JEREMIA 8:12 - OTSAO BAIBEL (BSI)

¹² Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JEREMIA 8:12 ပူးပေါင်းရင်းမြစ်များ

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

ISAIA 3:9

Hwome Zang ang oma thüikya hwom hato wüi alüile chatüi. Sodom nok lailaile hwome ngaithole ochax lyenle. Hwom a maxdaoa, ilaxle ija hwome hwom hato alüile apüilaxpu.

MÜNCHUAK-TSAI 52:7

“Hulax, ma khosün hanpakma chix a Zang to chiongkya mix changle, itülüi chixe huanuma tüile ngokya tuina towüi mongongle ilaxle chichangchizangle tüikya ma chix khang azang angkya olom to hule.”

ZEFANIA 3:5

Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

MÜNCHUAK-TSAI 52:1

Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

HOSIA 5:9

Sikngün kop angkya hanpak hüile ngole, ilaxle Israel a maxüi. Israel khünaknu, ija a changtomtaüi!

ISAIA 24:2

Pangnusae osho tuitata wüi apongüi — nguapabu hia khünakbu, da hia hopunubu, hangmix hia shakmixbu, thashe koxkya hia laxkyabu, tüi-nangkya hia chitüi-chinangkyabu pangwüi.

JEREMIA 6:21

Ikhoma kue ibu khünak ang chikho thule nguak ang tomüi. Nu-pa hia su-sa hwom zile paoüi, ija lailaile zuikhui hia tomzi-longzibu chuwüi changüi.”

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.

JEREMIA 44:10

Anyix kople hünzom puinaikya kha jao matüi. Hünzome ku achuak-achenkya chitüi chichangba hünzom ang tamchu hünzom pupa hwom ang koxle hüikya ku wanlom kax ma laxle hünzom ngole chihüi.

EZEKEL 23:18

She-e she a tuita tsangtsa hangle ngokya mixcha changle le noknue ngünle jao ngaitho to laile aho. Ija ngünkya zuma hona thua anukya lailaile kue she thua chuwüi anu ilaxle she füi janle pao.

PONGWANG LAIPEX 19:34

Ofüinyix honae honao füi akaxle thüi: “Ku müja chix füi jip-pomle changpu; aja chuwüi chix jutok ang tomhax, ilaxle chix füi nang jiplax. Ifüima künyi pangnyi ang wüi apa makhange süshix naosom nguidongle changüi.”

JEREMIA 14:15

Kue chiahüikya ajebu opange ija haxtok hato ochax-ozan hia woknuak-tilan münhüipule ku mün ma zangwünle changdao laxpuix: hwom a kue ochax-ozan hia woknuak-tilan ma max ang tomüi; ile hwom to kue chakmokle chang angkya Jowanpa kue nang hama akaxle ngopu.

JEREMIA 23:12

Hwom lengokya lomtang a lomnün tamchu zangnak changpu; kue hwom chikho suale ati ang tomüi. Kue hwom hato thama-thomshix apüi angkya changpu; hwom to sikangün angkya hanpak nguile ngole. Ku, Jowanpae ija kax akaxdaoa.