JEREMIA 7:31 - OTSAO BAIBEL (BSI)

³¹ Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

JEREMIA 7:31 ပူးပေါင်းရင်းမြစ်များ

2 WANGHOMBU 23:10

Wanghom Josiah-e Hinnom Haxsha angkya songsari baozang to shwomkya nui Tofeh atsunle ama, ile changkya khoma Molek baozang ang owaechu masu masabu zokle ashunle tö kox ang chitho.

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

2 WANGHOMBU 17:17

Hwome songsari baozangbu to shwom ang masu-masabu zokle ashunle tö kox; hwome chajik-muashem, opa-nanpa, ibu füi tsaitik-kaxshole chang, ilaxle Jowanpa ma chem chimüipuix ijaja mok ang hwome mongkox, ile hwome Jowanpa ang mongtsik adün.

LIWI 18:21

Molek zangshwom pongma lax ang nang naosom opupuchu taxkox. Ile chang koxle Jowanpa ang nang füi küntsik mongma angkya tüiüi.

EZEKEL 16:20

“Ifüima nange ku ang puxle alaikya sheko naosom hia lüka naosombu lax ilaxle ibu a nange tö tuita ningle chapabu ang koxle awüt. Nang ma ku to mongong müntüile thüi ang mokle hüidaoküdu ngaxchu nguile ngoüna,

2 PUKAX-PANGAO 33:6

Hinnom Haxsha ma chixe chix sasün hwom tö ang koxle zokle ashun. Chixe o-nan hule ilaxle jenu-shipabu füi tik-to le chang. Chixe Jowanpa zongto huanuma wüi ochax lyenle Jowanpa ang mongtsik adün.

2 PUKAX-PANGAO 28:3

ilaxle Hinnom Haxsha ma ongan müikya so zok, ilaxle Israel khünaknu nguile ngopongma ija haxtok angkya Jowanpae jwonle apaokya khünakbue mokkya nushix dongkya mwot thüi anole chapabu ang zokle tö tuita ningle chixe sasün ngaxchu wüi zokle ashunle kox.

TSAITONG-KAXTONG 12:31

Jowanpa hünzom Zang to hünzome ibu noke hwom baozangbu to shwomkya lailaile taxshwom, chemthüikoxle ibue hwom baozangbu to shwomle changpongma Jowanpa ang nushix dongkya olom pangwüi twonle. Hwome hwom tö-tsap angkya wün ma masu-masabu ngaxchu tö ang koxle zokle ashunle.

TSAITONG-KAXTONG 17:3

mama baozangbu to shwom tamchu ibu thotha chichangba lyetnu-zanghan hia lyettsibu to shwomle, Jowanpa kaxtom füi opüima ochax lyenkya hünzome atatle.

2 WANGHOMBU 23:20

Hwome thothale ngokya tö-tsap ding ma chixe zompu-zangpabu pangwüi langle awüt, ilaxle chixe tö-tsap pangnu khato wüi khünak zatuabu zokle chang. Ifüima chix a Jerusalem to chat.

JEREMIA 19:2

ilaxle Tik zingnui Zünkai makhange Hinnom Haxsha to pao angkya chixe ku füi akax. Ikhato kue chixe ku ang koxkya kaxho apuk angkya chang.

JIHUSUA 15:8

ilaxle Hinnom haxsha akaile Jebu nok tingnu Jerusalem zongma shuathongchi haxhua to ngui. Ifüima ija longzi a hannopchi kao haxhua oja Hinnom haxsha zongma hannopchi kao ma tüikya hex, ikhato Refaim haxsha shuakuxchi otua alople ngui.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

ISAIA 57:5

Hünzome otsao pünle thomkya pünnu tongbu to shekobu füi jip-pom laxle sixlibu kox angkya baozangle nyakkyabu to hünzome shwom. Shuakax tokya longkunbu khato hünzome masu-masabu tö tuita ang koxle lang.

JEREMIA 2:23

Nange alüile nang akhu ang matom, nange Bal to chemtuechu mashwomle chemle thüitsuak? Nange haxsha to chemle achaxpuix hulax; nange chem mokdaopuix hulax. Nang a danle aham thomkya ut tuita tüle zok-kham laxle,

EZEKEL 20:26

Kue hwom a, hwome koxkya töbu makhange hwom alüile chitsaokya ang chang ang tom, ilaxle hwom ang tüichongsasa tö kox ang tsan. Ija a hwom to sikangün ang tamchu ku a Jowanpa changpule aho angkya hanpakmale chang.

EZEKEL 20:31

Anyixchu hünzome ibu chapabu tuitata ang wüi wün ma masu masabu zokle ashunle tö koxle hinghobu koxkya makhange ma alüile chitsaokya ang achangle. Ilaxle hünzom Israel khünaknu ku hato ku mongtex bama atüi ang nguingotüi! Ku a Jowanpa ozün ma ngokya Khüthak Zang changle, idaile kue hünzom ang ku ma chemchu tiksho chang ang müntomüi.

MIKA 6:7

Kue chix hato chun hajat-hajat chichangba shuasa ningle olip münga laxlaxle nguiüi hia? Ku ochax tsangthom ang kue chix a kusa somwang nao koxüi hia?

TSAITONG-KAXTONG 18:10

Ibu tö-tsap ma tüikya wünkha to hünzome masu-masabu zokle ashunle taxchang; hünzome khünakbu ang o-nan, jenu-shipa

JEREMIA 32:34

Hwome, ku to shwom ang zingkya Zangshwom-Hom ma nushix dongkya chapabu to apüile danle ilaxle ija akhu ang tomle.