JEREMIA 6:11 - OTSAO BAIBEL (BSI)

¹¹ Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

JEREMIA 6:11 ပူးပေါင်းရင်းမြစ်များ

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

JEREMIA 9:21

Kem thangmikbu makhange mik max angkya hüile ilaxle kem wanghom homlobu to nople; ijae naosombu tingjang lomnu to asexle awütle ilaxle hat-sütnui to naocha-naosünbu langle.

MIKA 3:8

Ikoxlechu ku hanpakma, Jowanpae ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

MIKNGÜN-OHÜN 16:1

Kaxtaimix anüt füi zangshwom-hom tokhange akaxkya kaxzing kue ile atat: “Paolax üntoxle ibu Zang mongtsik khongbu chaxwannu to thokkox!”

WANGSHEMBU MWOT 18:5

Sila hia Timothi nyi Mesidonia tokya ngui füima, Pol-e Jehudi khünakbu hato Jisu a Messaiah changpu le ahole Kaxho Müikya apuk angkya ma chix hanpak ahom.

WANGSHEMBU MWOT 17:16

Sila hia Timothi nyi tanle Pol Athen ma ngopongma ija tingsho chapabue awangle ngünlaxle chix mongto tüle kak.

WANGSHEMBU MWOT 4:20

Chemthüikoxle kwome ngündaokya hia atat daokya mo chiwün homle zak ang müntho.”

KAXHO MÜIKYA LUK 17:34

Kue hünzom ang thüipu: Ija ja lya tuita ma mixhuak anyi jiple asuüi; tuita a laxlax toxüi üntoxle ata mix a dantoxüi.

EZEKEL 9:6

Zunu-zupa, naocha-naosün, nüchabu, honu hwom, tamchu naosombu pangwüi lang kox. Ikoxlechu khangpong ma manwan füikya khünak to taxtwon Ija mwot ija ku Zangshwom-Hom makhange owang wang kox.” Ikhoma hwome ikhama Zangshwom-Hom ma ajongle tüikya lompabu makhange owang wang.

EZEKEL 3:14

Ku hato Jowanpa tsak-zong tüle zongle hüi, ilaxle chix chasae ku tswonle paopongma ku hato mongtsik mongma hüi.

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

ISAIA 40:30

Tsongtan chazün-sünzün ngaxchu shonaile; tsünzünbu ngaxchu zaktho-lehale maxle.

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

JEREMIA 15:17

Kue ku hanpak mix füi nyinyo tamchu mongmüi tungle chiashix. Nang kax ma laxle ku a ku tata mongtsik ashukle ngole hompu.

MANGSOP 1:15

“Ku süpahi atsakkyabu cha Jowanpa nyi; Ku naosombu amüt ang chixe süpahibu akat. Grep-ti fyetkya nui to grep zutle asyep pupule chixe ku khünaknu zutle asyep.

MANGSOP 2:21

Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

EZEKEL 3:3

Chixe thüi: “Ziün angkya khünak, kue nang ang koxkya ija laitün saxlax; ija füi nang wak afwot ang tomlax.” Kue ija sax, ija a ku zongma nax-ti büta tile tüikya.

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

JEREMIA 5:9

Kue ibu khoma hwom to sikangünle tamchu onok to iningle olüix khomle münchangüi hia?

JEREMIA 9:20

Kue thüi: Hünzom shekobue Jowanpa kaxzing to apalax, ilaxle chix zangwünbu to nathalax. Hünzom sacha hwom hama sop angkya anole laxkox, ilaxle hünzom zuikhuibu hama mangsop tsai ngao angkya anole laxkox.