JEREMIA 51:57 - OTSAO BAIBEL (BSI)

⁵⁷ Ija ma apün-awangkyabu to kue jutok ang tomüi— jetüi-hwonlangkya khünakbu, lompabu, ilaxle süpahibu, ibu pangwüi to. Hwom jipkya tamchatle zo ang müntom. Ku, wanghompa-e ija akaxdaoa; Ku a Jowanpa Khüthak Zang changle.

JEREMIA 51:57 ပူးပေါင်းရင်းမြစ်များ

JEREMIA 46:18

Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.

JEREMIA 48:15

Moab hia ija tingnubu a amadaoa, ima tüikya sünmüi-jomakya naosünbu a langdaoa. Ku wanghompa, Jowanpa Khüthak Zang, ilaxle kue ija akaxdaoa.

JEREMIA 25:27

Ipongma Jowanpae ku füi akax: “Ku Israel nok Jowanpa Khüthak Zang-e, tokle hia fatle machang machangle tamchu hwom nguak laxle zo ang chithole machang machangle ling angkya kaxtom koxle le khünaknu hama wünkox, chemthüikoxle kue hwom hato ochax-ozan ahüile ngole.

JEREMIA 51:39

Hwom nüfux füikyabu hia? Kue hwom hanpakma püntux ang achwonüi ilaxle hwom to jutokle mongmüi-pwonla ang tomüi. Hwom jipüi ija tamchatle chizoüi.

MIKNGÜN-OHÜN 18:9

Ija tingnu zokle ashunkya wünle hia wünkhutbu ngünkya zuma, she müi-hi-aji mongzok mwot ma womdaokya chaxwannu angkya wanghombu, ija ngünlaxle tüle mongmaxle sopüi.

MALAKI 1:14

Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”

NAHUM 1:10

Tsaxkua hia tsaxsabu wün füi zokle ashunkya lailaile hünzom jutok-saxngat mixbu zokle ashun angkya changle!

ISAIA 37:36

Jowanpa kaxtaimix Asiria nok thongnui to ngui ilaxle 185, 000 khünak süpahibu langle tox. Ngainop ningle zangngai thoma hwom pangwüi nguakle omang ma bang!

ISAIA 6:5

Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

ISAIA 44:25

Füichi hanpak ajekyabu kue ongat ang achangpu ilaxle lyettex-hantyale akaxkyabu tsingpabu mongsam ang tompu. Jepabu kax kue oba-okha ang achangpu ilaxle hwom hwon-je a ongat changpule ahopu.

JEREMIA 13:13

Ilaxle Jowanpa, kue ija haxtok ma tüikya khünaknu: Dawid su-sa wanghom hwom, zompu-zangpabu, ajebu, ilaxle Jerusalem ma ngokya pangwüi, hwom to owüiole tokle machang machangle kue hwom a grepti-ju füi awang ang tom angkya kax hwom hama wünkox.

JEREMIA 50:30

Ikhoma chix naosünbu a tingjang lomnu to lang angkya changpu, ilaxle ija nyix chix süpahibu komkaile lang angkya changpu. Ku, Jowanpae ija akaxdaoa.

EZEKEL 20:33

“Jowanpa ku ozün ma ngokya Khüthak Zang-e, janzüi füikya ku chak hia ku tsak-zong füi kue ku mongtsiktsik ma hünzom to apünle chang angkya kaxkhün koxpu.

NAHUM 3:18

nok wanghompa, nang gowarnorbu zidaoa, ilaxle nang nguakax-wangkho khünakbu a othuithui hanpak ang jipüna! Nang khünakbu a haxhuabu to chiakle samdaoa, ilaxle hwom tamchatle hom to sele apüi angkya mix owa müntüi.