JEREMIA 7:30 - OTSAO BAIBEL (BSI)

³⁰ “Judah angkya khünakbue ochax mwot mokdaoa. Kue anukya chapabu hwome Zangshwom-Hom ma danle ilaxle ija chitsaokya ang achangdaoa.

JEREMIA 7:30 ပူးပေါင်းရင်းမြစ်များ

EZEKEL 7:20

Noxta a hwom likwünbu hanpakma ngamle tüikya, ikoxlechu hwome ibu a ma thajao kop angkya chapabu zing ang twonkya khoma Jowanpae hwom tuina a laxli chitüikya tüi ang achang.

JEREMIA 32:34

Hwome, ku to shwom ang zingkya Zangshwom-Hom ma nushix dongkya chapabu to apüile danle ilaxle ija akhu ang tomle.

DANEL 9:27

Ija lompa-e zanglao anüt hanpakma mixnokbu füi tsaino-kaxno tomkya tüiüi, ikoxle ija hanpak süifi le le chang füima, chixe to koxle ngokyabu ashukle toxüi. Nushix Dongkya a Zangshwom-Hom atsuakya khama danüi ilaxle ija a owae ija ikhama danlax puix chix bama Zang-e achwonle thomkya oshuk hanpak füi ma-apong ma-apongle ngoüi.”

2 PUKAX-PANGAO 33:7

Zang-e Dawid hia chix sasün Solomon hokhi füi: “Israel nok homjen 12 haxtok pangnu khama, ija Jerusalem ma, ija Zangshwom-Hom ma ku to shwom angkya hanpakma kue zünle kop.

2 WANGHOMBU 21:7

Chixe Zangshwom-Hom ma baozangchanu Asherah münwan thom. Ija onui bama Jowanpae Dawid hia chix sasün Solomon hokhi füi ile akax: “Ikha a Jerusalem ma, ija Zangshwom-Hom ma, Israel haxtok ma hwom homjen 12 khama, ku to shwom angkya onui hex-ole kamkya kha changle.

2 WANGHOMBU 21:4

Zangshwom-Hom ma chixe songsari tö-tsap zing, ija a Jowanpae chix shwom angkya nui hex-ole thüikya kha changkya.

JEREMIA 23:11

Jowanpae thüile: “Ajebu hia zompu-zangpabu ma Zang müntüi; kue hwom a Zangshwom-Hom jaoma ochax mwot mokle ngokya kue lople.

2 PUKAX-PANGAO 33:15

Chixe Zangshwom-Hom angkya chixe dankya mixnok baozangbu hia muabu pangwüi awüt. Zangshwom-Hom tüikya haxhua kho ma tüikya hia Jerusalem mama-mama khato tüikya songsari tö-tsapbu pangwüi ama, ilaxle chixe ibu tingnu tokna to alailaxle tswonle awüt.

2 WANGHOMBU 23:12

Judah nok wanghombue wanghompa Ahaz homkho angkya wanghom homlo homtok ma tö-tsap chem ang zingle tüikya hex, wanghompa Josiah-e ibu, wanghom Manasseh-e ibu Zangshwom-Hom khwa lopsha anyi ma oja tö-tsapbu zaile tüilaxpuix, ifüi tomle texle atsun; chixe tö-tsap ibu thuple akhixle atsun ilaxle Kidron Haxbang to tswonle awüt.

2 WANGHOMBU 21:3

Hopa Hezekiah-e pünle ama daokya songsari baozang to shwomkya onuibu chixe azünle zing; wanghompa Ahap lailaile chixechu Bal to shwom angkya tö-tsap zingle alai ilaxle baozangchanu Asherah chapabu zingle lai. Manasseh-e lyettsibu to chuwüi shwom.

2 PUKAX-PANGAO 33:3

Hopa Hezekiah-e pünle ama daokya songsari baozangbu to shwomkya onuibu chixe zaile alai. Chixe Bal to shwom angkya tö-tsapbu zaile alai, baozangchanu Asherah muabu zingle alai, ilaxle lyettsibu to shwom.

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

DANEL 11:31

Chix süpahibu züizüie zanglom ma otsao chichangkya Zangshwom-Hom zingle alaiüi. Hwome nyixfo to koxle ngokya tö kox zaküi ilaxle Nushix Dongkya. Mwot alaiüi.

EZEKEL 8:3

Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.