JEREMIA 6:16 - OTSAO BAIBEL (BSI)

¹⁶ Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

JEREMIA 6:16 ပူးပေါင်းရင်းမြစ်များ

ISAIA 30:21

Hünzom lomnu angkya nongchi chichangba tsaxchi to samle jangpao, hünzome chix kaxzing “Lom a ikhato tüile. Ija lomnu tolax!”, le nuakfüichi ma atat ang kopüi.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

TSAITONG-KAXTONG 32:7

“Kaidaokyabu ajangle anolax, kaitokyabu a; chemle changdaopuix ija nang hama apua angkya manu-mapa hwom ma atüilax, kaipongkyabu bama wün ang taiko hwom füi akaxlax.

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

KOLOSI 2:6

Hünzome Khrista Jisu pongle kopdaokya daile, chix füi notomle ngolax.

ISAIA 2:5

Athaxpi, Jakop sixlibu, Jowanpae kem ang fakya zangngai ma ahamhax!

JUHAN 12:35

Ikoxle Jisu-e hwom ang thüi: “Zangngai a noxta bama hünzom füi ngoüi. Zangnaknue chilop angkya kuxma, hünzom füi zangngai tüi pongma ahamlax; zangnak to ahamkya mixe, chix le ngokya lom müntsing.

JEREMIA 18:12

Hwome lanüi, ‘Münchang, kwome ile büthüikoxle changüi? Kwom pangwüi kwome tex-sung pupule mongkhüile tamchu chichangchizangle tüiüi.’”

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

IBRI 11:2

Hwom mongong khoma kaipongkya khünakbu ang Zange changkox a le thüi angkya atak.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

MALAKI 4:4

“Ku dapa Mosa hwon-nwot texle ataklax. Kue chix makhange, Sinai haxnukho to, Israel khünaknu pangnusa hanpakma koxkya wanlombu hia kaxtombu texle ataklax.

IBRI 6:12

hünzom zaxkak mongdom le namchangbae le kwome müntex, ikoxle mongong hia adukya füi tüikyabu ningle namtüibae le texpu, ikoxle tix Zange tsaole thomkyabu kop ang tomüi.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

KAXHO MÜIKYA LUK 16:29

“Ikoxle Abrahame thüi: ‘Hwom hama apua ang Mosa hia ajebu Lai tüile; hwome ibu kax ma naxlaxkox a.’ Chatlechu chixe thüi: ‘Münchang Apa Abraham, itatae mwot münthapüi.

ISAIA 28:12

Chixe hünzom pangwüi ang nazak hia mongsom koxle, ikoxle hünzome mix chix kax to mün-apapule angamle.

JUHAN 5:39

“Hünzome Lai Kaxbu lomle; chemthüikoxle ijabu ma oshuk chitüikya tsün khüzün ataküile hünzome ongle; ikoxle ija Lai Kax a ku hanpakma kaxkhi fakyabu Lai Kax changle.

WANGSHEMBU MWOT 17:11

Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

ROM NOK HATO ZAKYA POL LAIZA 4:12

Chix a khwonzüt daokyabu hanpakma hopa tuitachu changle, hwome khwonzüt zom tokya khomale münchang, ikoxle chixe ija khwonzüt matwon tanto wüi kem apa Abraham tsün mongong ma ngokya ningle hwomchu wüi mongong ma ngokya khoma changle.

JEREMIA 2:25

Israel, nang cha hua ma taxngo, chichangba mix baozangbu achuale nang dingdua zan ang taxtom. Ikoxle nange thüitüi, ‘Ile münchang! Ku aküile chat ang müntho. Kue mixnokbu baozang füi mongakün daoa ilaxle kue hwom tangchua angkya wüi changle.’”

1 WANGHOMBU 8:36

zangkangting tokhange hwom zangjop to lankox. Israel nok wanghom hia khünaknu thaikya ochaxbu alakkox. Chem supuix ija mok angkya hwom hama anwot-anole changkox. Ifüima, nange nang khünaknu ang othuithuima hwom kux ang fakya nang haxtok hato zangwat ajole changkox.

MÜNCHUAK-TSAI 116:7

Ku mongkha ma ongkya tüihüi, chemthüikoxle Jowanpa a ku zongto müikya changle.

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

JEREMIA 31:21

Lomkua awan koplax ilaxle kia küi toxlax; hünzom laile paokya lomtang chatle lomle ataklax. Chatle chat-hüi, Israel khünaknu, hünzome danle toxkya tinglong angkya ma hom-hax to chat lax.

JEREMIA 42:3

Kwom le angkya lomtang aho angkya hia kwome mok angkya mwotlom apuale fa angkya hanpakma Jowanpa to jople fahüi.”

JEREMIA 50:5

Hwome Zaion tole angkya lom atüiüi ilaxle ija lom ma küithole leüi. Hwome ku füi othuithui hanpakma tsaotsütle changüi ilaxle ija otuechu chiamaüi.

KAXFÜNPA-HWOM 2:17

Ikoxle Israel noke hwom lompabu kax machu chilax. Israel nok kax machu chilax, Israel nok ma mongong chitüile chang ilaxle mixnok baozangbu to hwome shwom. Hwom hopa hwome Jowanpa kaxtom kax ma laxle tüihukya, ikoxle ija tsünzün thome ile changkya ochwonpai ma zakle max.

2 PUKAX-PANGAO 19:11

Zanglom füikya zangwün pangnu lom ma Nguakho Amaziah a zangwün tsuakle fakya mix ang changüi, ilaxle chaxwannu mama tingpün-nokwangkya zangwün bama a Ishmael sasün Zebadiah, Judah angkya gowarnor a pangwüi zangwün tsuakle fa angkya mix ang changüi. Khwalo ma tsaifün kaxwün tsuakle fadaokya mwot ang achangle mokchahex ang hu angkya a Liwi hwom mwot changüi. Ibu adangle fakya mwot pangwüi mokle tsuak angkya hanpakma mongchonglax, ilaxle sukya olom ma Jowanpa a hünzom chima naxtüi fa!”

ISAIA 46:9

Kaipongma chempangle changdaopuix texle ataklax; Zang a ku tata wüile ongkya tüilax chemthüikoxle ku lailaikya tamchatle owachu chitüi.

ISAIA 57:2

Ozün ma müile ngokyabue zipongma mongsom ma haxmüi-zangmale zi ang kople.

JEREMIA 7:24

Ikoxlechu hwom ija kax ma chilax chichangba na thale chiapa. Itülüi, hwom mongkhüi hia ochax kün-mong ma chem mongkho dongpuix, ibibi ma hwome mokle hüipu. Ikhoma hwom fün süma-sümale male paopu.