JEREMIA 7:23 - OTSAO BAIBEL (BSI)

²³ Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 7:23 ပူးပေါင်းရင်းမြစ်များ

LAIPAO 15:26

Chixe thüi: “Hünzome kue sule le athüithüi mok tamchu ku kaxtombu thomle kax ma laxle tüiüi jangthüi: kue Ijip nokbu hato lai ang tomkya kak-lak tüta ningkyaechu hünzom to sikngün fa ang müntom. Ku a Jowanpa, hünzom kaklak pangwüi amaüile fakya Zang changpu.”

TSAITONG-KAXTONG 5:33

Ibu pangwüi kax ma laxlax, ikoxtix hünzom füi pangwüi müile hüiüi ilaxle hünzome kop angkya haxtok ma hünzom jento ngo ang kopüi.

JEREMIA 42:6

Ijae kwom ang mongzom chiamüikoxlax amüikoxlax, kwom hanpakma ma nang ang owa to jop-hüile kwome atsang ngopuix, ija Jowanpa kwom Zang kax ma kwome lax angkya jao changpu. Kwome chix kax ma laxle tüikoxtix wüi kwom zongto jalinusa müile hüi angkya changpu.”

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

TSAITONG-KAXTONG 6:3

Ibu kax ma laxle tüilax, hünzom Israel khünakbu, ilaxle ibu kax ma laxle tüilax! Ile jangchangba hünzom füi pangwüi müile hüiüi, ilaxle hünzom a chongkya jat-li tuita ang changüi ilaxle ija ahak-aluale haxzao füi tüikya haxtok ma ngoüi; ija a kem putong hwom Zang, Jowanpa chix kaxtsao ningle changüi.

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

TSAITONG-KAXTONG 13:4

Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.

JEREMIA 11:4

Hwom zongto okham wünnukha lailaile tüikya chaxwan, Ijip nok tokya hwom alaile apüi pongma, ija Tsaotsüt a hwom pupa hwom füi tsaotsütle wünkya kax changpu. Ku kax ma laxle tüi angkya tamchu ku kaxtom ma mokle chang angkya kue hwom füi akaxdaoa. Hwome ku kax ma laxle jangtüi, hwom a ku khünaknu ang ngoüi ilaxle ku a hwom Zang ang ngo angkya kax kue hwom füi akaxdaoa.

TSAITONG-KAXTONG 5:29

Hwome othuima ile lüwüi ajangle namngo thüikoxba! Hwome jento ku chathua zale tamchu ku kaxtombu kax ma laxle jangtüi thüikoxba, hwom hanpakma tamchu hwom su-sa hwom füi pangnuli othuithuima müile changsedai.

2 KORIN 10:5

Zang Kaxho Müikya füi opüi to alünkya pangnu kwom fang to bele ajole; tutex ma kople thomkyabu pangnu kwome lax üntoxle khünaknu mongjang Khrista tutex füi notom le lüi ang koxle.

TSAITONG-KAXTONG 30:2

Hünzom hia hünzom su-sa hwom Jowanpa hato mongchatle jangchang ilaxle anyix kue hünzom ang koxle ngokya kaxtombu pangwüi kax ma laxle jangchang,

JEREMIA 11:7

Chemtue kue hwom pupa hwom Ijip nok tokya apüile ngokyahex, kue hwom ang ku kax ma laxle tüi angkya wüile kaxkhün koxpu, ilaxle athax kople kue khünaknu ang chizakle kaxkhün koxle hüipu.

TSAITONG-KAXTONG 30:8

Ilaxle hünzome anyix kue hünzom ang koxle ngokya kaxtombu thomüi ilaxle Jowanpa kax ma laxle tüiüi.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

TSAITONG-KAXTONG 4:10

‘Khünaknu sele asoxhüi. Hwom mazi tanto ku kax ma laxle tüi angkya awanle naxkoplax ang tamchu ilailaile mok angkya hwom su-sabu hama anwot-anole naxtoxlax ang, kue hwom füi wünse lükya zangwün hwome apale naxkop’ le Sinai Haxnukho ma hünzom Jowanpa chix ngwotnui ma ajongkya bama wünle laxkox.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

TSAITONG-KAXTONG 11:27

Jowanpa hünzom Zang kaxtom oja anyix kue hünzom ang koxle ngopuix, ija kax ma laxle jangchangba mohiman;

TSAITONG-KAXTONG 5:16

“‘Ku, Jowanpa nang Zang-e nang ang kaxtom koxkya ningle, nang ma manu hia mapa thua zakya tüilax, ikoxtix nang füi pangwüi müile tüiüi tamchu kue hünzom ang koxkya haxtok ma hünzom tsünlo-khothole ngo ang kopüi.

LAIPAO 16:32

Mosa-e thüi: “Jowanpae akaxle, ‘Kue hünzom Ijip nok tokya laile pao ang tompongma faokha to oja süt füi kue hünzom tuxpuix, ija süt tsüntsün to hwome naxngünlax ang, wongpe tuita ma awangle füinao thoma bang kox.’”

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

MÜNCHUAK-TSAI 40:6

Nange tö hia dan koxkyabu laxse chitsu; nange müi otom ma lanle tö-tsap dingma zokle ashunkya jukya chichang chichangba ochax koplax pao angkya tö koxkya lomkya chichang. Itülüi, nang zing atat angkya hanpakma nange ku ang na koxpu,

MÜNCHUAK-TSAI 81:13

Ku khünakbue ku kax ma laxle namtüibae texkox chemning chitüi; hwome ku kax ma laxle kangtüibae texkox chemning chitüi!

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

JEREMIA 13:11

Chemle ibu nyilo hitle ke ma nguipuix, ilailaile Israel hia Judah nok pangnusae ku to mongle naxkople texpu. Hwom ku khünaknu ang achang ilaxle ku hato achua-achenkya hia münchong apüile chang angkya hanpakma mok-hupu; ikoxlechu hwome ku kax ma chilax.”

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

JEREMIA 38:20

Kue lan: “Nang a hwom chak to koxle münapao. Chingchalaxle nange pi Jowanpa kax ma wüi shong-laxhüi; ile jangchangba nang hanpakma pangnu müile hüiüi, ilaxle nang khüzün chimaxle ngoüi.

ZEFANIA 3:2

Ijae Jowanpa kax to najao chitha ilaxle chix wanlombu pongle chikop. Ijae Jowanpa to mongong chalomkya chitüi chichangba chix ang asunhüile chithüi.

ZEKARIA 6:15

Tsailo to ngokya khünakbu nguilaxle Jowanpa Zangshwom-Hom zingkya to asunle changüi. Ilaxle chemtue ija tamchatle zingkya tsuaküihex, Jowanpa Khüthak Zang-e hünzom hato ku tsanle ahüikya awanle laxüi. Hünzome Jowanpa hünzom Zang kaxtombu kax ma laxle jangchang, ibu pangwüi changle hüiüi.

ZEKARIA 7:7

Ija a pongwang angkya nguapabu makhange Jowanpae akaxkya kax. Hepongma Jerusalem ahak-aluale tamchu khünaknue awang laxle tüikya. Tingnu akhople tüikya ting-nok to tata le chichangle shuathongchi angkya haxnu chabu to lünle khünaknu huanuma tüikya.

TSAITONG-KAXTONG 4:40

Anyix kue hünzom ang koxkya chix wanlombu pangwüi kax ma laxle tüilax, ile jangchangba hünzom tamchu hünzom su-sabu hanpakma shomüimüi angwüi changüi. Jowanpa hünzom Zang-e hünzom kuxhex-ole koxkya haxtok ma hünzom othuithuima ngo ang kopüi.”

TSAITONG-KAXTONG 13:5

Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

JOB LAIPEX 36:11

Hwome Zang kax ma lax üntoxle chix thothale jangchang, Hwom a mongsom ma üntoxle tüinangle ngo ang tomüi.

MÜNCHUAK-TSAI 119:3

Hwom chemtuechu münthai; hwom a Jowanpa lomtang ma ahamle.

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 32:23

Ikoxle chemtue hwom ija haxtok to nguipuix ilaxle ija kop ang sütpuix, hwome nang kaxtombu kax ma chilaxle ilaxle nang hwom-nwot ningle hwom chingo; nange hwom ang kaxtom fakya mwot hwome chemchu chimokpu. Ikhoma nange hwom hato ibibi thomshix thama ahüipu.