JEREMIA 7:13 - OTSAO BAIBEL (BSI)

¹³ Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

JEREMIA 7:13 ပူးပေါင်းရင်းမြစ်များ

ISAIA 65:12

Alün-aloxle zi angkya a nang osho changüi, chemthüikoxle kue nyak pongma hünzome ku kax to chilan chichangba kue akax pongma chiapa. Ku kax ma chilaxle ochax mwot mok angkya mix hünzome zünle kop.

JEREMIA 7:25

Hünzom pupa hwom Ijip nok tokya laile paokya nyix makhange anyix kopkya mong ma hünzom hato kue ku da ajebu ahüile wüi ngopu.

WANWÜNKAX 1:24

Kue hünzom nyakle ngokya changpu, nguihüi le hünzom sengokya changpu. Hünzome kuchi to ojao na chitha.

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

ZEKARIA 7:13

Kue akax pongma hwome ku kax to na chitha, ikhoma hwome zangjop pongma kue chilan.

HOSIA 11:7

Hwome ku hato tok aho angkya wüi zong. Hwom khangkho ma dangzem khoma hwom akhongle sopüi, ikoxle hwom khangkho angkya ija owaechu nwonle chifaüi.

HOSIA 11:2

Ikoxle kue chemtukuxle chix se-lompuix, itukuxle chixe ku hato tok aho.

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

JEREMIA 35:17

Ikhoma athaxpi, Jowanpa, Israel nok Khüthak Zang-e kue thama-thomshix chempang ahüi angkya tsaole thompuix, ibu pangwüi Judah hia Jerusalem hato ngui ang tomüi. Kue zangwün pongma hünzome chiapa, tamchu kue nyakpongma hünzom chitsa, ile changkya khokho ma kue ija mwot mok angkya wüi changpu.”

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

JEREMIA 25:3

“Zanglao tsaba azom hanpakma, Amon sasün Josiah Judah ma wanghom ang achangkya zanglao bünba azom tokhange anyix kople, Jowanpae ku füi zangwünpu, ilaxle kue chix zangwün hünzom hama tai angkya tamchu chithai. Ikoxle hünzom na ojao chithapu.

JEREMIA 11:7

Chemtue kue hwom pupa hwom Ijip nok tokya apüile ngokyahex, kue hwom ang ku kax ma laxle tüi angkya wüile kaxkhün koxpu, ilaxle athax kople kue khünaknu ang chizakle kaxkhün koxle hüipu.

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

ISAIA 50:2

“Ku hwom khose ang hwom hato nguikya zuma khünaknu pongzik chitüile hünzom chem ang thai? Kue nyak pongma hwome büthüikoxle chilan? Ku ma hwom khose ang zong chitüile lehia? Kaxtom tuita makhange wüi kue tinu azop ang tsuak ilaxle ti chitüile ikha angkya nyaxbu naxzi ang shuajen a sak-hax ang achang ang tsuak,

JEREMIA 13:11

Chemle ibu nyilo hitle ke ma nguipuix, ilailaile Israel hia Judah nok pangnusae ku to mongle naxkople texpu. Hwom ku khünaknu ang achang ilaxle ku hato achua-achenkya hia münchong apüile chang angkya hanpakma mok-hupu; ikoxlechu hwome ku kax ma chilax.”

JEREMIA 26:5

ilaxle kue chizakle ahüile ngokya ku dapa, ajebu kax to nathale apakya tokhange, hünzome ija mwot ang achangle mok angkya changpule kue akaxdaoa. Ikoxle hwom kax ma hünzome otuechu chilax.

JEREMIA 32:33

Hwome ku hato tok aho; ilaxle kue chizakle hwom hama anwot-anole changkoxchu, hwome ku kax to chiapa ilaxle awanle kop ang chithüi.

JEREMIA 35:14

Jonadab su-sa hwome ju chiling angkya chix kaxtom kax ma laxle, ilaxle anyix kople hwom opupuchu ju-khan münling. Ikoxle kue chizakle hünzom füi zangwünle ngopu, ikoxle hünzome ku kax ma ojao chilax.

JEREMIA 44:23

Jowanpa kaxtombu kax ma chilaxle hünzome chix zongto ochax lyen ilaxle mama baozangbu ang töbu koxle changkya khoma athaxkya thama-thomshix hünzom hato hüipu.”

JEREMIA 5:21

Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

JEREMIA 6:10

Kue lan: “Kue hwom füi zangwünle ija kaxkhün koxkoxle ku kax to owae apaüi? Hwom mong huanuma khüile ilaxle nang kaxhobu to mün-apapu le angamle; nange ku füi chempang zangwün wünle fa angkya kaxle koxpuix, hwome ibu cha nyile.

JEREMIA 11:8

Ikoxle hwome apachu chiapa ilaxle kax machu chilax. Itülüi, amipongkya lailaile wüi hwom pangwüi sisile mongkhüi tamchu chichangchizangle tüikya chizak. Kue hwom ang Tsaotsüt thom angkya kaxtom koxpu, ikoxle hwome ija pongle chikop. Ikhoma ijama zale tüikya thangnak pangwüi hwom khangkho to ahüipu.”

JEREMIA 13:10

Ochax khünak ibue ku kax ma münlaxpule angamle. Hwom a amikya to kaile mongkhüile, ilaxle mama baozangbu to shwom ilaxle ibu thothale changle. Ikhoma ibu a, laxli chitüile nyilo ibu kyetle makya ningle maüi.

JEREMIA 29:19

Kue chizakle hwom hato ku da ajebu ahüile ngo ikoxle hwome ibu kax ma chilaxle tüikya khoma ija a ile changüi. Hwome ibu kaxho to mün-apapule angam.

HOSIA 9:17

Zag, kue owa thothale tüipuix, chixe ma khünaknu chilaxle awütüi, chemthüikoxle hwome ku kax to münapa. Hwom a mixjat-mixlibu khato samle aham ngokyabu ang achangüi.