JEREMIA 52:6 - OTSAO BAIBEL (BSI)

⁶ Ija zanglao ma anyi lükya lyetjang nyix aku to, tuinu-nuaknu ziama laxle khünaknu ang sax angkya süt chemchu chitüile changpongma,

JEREMIA 52:6 ပူးပေါင်းရင်းမြစ်များ

JEREMIA 39:2

Zedekiah wanghom ang ngokya zanglao bün-büta lyetjang ali ma nyix aku lükya to tingnu pan a komkaile atsunle hüi. (

ISAIA 3:1

Athax Jowanpa Khüthak Zang-e, Jerusalem hia Judah, khünaknue mongongle tüikya pangnuli tamchu pangwüi tswonle awüt angkya tu nguile hüi. Chixe hwom sütling hia ti-ja,

JEREMIA 38:9

“Wanghompa, ibu khünakbue mokkya a othai changle. Hwome Jeremia tüküi khato shodaoa, ilaxle chix a ikhato woknuak ma zi angkya jao changpu, chemthüikoxle tingnu ma sütling chemchu müntüi.”

2 WANGHOMBU 25:3

Ija zanglao lyetjang ali ma nyix aku to, chemtue khünaknu ang süt bakle otui-onuake alople hüipuix,

ZEKARIA 8:19

“Lyetnu kua ali, aga, anüt hia bün ma süt chisax ti chilingle atsaole changkya a Judah ma ngokya khünaknu hanpakma pwonla dongkya pangpwonbu ang changüi. Hünzome kaxtsing zangwün hia tumüi to mongkün angkya changpu.”

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

EZEKEL 7:15

Tingjang lomnu to achyet-amüikya, ilaxle homkha ma kaklak hia woknuak tüile ngo. Tatok to paole asukyabu a zan ma maxüi, ilaxle tingnu mong ma asukyabu a okak-olak hia woknuak shoma ma womüi.

MANGSOP 5:10

Woknuake kwom tundün kak ang achangle ilaxle kwom tsangtsa khwon a fongbak tukuxle akhamle.

JEREMIA 25:10

Mongmüi tungle tamchu pwonla dongle hwom akhongkya ilaxle mongmüi ashukle tuiju-nasomle puakya zingzua, ibu pangwüi kue adangüi. Hwom ang hwom wüntikbu ma atsop angkya wünti chitüile changüi, ilaxle saxziak ojao chitüile changüi.

JEREMIA 21:9

Tingnu ma angongo pangwüi zan ma chichangba woknuak ma chichangba kaklak ma zi ang tomüi. Ikoxle ikha angkya laile paolaxle, tingnu to single ngokya Babilon nok tuntho to chak ajongle changkyabu, hwom a lang ang müntom; hwom a ma khangkho azangle pao ang danüi.

JEREMIA 19:9

Zanbue tingnu akhople kopüi ilaxle khünak pangwüi lang ang tungüi. Akhople kopkya a ipongpongle ziama ang changüi, tingnu mong ma tüikya khünakbue tata müi saxüi ilaxle masu masa hwom müi ngaxchu saxle changüi.”

JEREMIA 15:2

Chemtue hwome nang ma hwom ochito paoüile atüipuix, ile akaxkya ku kax hwom hama wünkox: “Züizüi a okak-olak thama ma zile pao angkya chifün ma tüile: ikhoma hwom pao angkya wüi! Züizüi a zan ma max angkya thama ma tüile: ikhoma hwom pao angkya wüi! Züizüi a woknuak thama ma zi angkya wüi: ikhoma hwom pao angkya wüi! Züizüi a zanda ang kople paokya thama ma max angkya changle: ikhoma hwom pao angkya wüi!

TSAITONG-KAXTONG 32:24

Hwome a woknuak hia kak-lak ma ziüi; hwom a khomtsikya kak-lakbu chak ma ziüi. Kue faomüibu hwom zan to akatüi, ilaxle oje füikya pubu hwom to tu ang ahüiüi.

LIWI 26:26

Kue hünzom osüt-owong lom tsyenüi, izuma hwom ma atüitüi an bakle akhao angkya hanpakma mixnu hwom bün athütlaxle tik tuita ma wüi moküi. Hwome ija hidaopong ahanle faüi, ilaxle ija saxtsuak füima ngaxchu hünzom woknuak ma wüi ngoüi.

JEREMIA 37:21

Ikhoma wanghompa Zedekiah-e ku a wanghom homlo angkya khwa ma shole thom angkya kax kox. Ku ikhato ngo, ilaxle nyixfokya to an zingnui tokya an khaopong ku ang koxle hüi ilaxle oshuk ma tingnu angkya an jaojao bakle shu.

MANGSOP 1:11

She khünaknue hidaole ngaxchu sax angkya süt tüichale lom pongma awao; Hwom ozün ma thom angkya kux male hwome ma tuinabu osüt-oling füi alüix. Tingnu akhong: “Jowanpae ku max-samle ngokya chifün to huhüi.”

EZEKEL 5:16

Kue hünzom hato sütling apüile ngokya zak ang tomüi ilaxle hünzom a woknuak ma max ang tomüi. Hünzom amüt angkya hanpakmale pax jukya füi tsunle anopkya ningle woknuak sikngün füi hünzome apongle laxüi.

EZEKEL 14:13

Chixe thüi: “Ziün angkya khünak, Onoke ochax lyen ilaxle ku to mongong thomkya chitüile jangchang, kue ku chak thüiüi ilaxle hwome sütling kop-lole ngokya olom amaüi. Kue hwom hato tuinu-nuaknu ahüiüi ilaxle khünak hia müi tomwüile zi ang tomüi.

EZEKEL 31:1

Kwom zanda ang kople paokya füima zanglao 11 lükya to lyetjang azom ma pongwang nyix kha, Jowanpae ku füi zangwün.