JEREMIA 7:32 - OTSAO BAIBEL (BSI)

³² Ikoxle ikha ang Hinnom Haxsha chichangba Tofeth chichangle Mixlangnui le nyak angkya tunu hüi angkya changle. Hwome ikhama khünak mangbu akhünüi chemthüikoxle ibu akhün angkya hanpakma mama onui chitüile changüi.

JEREMIA 7:32 ပူးပေါင်းရင်းမြစ်များ

JEREMIA 19:11

ilaxle Jowanpa Khüthak Zang-e akaxkya kax ija hwom füi akax ang tom: “Kue ibu khünaknu hia ija tingnu akhixle awütüi, ija ashixkya a ija tikkux ashixkya owaechu tamchatle asop-apong ang chithole changkya ningle changüi. Khünaknu hwom mang Tofeth ma ngaxchu akhünüi chemthüikoxle ibobo ma hwom ang mang akhün angkya onui chitüi.

JEREMIA 19:6

Idaile ijongkha ang Tofeth chichangba Hinnom Haxsha le chinyak angkya tunu nguile hüiüi, Ijakha a Mikmütnui lümix awan ang kopüi.

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

JEREMIA 19:13

Jerusalem angkya hom-haxbu, Judah nok wanghom hwom hom-haxbu, ilaxle opang homtok ma lyettsibu ang ongan müikya sobu zokle tamchu mama baozangbu ang ju thokle töbu koxpuix: ibu pangwüi Tofeth lailaile chitsaokya ang changüi.”

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

LIWI 26:30

Haxhuabu to tüikya hünzom zangshwom nuibu kue amaüi, ongan müikya tö koxkya tö-tsapbu kue amaüi, ilaxle hünzom mangbu a hax to dütle tüikya chapabu ding to tswonle awütüi; ilaxle ku chasae hünzom thua anuüi.

JEREMIA 19:2

ilaxle Tik zingnui Zünkai makhange Hinnom Haxsha to pao angkya chixe ku füi akax. Ikhato kue chixe ku ang koxkya kaxho apuk angkya chang.

JEREMIA 31:40

Ojongkha ma mangzule tamchu oma-oshixbu awütle changpuix, ilaxle Kidron Shuasa zongma thakchi ma handün chito Man Zünkai alople tüikya manzai haxtok pangwüi, haxshasha bakle, ku zongto otsao nui ang changüi. Tingnu a tamchatle otuechu pünle münama chichangba amüt ang müntom.”

EZEKEL 6:4

Tötsapbu a atsunüi ilaxle ongan müikya so zokkya tö-tsap a pünle awütüi. Ekhato tüikya khünakbu a hwom chapabu tunthoma langüi.