JEREMIA 6:8 - OTSAO BAIBEL (BSI)

⁸ Jerusalem angkya khünaknu, ija sikngün a hünzom khünzai angkya hanpak khünzai kax ang naxchang, ile chichang thüiningle kue nang danle awütüi; kue hünzom tingnu a tuita sak-hax ang achangüi, ikhato owachu münngoüi.”

JEREMIA 6:8 ပူးပေါင်းရင်းမြစ်များ

HOSIA 9:12

Hwome naosom tux-tsomle changbachu, ibu kue paoüi, tuita chu ozün ma müntoxüi. Chemtue kue ibu khünakbu chilaxle dantoxüihex, tüle khompua-atsikkya mwot hwom ma laiüi.”

EZEKEL 23:18

She-e she a tuita tsangtsa hangle ngokya mixcha changle le noknue ngünle jao ngaitho to laile aho. Ija ngünkya zuma hona thua anukya lailaile kue she thua chuwüi anu ilaxle she füi janle pao.

JEREMIA 17:23

Hwom pupa hwome ku kax to chiapa chichangba mong ojao chikox. Itülüi, hwom mong sisi mix khüi; hwome ku kax ma chilax ilaxle ku makhange chemchu awanle chilax.

ZEFANIA 3:7

Ile changkya zuma ku khünakbue ku achuak-achenle changüi ilaxle kue akox-akomkya kax ma laxle tüiüi, ilaxle hwom hama kue ahole fadaokyabu otuechu hwom münalaküi. Ikoxle janpüi ma hwome amipongkya füi ngaxchu sümale chang.

JEREMIA 32:33

Hwome ku hato tok aho; ilaxle kue chizakle hwom hama anwot-anole changkoxchu, hwome ku kax to chiapa ilaxle awanle kop ang chithüi.

MÜNCHUAK-TSAI 50:17

Hünzome ku ang hünzom achangle zing ang chitom; hünzome ku kaxtombu chilaxle awüt.

JEREMIA 31:19

Kwome nang hato tok ahopu, ikoxlechu kwom chwonle wüi chat-se tsule. Nange kwom to sikangünle chang füima, kwome kwom khangkho asam thompu. Kwome zakkop ilaxle thajao-wünhai atak chemthüikoxle kwom naosün ma tüitanto kwome ochax lyen.’

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 7:34

Haxtok a sak-hax ang achangüi. Judah tingnubu hia Jerusalem tingjang lomnu to mongmüi-pwonlale tamchu mongmüi atungle tuiju-nasomle changkyabu ozing zak ang tomüi.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

JEREMIA 4:14

Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

WANWÜNKAX 4:13

Nange awanle kopdaokyabu jento texle ataklax. Tsingwankya a nang khüzün changpu: ija to müile nyethomlax.

MÜNCHUAK-TSAI 94:12

Jowanpa, nange adangle fakyabu tamchu nange nang wanlom anwot-anole fakya khünak hanpakma chemtukuxkya mongmüi changpuix!

MÜNCHUAK-TSAI 2:10

Hünzom wanghombu, athax ija kaxkhün apale koplax; ija olom awanle koplax, hünzom chaxwan apünkyabue:

TSAITONG-KAXTONG 32:29

Hwom to büthüikoxle lütpuixle hwome chingüntsuak; chempangle changpuix hwome ojao chitsing.

LIWI 26:34

Ifüima hünzome fa ang chithokya komkaikya nazak hünzom haxtoke apongüi; ile hünzom mix chaxwan to samle ngotama hünzom haxtok a owaechu thomo-manchizaile ipong müile nazak atakle ngoüi.

JEREMIA 7:28

Hwome Jowanpa hwom Zang kax ma chilaxle tüikya bama chichangba hwome apongkya sikngün makhange awanle lax angkya nange hwom hama akax angkya changle. Hwom zongto mongong tüikya a omang ang achangdaoa. Athax ija mo ojao wünle münngo.

WANWÜNKAX 19:20

Nange zünkax-saikax to apale jangchang tamchu tsingle kopsele mongtsukya jangtüi, nyixnyixta nang jetüi-hwonlangkya khünak tuita ang achangpu.