JEREMIA 51:53 - OTSAO BAIBEL (BSI)

⁵³ Babilon nok zangdingkho to dong ang tsuakkoxle chu, ikhato hwom zanhunuibu zing ang tsuakle changkoxchu, ija ama ang chuwüi kue khünak adünüi. Ku, Jowanpae ija akaxdaoa.”

JEREMIA 51:53 ပူးပေါင်းရင်းမြစ်များ

JEREMIA 49:16

Hünzom mongngame hünzom dyendaoa. Hwom za-ngo tüiangpule hünzom mongto thütkya ningle hünzom thua owachu münza. Hünzom zakkho to ngokyabu, haxnukho atsuakya khato a; ile hünzom ola büta ding to tsuale ngoünbachu, Jowanpae hünzom a hax to athaiüi. Ija kax Jowanpae akaxdaoa.”

PONGWANG LAIPEX 11:4

Ifüima hwome thüi: “Kem mün naxngo ang tamchu kem fong chifan angkya hanpakma, oman, kemepi tingnu tuita zingle alaihax ilaxle ikhama ding to thukya longhom tuita zaile alaihax.”

JEREMIA 51:25

Babilon, nang a chaxwannu pangnu amütkya haxnu tuita ningle changle, ikoxlechu ku, Jowanpa a nang zanpa changpu. Kue nang to künle kopüi, kue nang a hax to anamüi, ilaxle lajuak ang achangle dantoxüi.

AMOS 9:4

Hwom a zannokbue zanda ang koplaxle paole thomkoxchu, kue ibu ang hwom mik amüt angkya kaxtom koxüi. Kue hwom to asun angkya chichangle hwom amüt angkya mongzangwünle tsuakdaoa.”

DANEL 4:30

chixe thüi: “Hulax Babilon a chemkuxma chongpuix! Ku tsak-zong hia ku janzüi, ku fuazang hia kuzax-kuzangkya aho ang kue ija tingnu a ku pongwün tingnu ang zingpu.”

JEREMIA 51:58

Pangnu to lütle ngokya Babilon tingnu pan-katukbu a hax to tswonle awütüi, ilaxle haxtsua-zangthakya ija zünkaibu zokle ashunüi. Chaxwannu noke mokkya mwot a chem angchu münchang; hwom azong-amongkya a wünkhut ang achangdaoa. Ku, Jowanpa Khüthak Zang-e ija akaxdaoa.”

JEREMIA 51:48

Shuakuxchi tokhange ija amüt ang nguikya khünakbu chak to chemtue Babilon nguile changpuix, ding-hi-hax ma tüikya jalinusa pangwüi mongmüile akhongüi.

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 50:45

Ikhoma Babilon tingnu zongto kue mok ang achwonle ngokya tamchu ija ma tüikya khünaknu to mok angkya to apalax. Hwom naosombu ngaxchu linle paoüi, ilaxle pangnusa wüi ija ngünlaxle abütüi.

JEREMIA 50:25

Kue ku chang-paxbu athünle thomkya kha onui dap daoa, ilaxle ku mongtsiktsik ma kue ibu alaidaoa, chemthüikoxle, ku, Jowanpa Khüthak Zang ang Babilon ma mok angkya mwot tütüile.

JEREMIA 50:21

Jowanpae thüi: “Merathaim hia Pekod angkya khünaknu to singkox. Hwom lang kox ilaxle amütle toxkox. Kue hünzom ang kaxtom koxpupu komkaile mokkox, Ku, Jowanpae ija akaxdaoa.

ISAIA 47:7

Nange nang a othuithuima wangchanu ang ngoüile thüt, ilaxle ibu mongkha to zule chilax chichangba ibu oshuk chemle shuüi chiajang.

ISAIA 47:5

Jowanpae Babilon nok ang thüi: “Dangjajakya hia zangnak fangto ngolax; hwome athax nang ang zangfang wangchanu le münnyakpu

ISAIA 41:25

“Kue handün chito ngokya khünak tuita zünle kopdaoa; Shuakuxchi makhange sing ang kue chix apüiüi. Chixe haxthom to nakpupule apün-awangkyabu to naküi, tikjaomix-e haxthom to nakpupu lea.

ISAIA 13:17

Jowanpae thüile: “Kue Babilon nok to sing angkya hanpakma Medi nok to lüixle apuküi Hwom zongto khop-jan a chem angchu münchang ilaxle hun makhange hwom to thwontsing ang müntho.

JOB LAIPEX 20:6

Zangding to thule homthün-homthün zaile; hwom khange zangfwom to thule zaxzanglechu tüingokoxlax;

JEREMIA 51:56

Hwom a Babilon ama ang nguikya changpu; ija angkya süpahibu a hwople kopdaoa, ilaxle hwom sanhapbu a amadaoa. Ku a ochax to sikangünkya Zang changpu, ilaxle Babilon to ijae lomkya ningle kue hwonüi.

AMOS 9:2

Hwome amalum alople hwom pao angkya lom thule jukox ngaxchu, kue hwom kopüi. Hwom zangkho to ngale changkoxchu, kue hwom bele ajoüi.

HABAKUK 2:9

Hünzom a maxdaoa! Changnong-pünthomle mixkux tsui apüikya füi hünzom ahak-aluale chang ilaxle hünzome ma hom to mix chakmok-janlangle chakju ang chithole zing thompu!