JEREMIA 8:14 - OTSAO BAIBEL (BSI)

¹⁴ Zang khünaknue atüi: “Kem büthüikoxle dangle thung-ngopu? Hai paohax, kem a ziakople thomkya tingnubu to nguilaxle ikhato zihax. Jowanpa, kem Zang-e kem a zilax-maxlaxle ahaidaoa; chixe kem ang zik-hing ling ang koxdaoa, chemthüikoxle keme chix zongto ochax mwot mokdao koxle.

JEREMIA 8:14 ပူးပေါင်းရင်းမြစ်များ

JEREMIA 23:15

“Ikhoma, Jerusalem angkya ajebu hanpakma, ija a Jowanpa kax changle: “Hwom ang kue khaxkya pün sax ang koxüi ilaxle zik-hing ling ang koxüi, chemthüikoxle haxtok pangkha towüi hwom zang chitüikya olom apukle changdaoa.”

JEREMIA 9:15

Ikhoma, ku, Jowanpa Israel nok Khüthak Zang-e chemle moküihex apalax: Kue ku khünakbu a khaxkya pün sax ang koxüi ilaxle zik-hing ti ling ang tomüi.

MANGSOP 3:19

Ku to tsütle kakkya ajangkya, ku ang hom-hax chitüikya, ija a ku zongto khaxkya zik-hing ang changle.

JEREMIA 35:11

Ikoxlechu chemtue wanghom Nebukadnezar-e chaxwan tingtakle hüipuix, Babilon nok hia Siria nok süpahibu füi atsaile ngo ang Jerusalem to ngui angkya kwome zangwün tsuakpu. Ikhoma anyix kwom Jerusalem ma ngole tüipu.”

MATHI 27:34

Ikhato hwome chix ang pünsi ti füi awutlaxle ling ang kox; ikoxle chixe chaile ano ilaxle chixe chiling.

MÜNCHUAK-TSAI 69:21

Ku woknuak ma maxle changpongma, hwome ku ang zik-hing ningkya oma-oshix kox; chemtue ku tilan maxle tüipuix, hwome zik-hing sikya ningkya tisik kox.

2 SAMUEL 20:6

Ikhoma wanghompa-e Abishai ang thüi: “Absalom to kaile kem ang tingtui Sheba-e adün angkya changa. Ku khünakbu züita koplax ilaxle chix füito zikkox, ile chichang thüiningle chixe panzailaxle ziakople thomkya tingnu tütapu koplaxle kem thoto paole azangüi.”

TSAITONG-KAXTONG 29:18

Anyix ikhama ajongle tüikya sheko, lüka, kako-homkha, chichangba homjen opupuchu, mixnok baozangbu to shwom ang paoüima, Jowanpa kem Zang hato tok chiaho angkya münchangpuole mongzangwünle tsuaklax. Ile jangchang thüiningle ija a khaxkya hia zik-hing füikya püntsing jukya tuita ang achangüi.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.

HABAKUK 2:20

Jowanpa a chix otsao Zangshwom-Hom ma tüile; chix tunthoma zangfang angkya noknusa wüi dangle changkox. Kox.

AMOS 6:10

Ilaxle zikya mix zongto ma-mix, owae zokle ashunkya to humele hüipuix, ija khünake chix zatuabu homkha tokya alaiüi, chixe homzong to ngokya mix füi akaxüi: “Nang füi tomle athaxchu owawa tüichami?” Ija khünake lanüi: “Müntüi!” Ifüima ija ma-mixe thüiüi: “Dangle dangün! Keme Jowanpa mün chilün angkya bama khündong angkya changle.”

JEREMIA 14:20

Kwome nang zongto ochax lyenle changdaoa, Jowanpa; kwome ku ochax ngaile ngopu ilaxle kwom pupa hwom ochaxbu a.

MÜNCHUAK-TSAI 39:2

Kue kaxfa tuita chiakaxle, ku dangle ngopu, müikya oli bama ngaxchu müntsa! Ikoxlechu ku sikngün zia sümama le male hüi,

TSAITONG-KAXTONG 32:32

Hwom zanpabu a, Sodom hia Gomorah nok ningle laxli chitüikyabu, oje füikya hia khaxkya oziak ziakkya grep zubu ningle,

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

ISAIA 47:5

Jowanpae Babilon nok ang thüi: “Dangjajakya hia zangnak fangto ngolax; hwome athax nang ang zangfang wangchanu le münnyakpu

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.

JEREMIA 9:14

Itülüi, hwom pupa hwome hwom hama anwot-anole toxkya ningle hwom ang mongkhüi ilaxle Bal chapabu to mix shwom.