JEREMIA 7:6 - OTSAO BAIBEL (BSI)

⁶ Pünpao, khaxsa hia zomnu hwom to adix-adakya zakün. Ija haxtok ma chemngax chichangkya khünakbu lang-huakle ngokya zakün. Mixnok baozangbu to shwomkya zakün, chemthüikoxle ijae hünzom olithuüi.

JEREMIA 7:6 ပူးပေါင်းရင်းမြစ်များ

JEREMIA 13:10

Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

TSAITONG-KAXTONG 8:19

Hünzome Jowanpa hünzom Zang otuechu taxalak chichangba mama baozangbu hato hwom to shwom-to ang taxpao. Hünzome ile jangmok thüiningle anyix kue hünzom ang kaxfün koxle akaxpu, hünzom a tütakoxlechu max ang tomüi.

TSAITONG-KAXTONG 11:28

ikoxlechu hünzome amipongma tüma-shwom-tokya baozang to shwom ang hünzom anongle jangpao ilaxle Jowanpa kaxtom ibu kax ma laxle chitüi thüiningle, othuak-ozom.

JEREMIA 2:34

Hünzom nyizabu a chem chitsingkya mixshix hia zasa hwom aji füi akhik laxle tüile, ahuxmix hwom aji füi münchang. “Ikoxlechu ibu pangnu lüi to,

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

JEREMIA 19:4

Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,

ISAIA 59:7

Hünzome ojento chimüikya ochax mwot-lomlom wüi zingle ngo, ilaxle ija chimok homtoxle hünzom adule ngo ang chitho. Chemngax chichangkya khünakbu mik amüt angkya bama hünzom ang ojao cha-ao-mongsaokya chitüi. Hünzom apaopao khato hünzome jali olithule amatox,

TSAITONG-KAXTONG 27:19

“‘Mixnok wünpa hia zomnu-khaxsabu to jemlaxle, hwom süntswon pale paokyabu to Zang-e thuakzomkya naxtüi.’ “Ilaxle noknusae lanüi, ‘Amen!’

TSAITONG-KAXTONG 24:17

“Püntüibu hia khaxsabu ang hwom süntswon chifale müntüiüi, ilaxle ma thashe hanpak thathap ang zomnu tuita angkya nyiwun laxle chichangüi.

MATHI 27:25

Noknue lan: “Chix zikya khoma sikngün kwom hia kwom susabu hato naxngui kox!”

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

EZEKEL 18:6

Chixe Israel nok chapabu to münshwom chichangba taxshwomle abaxkya baozang shwomnui to tö koxkya münsax münling. Chixe mix kakonu jik-naile münchang chichangba tutsyen paole ngokya tukma sheko füi jip-pomle münchang.

MANGSOP 4:13

Ikoxlechu ija changle tsuak, chemthüikoxle she ma tüikya ajebue ochax lyen ilaxle nguapabue thaile mok, ija khokho male chemngax chichangkya khünaknu mik max.

JEREMIA 26:23

Hwome chix a wanghompa Jehoiakim hato kople apüi. Wanghompa-e chix lang ilaxle chix mang a noknu mangzuk nui to awüt.)

JEREMIA 26:15

Ikoxlechu ija mong ma koplax: hünzome ku langle jangchang, hünzom tamchu tingnu angkya khünaknu a oma chemngax chitüikya khünak langkya ochax ma thaikya ang changüi, chemthüikoxle hünzom hato ija kaxkhün kox ang ku a Jowanpae tsanle ahüikya changle.”

JEREMIA 7:5

“Hünzom ngole hüikya olom lüilax ilaxle hünzome mokle ngokya mwotbu zaklax. Hünzome tata füi mapai-mixzünkya taxtüi.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

MÜNCHUAK-TSAI 106:38

Chem-mün chiawankya naosom ibu hwome lang, ilaxle haxtok a ibu mik amütkya tokhange chitsaokya haxtok ang achang.

2 WANGHOMBU 24:4

tamnüile chu chemngax chichangkya khünakbu chixe langle changkya khoma ile chang ang tom. Jowanpae ija hanpakma Manasseh thaikya alak ang chitho.

2 WANGHOMBU 21:6

Chixe ikhama chix sasün tuita zokle ashunle tö tuita ang kox. Chixe o-nan hule ilaxle jenu-shipabu ma tsaitik-kaxsho le chang. Chixe Jowanpa zongto ochax huanuma lyen ilaxle chix ang mongtsik adün.

LIWI 25:17

Israel khünak tomtome ma tüita-naopa to syep-dyeple taxchang, ikoxle Jowanpa hünzom Zang kax ma laxle tüilax.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

LIWI 19:33

“Hünzom haxtok ma ngole tüikya mixnokbu to chichang-chizangle taxhwon.

WANWÜNKAX 23:10

Bangkya longzi-manghua otuechu taxachex chichangba zasa-khaxsa changdaobale hwom haxtok pale taxlax.