Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 51:5 - OTSAO BAIBEL (BSI)

5 Israel nok Otsaopa, Jowanpa Khüthak Zang ku zongto ochax lyenle changdao koxchu kue Israel hia Judah a owüiole awütle chitox.

အခန်းကိုကြည့်ပါ။ ကော်ပီ




JEREMIA 51:5
37 ပူးပေါင်းရင်းမြစ်များ  

Ipongma Jowanpae Jerusalem ma ngokya khünaknu kho-awale thomüi, ilaxle hwom khama anaikya mix ngaxchu Dawid lailaile tsak-zongle tüiüi. Jowanpa kaxtaimix, Zang chix lailaile Dawid sixli hwome ibu lom azuiüi.


“Ipongma kue Judah angkya saxthombu faokha tokya wün lailaile achangüi chichangba puamünle ngokya zim angkya wün ningle achangüi--tomzi jat-libu pangwüi hwome amütüi. Jerusalem angkya khünaknu a tingnu mong ma khosün müile ngoüi.


Ija haxtok ma ngokya khünakbu hanpakma tsaitox-kaxfekya zangwün apüi angkya Jowanpa ma kax tüile. Israel, chixe chem akaxpuix ija to apalax: “Haxtok ma mongong hia mongkün müntüi, ilaxle khünaknu ku ang Zang changpule mün-e.


Anaole chuwüi, chix otsao haxtok ma, Judah a Jowanpa zongto ataxkya tuina ang changüi, üntoxle Jerusalem a chixe ataxle mongkünkya tingnu ang changüi.


Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.


O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.


Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.


Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.


Jowanpae ku ang thüi: “Ziün angkya khünak, nange chuja ngünchami? Judah khünak ibu a, nange ikhama ngünle hüidaokya nushix mwot hia onok to ule tata zan to kale mwop alaikya, ibu füi mongzom chimüile ngokyabu changpu. Münchang, hwom ngui angkya wüi ilaxle hwome ibu ija Zangshwom-Homnu mongma mok angkya wüi ilaxle ku ang tsikle ngokya to kai mongtsik adün angkya wüi changle. Hwome tsuakkya tukuxle ku ang omale thüikya to hulax!


Chemtue ija hanpak nguile hüipuix, Israel haxtok ma ochax chemchu münataküi ilaxle Judah haxtok ma chichang-chizangkya chemchu münataküi, chemthüikoxle kue khosünle kopkya khünaknu ang kue thailakkya tüiüi. Ku, Jowanpae ija akaxdaoa.”


Hünzom hato ku nguiüi ilaxle hünzom khosünüi. Chaxwannu nok pangwüi kue amütüi kue hünzom chiakle asam thomkya nok to a, ikoxlechu kue hünzom münamüt. Kue hünzom to sik chiangünle müntox; ikoxle chemtue kue hünzom to sikangünüihex, kue olom ma moküi. Ku, Jowanpae ija akaxdaoa.”


Nyixta zangdingkho thütle chang ang tsuakle chang ilaxle chaxwannu chifün bakle lomle atak ang tho, ile changkox tix chixe Israel nok chilaxle awüt ang tsuak hwom thaidaokyabu ma kaxhux-fe laxle a. Jowanpae ija akaxdaoa.


“Ikhoma, Jerusalem angkya ajebu hanpakma, ija a Jowanpa kax changle: “Hwom ang kue khaxkya pün sax ang koxüi ilaxle zik-hing ling ang koxüi, chemthüikoxle haxtok pangkha towüi hwom zang chitüikya olom apukle changdaoa.”


Khünaknue ku chilaxle awütdaoa ilaxle ija onui ma mama baozangbu: baozangbu oja hwomechu chitik, hwom pupabue chitik ilaxle Judah nok wanghombue chuwüi chitik, ibu ang hwome töbu apüile koxkya tokhange ija onui akhudaoa, ikhoma kue iningle mok angkya jao changle. Hwome ijongkha a chemngax chichangkya khünakbu ajie awangdaoa,


Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”


Hünzom ang a “Zang Otsao Khünakbu”, “Jowanpae Sünle kopkya Khünakbu”, le a. Jerusalem ang a “Zang-e Mongkünkya Tingnu”, “Zang-e awütle Chitoxkya Tingnu”, le nyaküi.


Jowanpae thüi: “Israel, ija mong ma koplax; hünzom a ku da changpule mong ma koplax. Kue hünzom a ku da angle zingpu, ilaxle kue hünzom otuechu münalak.


Jowanpa chix khünakbu danle müntoxüi; opang chix kux changpuix, ibu chixe tsiakle müntox.


Kwom a dabu changkya, ikoxlechu nange kwom da chifün ma danle chitox. Kwom ozün ma ngo angkya tamchu nang Zangshwom-Hom azünle zaile alai angkya ilaxle ikhato Judah hia Jerusalem ma chem chaza angkya chitüile kodong-handongle ngo ang kop angkya bama kwom to chingchale tüi angkya nange Parsia nok chongwangpa hwom mong anom-anaile fapu.


Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.


Manasseh-e chemngax chichangkya khünakbu huanuma langle, ikhoma Jerusalem tingjang lomnu awangle aji jen; Judah khünaknu chapabu to shwom ang zunle paolaxle Jowanpa zongto ochax lyenle chang ang tomkya obo ang chixe ile mok.


Nange zaile alaikya Zangshwom-Hom ma ku a, ku khünaknu Israel nok füi ngoüi, ilaxle kue hwom otuechu danle chitoxüi.”


Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.


“Ku a Jowanpa hünzom Zang changle; tinu kha kue lüixle aluakpu ilaxle ija tichap akhong ang tompu. Ku mün a Jowanpa Khüthak Zang changpu!


Nang a owawa chabüt-lasün ang tomkya ningle büthüikoxle chang, asunle fa ang chithole süpahi tuita zongsho maxkya ningle hi? Otsing tomtata ma, Jowanpa, nang a kwom füi tüile! Kwom a nang khünaknu changle; kwom danle sütaxtox.”


Jowanpa, nange Judah nok owüiole awüt pia? Zaion angkya khünaknu thua nang anu pia? Nange kwom to chemkhoma ojao chimüi angkya maklaxle chang ang tompu? Kwome tumüi angkya to hule nuipu, ikoxle omüi chemchu chihüi; kwome kakmüi angkya to hule ngopu, ikoxle kwom hato chabüt-lasün angkya mix hüipu.


Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.


Ma füikya Israel nok “Zang khünaknu” tamchu “Jowanpae Mongkünkyabu”, le nyakkyabu.


She-e ojao na chitha thüiningle, pux pongma she chemle tüikya dai, ile ohua ang achangle she to kue chakmoküi. Kue she a chem pünsa-zuasa chinyemkya haxzan ningle achangüi, ilaxle she a tilan ma ziüi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ