JEREMIA 52:3 - OTSAO BAIBEL (BSI)

³ Jerusalem hia Judah angkya khünaknu füi Jowanpa ang huanuma mongma ilaxle chixe hwom a chix mikngün ma ngokya sam ang tom. Zedekiah-e Babilon nok wanghompa Nebukadnezar füi alünle ajong,

JEREMIA 52:3 ပူးပေါင်းရင်းမြစ်များ

ISAIA 3:1

Athax Jowanpa Khüthak Zang-e, Jerusalem hia Judah, khünaknue mongongle tüikya pangnuli tamchu pangwüi tswonle awüt angkya tu nguile hüi. Chixe hwom sütling hia ti-ja,

2 PUKAX-PANGAO 36:13

Zang mün ma tsaotsüt ang chix atsangkya wanghompa Nebukadnezar zongto alünle Zedekiah ajong. Jowanpa, Israel nok Zang hato mongchatle münhüipu le chix mong angam.

ISAIA 19:4

Kue Ijip nok a ojao chingcha chitüile hwom thak ma apün-ada angkya wanghom tuita chak to owüiole koxüi. Ija a, ku, Jowanpa Khüthak Zang-e akaxdaoa.”

HWON-NWOT-JAONO 10:16

Chemtue wanghom tuita a naosün changpuix tamchu ija lompabue zang angaile sax-lingle ngopuix, ija haxtok a thama ma tüile.

WANWÜNKAX 28:2

Chemtue jat-li tuitae ochax lyenpuix, ija apün-ada angkya mix tsüilüile müntüiüi. Ikoxle jat-li tuita a jetüi-hwonlangkya tamchu mik-hingkya lompabu tüikya zumatix tsak-zong füi tamchu okuilole ngoüi.

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

2 SAMUEL 24:1

Mama tukechu Jowanpa ang Israel nok füi mongtsik, ilaxle chixe Dawid makhange hwom hato tingtui apüi angkya tsan. Jowanpae chix ang thüi: “Paolax üntoxle Israel hia Judah angkya khünak huak akiakle changkox.”

PONGWANG LAIPEX 4:14

Anyix ku nange chaxwan tok tamchu nang miksho angkya jwonle apaopu. Ku a hom-hax chitüile chaxwan tokma samle aham ngoüi, ilaxle owae ku atakle laxpuix, chixe ku langüi.”

PONGWANG LAIPEX 4:16

Ifüima Kain Jowanpa tuntho angkya achexle pao ilaxle “Nod”, le nyakkya haxtok, Eden zongma handün chikao haxtok to ngo.

2 WANGHOMBU 24:20

Jerusalem hia Judah haxtok angkya khünaknu füi Jowanpa ang tüle mongma ilaxle chixe hwom chix miksho angkya max ang tom.

JEREMIA 7:15

Kue hünzom füikya mamix, Israel khünaknu chemle jwonle apaopuix ilailaile ku miksho angkya hünzom jwonle apaoüi. Ija kax ku, Jowanpae akaxdaoa.”

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

2 WANGHOMBU 17:18

Jowanpa ang Israel nok füi mongma, ilaxle chixe hwom chix miktho angkya max ang tom, ikoxle Judah tata danle tox.

2 WANGHOMBU 17:20

Jowanpae Israel nok pangwüi chilaxle awüt, ilaxle chix miksho angkya hwom akiakya mixhuak komkaile ma-amüt ma-amütle tüle shixkya hwom zanpabu chak to kox.

2 WANGHOMBU 17:23

Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.

IZRA 4:15

nange pupa hwome bangkya tsaitong-kaxza chemle pang tüipuix lom angkya kaxtom laxkox. Ile jangchang thüiningle, ija tingnu a, ija haxtok ma apünle hüikya chongwanghom tamchu lompa hwom zongto kaitokhange alün-aloxle hüikya tingnu tuita changpule ataküi. Ikhama tüikya khünakbu a pünkax-wangkax ma laxle tüi ang mongngamkyabu changle hüipu. Ikhokhoma le ija tingnu amütkya changpu.

ISAIA 36:5

Chixe thüi: “Zangwüne süpahi je hia zong lüi ma mwot tsuaküile hünzome ajang pia? Asiria nok füi azan ang hünzom to owae asunüile thütpu?