JEREMIA 51:56 - OTSAO BAIBEL (BSI)

⁵⁶ Hwom a Babilon ama ang nguikya changpu; ija angkya süpahibu a hwople kopdaoa, ilaxle hwom sanhapbu a amadaoa. Ku a ochax to sikangünkya Zang changpu, ilaxle Babilon to ijae lomkya ningle kue hwonüi.

JEREMIA 51:56 ပူးပေါင်းရင်းမြစ်များ

HABAKUK 2:8

Hünzome obibi nok kux hexle tsuidaoa, ikoxle athax a ota toxle changkya khünakbue hünzom tuina tsuiüi, ija a hünzome zong ma laxle chaxwannu angkya khünaknu hia hwom tingnubu to ozik-omüt thama apüile changkya olüix ang changüi.

JEREMIA 51:48

Shuakuxchi tokhange ija amüt ang nguikya khünakbu chak to chemtue Babilon nguile changpuix, ding-hi-hax ma tüikya jalinusa pangwüi mongmüile akhongüi.

JEREMIA 51:6

Babilon angkya zikle paolax! Nang khang azang ang zikle paolax! Babilon nok ochax khoma mik max ang taxtom. Athax kue olüix khomle ngopu ilaxle koxkoxle asukya sikngün kue hwom ang koxle ngopu.

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

JEREMIA 51:24

Jowanpae thüi: “Jerusalem to hwome chichangchizangle chempang hwon daopuix ibu bama kue hwom to jannong alüikya hünzome ngünüi.

ISAIA 59:18

Tsailo nok to ngokyabu to ngaxchu, chix zanpabu to chixe hwom thaikya olom ma sikngün fa angkya changle.

MÜNCHUAK-TSAI 76:3

Ikhato chixe zanpabu sanhap apakle awütle, hwom di hia changlobu chuwüi, changle, hwom chang-pax pangwüi. Selah

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

MIKNGÜN-OHÜN 19:2

Chix kaxfünbu otsingtsing, tamchu sukya changle. She müi-hi-aji mongzok füi, zangfang fün amakya tsahangcha, chixe thajao ang tomdaoa. Chix thothakyabu langkya khoma, Zange she sikngün ang tom.”

MIKNGÜN-OHÜN 18:20

She amütkya khoma, zangkangting to mongmüikox! Zang khünakbu, wangshembu hia ajebu, hünzom pangwüi mongmüikox! Hünzom to chisumüile hwonkya khoma, she max ang tomkya changle!”

MIKNGÜN-OHÜN 17:16

Nange ngünkya müizong bün üntoxle müi, ibue tsahangcha to miktsaküi; hwome she kuxka komle paoüi ilaxle she ohua ma dantoxüi; hwome she müi saxüi üntoxle wün füi she amütüi.

2 THESALONIKA 1:6

Zange oja supuix ija moküi; hünzom sikngün ang tomkyabu hato Zange sikngün apüi koxüi;

EZEKEL 39:9

Tingnubu ma ngole tüikya Israel khünakbue paolaxle, awütle toxkya chang-paxbu a ha ang tak ang tswonle athünüi. Hwome zanglao anüt mong ma ojao chibakle, di, haxnu, sanhap, pax, pünthom, ibu füi wüntakle changüi.

EZEKEL 39:3

Ifüima kue chix nongchi chak angkya hapnu hia chix tsaxchi chak angkya san fitle awütüi.

JEREMIA 51:30

Babilon nok lompabue azankya zak ilaxle hwom zanhunuibu ma ngole homle. Hwome ang monghixdaoa ilaxle khosam ashukle tüile. Tingnu zünkaibu a pünle adütdaoa, ilaxle homhaxbu a wünkha towüi.

JEREMIA 50:36

Ima othai ajepabu hato mikmüt— hwom chemtukuxkya ongatbu changpuix! Ija angkya süpahibu hato mikmüt— hwom chemtukux khomtsi ünpuix!

JEREMIA 50:10

Babilon a tsui paoüi, ilaxle tsuikyabue hwome laxse atsutsu laxüi. Ku, Jowanpae ija akaxdaoa.”

JEREMIA 49:35

Chixe thüi: “Elam nok ipongpongle zax-zang ang tomkya sanhap füikya khünakbu kue komkaile langüi.

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”

ISAIA 34:8

Ija a Jowanpae Zaion khosünle kopüi ilaxle she zanpabu to jannong alüile chang angkya hanpak changle.

ISAIA 21:2

Mongtsik füi sikangünkyabu, dyen ngokya hia olithu angkya thama, ibu ku mikza ma kue ngündaoa. Elam nok süpahibu, singkox! Medi nok süpahibu, donglaxle tingnubu kopkox! Babilon makhange ahüikya thangnak pangwüi Zang-e ashuk ang tomdaoa.

MÜNCHUAK-TSAI 137:8

Babilon, nang a olithule amütdaoüi. Nange kwom to chemle mokdaopuix: owae nang naosombu laxpuix

MÜNCHUAK-TSAI 37:15

Ikoxlechu hwom a ma changlolo fang ma lamüi, ilaxle hwom hapnubu a amale awütüi.

1 SAMUEL 2:4

Tsakpa-zongpa süpahibu chak angkya tüle tsakkya hapkong zubu a fündaoa, ikoxlechu shonaile ngokya mix tsak-zong ang sütle.

PONGWANG LAIPEX 49:24

Ikoxlechu chix hapnu a shingmong lüwüi tüikya, ilaxle Israel nok long chunnyetpa tuita mün ma, Jakop Khüthak Zang chak füi, chix chak a tüle shingmongle tüikya.

JEREMIA 51:53

Babilon nok zangdingkho to dong ang tsuakkoxle chu, ikhato hwom zanhunuibu zing ang tsuakle changkoxchu, ija ama ang chuwüi kue khünak adünüi. Ku, Jowanpae ija akaxdaoa.”

AMOS 2:15

Sanhap füikyabue hwom ziakople thom ang chithoüi, zik tsuakkyabue paole azang ang chithoüi, ilaxle mankho angkya khünakbu chu hwom khangkho azang ang opao chithole changüi.

OBADIA 1:15

“Jowanpa, kue jat-libu hanpakma kaxfün fa angkya otu nguile hüile. Edom, nange chemle mokdaopuix ija nang to mokle faüi. Nange chem koxdaolaxpuix ija nange chatle kopüi.

MANGSOP 3:64

“O Jowanpa, hwome mokle tsuakdaokya bama hwom ang sikngün fakox;