JEREMIA 52:12 - OTSAO BAIBEL (BSI)

¹² Wanghompa Nebukadnezar-e Babilon apünkya zanglao bün-aku lyetjang aga nyixbün lükya to, wanghompa zongto wangshem tüichong Nebuzaradan hia chix süpahi lompa, Jerusalem to nop.

JEREMIA 52:12 ပူးပေါင်းရင်းမြစ်များ

2 WANGHOMBU 25:8

Babilon nok wanghompa Nebukadnezar-e apünkya zanglao 19 lükya to, lyetjang aga hanpak nyix anüt kha, wanghom wangsupa tamchu chix süpahi lompa Nebuzaradan a Jerusalem to ngui.

ZEKARIA 8:19

“Lyetnu kua ali, aga, anüt hia bün ma süt chisax ti chilingle atsaole changkya a Judah ma ngokya khünaknu hanpakma pwonla dongkya pangpwonbu ang changüi. Hünzome kaxtsing zangwün hia tumüi to mongkün angkya changpu.”

JEREMIA 52:29

chix wanghom ang ngokya zanglao bünba achyet to, Jerusalem angkya 832 khünak tswonle pao;

JEREMIA 39:9

Oshukma Nebuzaradan, süpahi lompa-e, tingnu ma dantoxkya khünakbu Babilon nok to zanda ang laxlaxle pao, ikhato chix hato tok aho laxle paokya thom chuwüi tüikya.

2 WANGHOMBU 24:12

ilaxle chix honu, chix sasün hwom, chix nguakax-wangkhobu, tamchu wanghom homlo ma okax-okhobu, ibu füi tomle wanghompa Jehoiakim-e Babilon nok chak to ma chak ajongle kox. Chixe apünkya zanglao 8 lükya to Nebukadnezar-e Jehoiakim a zanda ang laxlaxle pao,

JEREMIA 52:14

ilaxle chix süpahibue tingnu pan-katukbu pünle adüt.

PONGWANG LAIPEX 37:36

Ipongma Ijip nok to Midi nokbue Jusep a Potifar ang hang. Chix a wanghom pa ma alixachong tamchu chongwang homkha nyetmixbu khama lompa tuita changkya.

IZRA 5:12

Ikoxlechu kwom putong hwome Zangkangting tokya Zang ang mong atsikpu, ikhoma chixe hwom to Babilon angkya wanghompa Nebukadnezar, Kaldi nok wangting angkya wanghompa-e single tingtak ang tompu. Hwome Zangshwom-Hom pünle ama toxpu ilaxle khünaknu a Babilon nok to zanda ang koplaxle paopu.

NEHEMIA 2:3

ilaxle kue lan: “Wanghompa, nang tsünlo zaknuile ngohüi! Tingnu oja ma ku apu-apa hwom akhünle tüipuix, ija tingnu hia pan katuk pangwüi wün füi zokle amale thomdao füima kue ija bama ku mong makya chiaho homtoxle chemle khomle thomtsuaküi?”

MÜNCHUAK-TSAI 79:1

O Zang, songsaribue nang haxtok tingtakle changdaoa. Hwome nang Zangshwom-Hom chitsaokya ang achangdaoa ilaxle Jerusalem a pünpakle ama toxdaoa.

DANEL 1:1

Jehoiakim wanghom ang achangkya zanglao azom lükya to, Babilon angkya Nebukadnezar-e Jerusalem tingtakle tingnu akhople kop.

JEREMIA 1:3

tamchatlechu chixe Josiah sasün Jehoiakim wanghom ang ngopongma akax. Ifüima, Josiah sasün Zekariah-e apünkya zanglao bün-büta nguikya kople Jowanpae chix füi zang obithomthom ma hexle wün. Ija zanglao lyetjang aga lükya to Jerusalem angkya khünaknu a zanda ang kople pao.

JEREMIA 32:29

ilaxle ija to wün langüi. Hwome homkho to Bal ang ongai müikya so zokle changkya hia mama baozangbu ang töbu koxkya füi ku ang mongtsik adünle changkya hom-haxbu füi afomle, hwome ija tingnu zokle ashunüi.

JEREMIA 39:11

Ikoxlechu wanghompa Nebukadnezar-e chix süpahi lompa Nebuzaradan ang ibubu kax kox angkya kaxtom kox:

DANEL 2:14

Danel a Ariok hato ka. Chix a wanghompa nyetmixbu khama lompa tuita changkya; ilaxle ija mik amüt angkya mwot tsuak angkya hünlit a chix chak ma kox. Khünzaile chixe kaxmüi zangwünkya füi,