JEREMIA 6:10 - OTSAO BAIBEL (BSI)

¹⁰ Kue lan: “Kue hwom füi zangwünle ija kaxkhün koxkoxle ku kax to owae apaüi? Hwom mong huanuma khüile ilaxle nang kaxhobu to mün-apapu le angamle; nange ku füi chempang zangwün wünle fa angkya kaxle koxpuix, hwome ibu cha nyile.

JEREMIA 6:10 ပူးပေါင်းရင်းမြစ်များ

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

JUHAN 7:7

chaxwannue hünzom to miktsak ang müntsuak; ikoxle ijae ku to tüle tsakle; chemthüikoxle hwom lekya lomtangbu a ochax changpu le kue akax ngokya khoma.

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.

IBRI 11:7

Chixe ngün ang chitho koxlechu Noa ang füichi hanpakma Zang kaxfün atat ang tomkya a mongong changkya. Chixe Zang kax ma lax üntoxle khua müi, oja mong ma chix tamchu hwom kako pangwüi khosün puix. Ikhoma, chaxwannu a max ang tom, üntoxle Noa-e Zang angkya mongong makhange hüikya otsao mantswon kop.

ISAIA 53:1

Khünaknue lan, Athax kwome kaxwün wangkya to owae ongse dai? Ija ma Jowanpa chak owae ngünse dai?

LAIPAO 6:12

Ikoxle Mosa-e lan: “Israel khünaknue ngaxchu ku kax to na müntha, wanghompa-e ning chem apa angkya? Ku a zangwün chimankya mix tuita namchang.”

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

KOLOSI 1:28

Ikhoma kwome nok hato wüi Khrista apuk apua. Khrista ma mixhuak pangnu wüi tsongkya ang achangle Zang ngwotnui to pangnu wüi apüi angkya hanpakma kwome otsuaktsuak ma hwom ang kaxkhün akax ilaxle anwot-anopu.

ROM NOK HATO ZAKYA POL LAIZA 7:22

Ku kün-monge a Zang wanlom füi mongmüi le.

WANGSHEMBU MWOT 7:60

Chix chikux athongle akhux üntoxle thüi: “O Jowanpa! Ija ochax hwom hato ngui ang taxtom!” Chixe ija kaxzex ashuk üntoxle zi. Ilaxle Sol-e ija langkya sudaoa le kaxkhi fa.

JUHAN 9:40

Chix füi tomle ngokya farisibue ija zangwün atatlaxle chix ma atüi: “Kwom ang miksut changpu le thüikya kax ning münchang hexnyi?”

KAXHO MÜIKYA LUK 20:19

Ija kaxpan hwom to dyenle akax ngopule awanlaxle Wanlom tsingpabu hia nguapa akhokyabue ikhama wüi Jisu kop ang azong; ikoxlechu hwom khünaknu thua za.

KAXHO MÜIKYA LUK 11:45

Üntoxle Wanlom nwotmix mixsün tuitae chix ang thüi: “Nwotmix, nange ija kax akaxkya e kwom angchu zak akople.”

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

AMOS 7:10

Bethel angkya nguapa Amaziah-e ifüima wanghompa Jeroboam hato ija kax hole thüi: “Khünaknu khato Amos-e nang zan to ka angkya olom zingle ngole. Chix zangwün makhange onok amüt angkya changle.

EZEKEL 33:9

Nange ija ochax khünak ang kaxkhün kox ikoxlechu chixe chix lomtang danle chitox, chix a ziüi, ikoxle nang khang a azangüi.”

EZEKEL 33:3

Chemtue chixe zanpabu hüile ngokya ngünle laxpuix, noknusa mik-hing naka angkya hanpakma tinglyet.

JEREMIA 4:4

Hünzom Judah hia Jerusalem angkya khünakbu, hünzome ku, Jowanpa füikya tsaotsüt thomlax, ilaxle ma lailai to ku ang atsaole koxlax. Hünzome ile chichang thüiningle, hünzome mokdaokya ochaxbu khoma wün füi zokkya ningle hünzom a ku mongtsik füi zoküi. Ijae hünzom zokle ashunüi ilaxle ija amüt angkya mix owachu müntüiüi.”

MÜNCHUAK-TSAI 119:174

Jowanpa, kue nang khosün fongkya bama chemtukux sungpuix! Kue nang wanlom ma mongmüi atakle.

MÜNCHUAK-TSAI 119:77

Ku to chingcha hüi, ikoxle ku ozün ma ngoüi chemthüikoxle kue nang wanlom to mongmüile texpu.

MÜNCHUAK-TSAI 119:70

Hwom ma tsing-wankya chemchu müntüi, ikoxlechu nang wanlom ma ku mongmüipu.

MÜNCHUAK-TSAI 119:35

Ku a nang kaxtombu kax ma laxle thom hüi, chemthüikoxle ibu ma kue mongmüi atakle.

MÜNCHUAK-TSAI 119:24

Nange adangle fakyabue ku ang mongzom amüile; ibu a ku zongto adangpabu changle.

MÜNCHUAK-TSAI 119:16

Nang wanlombu füi ku ang mongzom müipu; kue nang kaxtombu münalak.

MÜNCHUAK-TSAI 40:8

Ku Zang, kue nang mongtex mok ang chemtukux mongkünpuix! Nang hwon-nwot kue ku mongkha ma thomle.”

MÜNCHUAK-TSAI 1:2

Hwome Jowanpa Wanlom tole changkya ma, üntoxle ja-nop to ija otua lomle changkya ma hwome mongmüi kop.

TSAITONG-KAXTONG 29:4

Ikoxle hünzome apongle hüidaokya ibu anyix hünzom ang chemchu tsingle lax ang chitom.

JEREMIA 5:21

Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

ISAIA 42:20

Israel, hünzome müimamale ngünle laxdaoa, ikoxle ijae nang zongto chem chang? Atat angkya hanpakma nang ma na tüipu, ikoxle hünzome chemtom tata atatle lax?”

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.

EZEKEL 3:7

Ikoxle Israel nok owaechu nang zangwün to apasele müntsupu; hwome ku zangwün to ngaxchu münapa. Hwom pangwüi kheba chithüikya mongtsakkya khünakbu changpu.