JEREMIA 7:18 - OTSAO BAIBEL (BSI)

¹⁸ Naosombue ha afox, mixpabue wüntak, ilaxle hwome baozangchanu le nyakkya baozang ang kox angkya hanpakma mixnu hwome an atswomle atsan. Hwome ku mong thomzünle chang angkya hanpakma mama baozangbu ang chuwüi ju apüile töbu kox.

JEREMIA 7:18 ပူးပေါင်းရင်းမြစ်များ

JEREMIA 19:13

Jerusalem angkya hom-haxbu, Judah nok wanghom hwom hom-haxbu, ilaxle opang homtok ma lyettsibu ang ongan müikya sobu zokle tamchu mama baozangbu ang ju thokle töbu koxpuix: ibu pangwüi Tofeth lailaile chitsaokya ang changüi.”

1 KORIN 10:22

Chichangba keme Jowanpa ma nüfux tüi ang koxsele hia? Chix füi kem wüi sütsak süzongpu le texpia?

1 WANGHOMBU 14:9

Nang thoto apün-awangle hüikyabu to kaile nange ochax mwot chongkya mokdaoa. Nange ku awüt ilaxle jan-long makhange, shwom angkya hanpakma chapabu zingle alaikya tokhange nange ku ang mongtsik angkya alaidaoa.

JEREMIA 32:29

ilaxle ija to wün langüi. Hwome homkho to Bal ang ongai müikya so zokle changkya hia mama baozangbu ang töbu koxkya füi ku ang mongtsik adünle changkya hom-haxbu füi afomle, hwome ija tingnu zokle ashunüi.

JEREMIA 25:7

Ikoxle Jowanpa chix jaoe hünzome chix kax ma münlaxpule angamkya kax akaxpu. Itülüi hünzome chapabu zingle shwomkya makhange chix ang mong atsikpu ilaxle hünzome alüile chix sikngün hünzom hato apüile laxlaxpu.

JEREMIA 11:17

“Ku, Jowanpa Khüthak Zang-e Israel hia Judah nyi küi-thwomkya changpu; ikoxle athax kue hwom a thama füi azapu. Hwome achaxkya khoma hwom khangkho to ija thama alüile ahüilaxpu; hwome Bal ang töbu koxle shwomkya makhange ku mong atsik laxpu.”

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

1 WANGHOMBU 16:2

“Nang a owa ngaxchu chichangkya ikoxlechu kue nang ku khünaknu Israel nok thakma lompa tuita ang achangpu. Ikoxle athax Jeroboam lailaile nangechu ochax lyenpu ilaxle ku khünaknu ochax lom to alyetpu. Ija ochax ngünlaxle ku ang mongtsik dongpu,

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

TSAITONG-KAXTONG 32:16

Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

EZEKEL 20:28

Kue hwom ang koxüihex-ole tsaole thomkya haxtok to kue hwom apüi. Chemtue hwome haxkho tsuakyabu hia hingkwonkya pünbu ngünle laxpuix, ibu pangnu chitong ma hwome töbu kox. Hwome zokle tö koxkya hia tö ang ju thokle koxkya, ibu makhange hwome ku ang mong atsikle.

ISAIA 65:11

“Ikoxle hünzom opange ku chilaxle awütpuix, tamchu ku otsao haxhua, ilaxle sho amüi angkya baozangbu Gad hia Meni to shwompuix, hwom hanpakma chixlili changüi.

ISAIA 65:3

Zakmax-thünbale hwome ku ang mong atsikle ngo. Otsao tsawatkha ma hwome songsari baozangbu ang töbu koxle chang.

ISAIA 57:6

Ikhatokya longtom müikyabu tswonle koplaxle ibu to baozang changpule shwom. Ibu chitong to shwomle hünzome jubu thok tamchu ibu hato saxziakbu apüile töbu kox. Hünzome ibu mokkya füi ku ang mongmüile le hünzome texpia?

MÜNCHUAK-TSAI 16:4

Mama baozangbu hato paokyabue hwom hato alüile thamabu apüile. Hwome tö koxkyabu khato ku münwomüi; kue hwom baozangbu to münshwomüi.

JEREMIA 7:17

Judah tingnu hia Jerusalem tingjang lomnu to hwome chempangle mokle ngopuix ngüncha?

JEREMIA 17:2

Hünzom khünakbue baozangchanu Asherah hanpak ang pünnu tong hex athüithüi ma tamchu haxkho hex athüithüi ma

MANGSOP 5:13

Kwom naozün hwom ang da ang laxle saxthu ang tom; naosünbu a atsangle ha hün laxle wang ang tom.

EZEKEL 8:17

Jowanpae ku ang thüi: “Ziün angkya khünak, nange chuja ngünchami? Judah khünak ibu a, nange ikhama ngünle hüidaokya nushix mwot hia onok to ule tata zan to kale mwop alaikya, ibu füi mongzom chimüile ngokyabu changpu. Münchang, hwom ngui angkya wüi ilaxle hwome ibu ija Zangshwom-Homnu mongma mok angkya wüi ilaxle ku ang tsikle ngokya to kai mongtsik adün angkya wüi changle. Hwome tsuakkya tukuxle ku ang omale thüikya to hulax!

EZEKEL 16:26

Nange mikzalole tüikya nang tomzibu, Ijip nokbu, nang füi tomle nang lya ma jip ang tompu, ilaxle nange ija nang chinunchakkai mwot ku ang mongtsik adün angkya hanpakma twonle hüipu.

JEREMIA 1:16

Hwome ochax lyenle changkya khoma kue ku khünaknu to sikangünüi; hwome ku danle toxle, ilaxle mixnok baozangbu ang töbu koxle, tamchu hwom chapabu zingle ilaxle ibu to shwomle.

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

EZEKEL 8:16

Ikhoma chixe ku Zangshwom-Hom angkya nuithong to dün. Ekhato otsao nui to dongüi fülom ma, tö-tsap hia nya-o nyi bama, khünak tsaba-aga tukux tüikya. Hwome hwom tok a otsao nui chito aho ilaxle handün chito hule, zanghan chidün to shwomle chikux thongle akhux ngokya.