglai tsax, nax-ti, olip münga, ilaxle hingbu tsyasa ibu kox.