JEREMIA 7:16 - OTSAO BAIBEL (BSI)

¹⁶ Jowanpae thüi: “Jeremia, khünak ibu hanpakma zangjople taxchang. Hwom mün ma taxsop tamchu zangjople taxchang; ku ma tsaiju-kaxjule taxchang, chemthüikoxle kue nang tsai nang kax to apaüi münchang.

JEREMIA 7:16 ပူးပေါင်းရင်းမြစ်များ

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

LAIPAO 32:10

Athaxpi nange ku to abax ang taxazong. Hwom füi ku ang mong zongbak tsiküna. Hwom tha kue ama angkya jao changpu. Ifüima kue nang üntoxle nang sixli tuita chongkya jat-li ang achangüi.”

JEREMIA 18:20

Ku müikya khoma kue kop angkya a ochax hi? Ikoxle hwome ku adüt angkya tswomkha thodaoa. Ku nang hato nguilaxle hwom khose ang kue chemle akaxkya dai ija texle atak-hüi, ikoxle tix nange hwom to mongtsiktsik ma laxle münmoküi.

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

1 JUHAN 5:16

Tüinao owawae mikmax tang chichangle achaxkya ngün pongma, owae chix ang khüzün kox angkya hex, ija Zang to hünzome jop angkya changle. Ija a mik max tang chichang le ochax lyenkya bu hanpak. Ikoxlechu mik max ang tom angkya ochaxbu tüile, ilaxle kue hünzom ang ibu bama Zang to joplax le münthüi.

MIKA 3:4

Hünzome Jowanpa to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

TSAITONG-KAXTONG 9:14

Ku abax ang taxazong. Owaechu texle chiatakle kue hwom zangfang angkya olithule amüt angkya mongzangwünle tsuakdaoa. Ifüima kue nang jat tuita hopa ang zingüi, ilaxle ija jat a ibu füi süluile tamchu tsak-zongle tüiüi.’

2 SAMUEL 8:18

Jefuneh sasün Benaiah a Dawid nyetmix tüichong ilaxle Dawid sasün hwom a zompu-zangpabu changkya.

JEREMIA 7:17

Judah tingnu hia Jerusalem tingjang lomnu to hwome chempangle mokle ngopuix ngüncha?

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 4:28

Chaxwannu ang nuzaokya tüiüi; zangkho to zangnake awangüi. Jowanpae ija akaxdaoa ilaxle chixe ija chix mong münalüix. Chixe chix mongzangwünle tsuakdaoa ilaxle tam aküile huüi münchang.