JEREMIA 51:44 - OTSAO BAIBEL (BSI)

⁴⁴ Kue Babilon nok baozang Bel to sikangünüi, ilaxle chix angkya ahuxle apüikya tuinabu danle apao ang tomüi; ilaxle jatlibue chix to tamchatle münshwomüi. “Babilon pan-katukbu a nguakdaoa.

JEREMIA 51:44 ပူးပေါင်းရင်းမြစ်များ

JEREMIA 51:58

Pangnu to lütle ngokya Babilon tingnu pan-katukbu a hax to tswonle awütüi, ilaxle haxtsua-zangthakya ija zünkaibu zokle ashunüi. Chaxwannu noke mokkya mwot a chem angchu münchang; hwom azong-amongkya a wünkhut ang achangdaoa. Ku, Jowanpa Khüthak Zang-e ija akaxdaoa.”

JEREMIA 51:34

Babilon nok wanghompa-e Jerusalem hütle lang ilaxle ija saxle awüt. Tikkux tuita ahuakya ningle chixe tingnu ahuale dan; baoma tuita ningle chixe ija jokle ling. Chix mong atsutsu chixe laxle pao ilaxle mamabu a tswonle awüt.

JEREMIA 50:2

“Chaxwannu nok hato kaxho laxkox! Ija khuapukox! Mowan ahokox ilaxle kaxho tsingang tomkox! Ija khom-pyenle taxthom! Babilon a nguakdaoa! She baozang Marduk a thuple amadaoa! Babilon nok chapabu ang zak-akopdaoa; nushixdongkya she chapabu a asumdaoa!

ISAIA 2:2

Athax füichi ma Zangshwom-Hom ajongle tüikya haxhua haxhua pangnusa füi süchuakle tüiüi, haxhuabu pangnusa to ijae tuküi. Abünle zakya füi jat-libu ija haxhua hato nguiüi,

DANEL 5:31

ikoxle Mede nok Dairas, zanglao puzombün anyi nguidaokya azupa tuitae wanghom ngwotnui pale kop.

DANEL 5:26

Ilaxle ija hanpak a ile changle: huake, Zang-e nang wangting hanpak ele tsuakdaoa ilaxle ija a oshuk hato ahüidaoa;

DANEL 5:19

Zangfang angkya pangnok-jating chix thua zale abün. Chixe owawa mik amüt-se jangtsu, chixe ile mokpu; chixe owawa ozün ma panle thomse jangtsu, chixe ile mokpu. Chixe owato chemle achuak-achense tsupuix chichangba thajao-wünhai koxle changse tsupuix, chixe ile hwonpu.

DANEL 4:22

“Wanghompa, tüle tsuale tamchu tsakle tüikya ija pün a nang changle. Nang a zangkho alople jao chuakle tsongdaoa, ilaxle nang tsak-zong a zangfang pangnu to ole tüile.

DANEL 4:1

Wanghompa Nebukadnezar-e zangfang angkya onok, jat-li, matsai-makaxkax ma zangwünle tüikya noknusa hato kaxho ile apao: “Salam!

DANEL 3:29

“Ikoxle athax kue kaxtom koxpu, athax makhange mixhuak, onok, jat-li tamchu makax mangaongao ma zangwünkya khünak owawae Shadrak, Meshak hia Abednego hwom Zang adix-adale zangwünkya kha jangtüi, ija khünak a cha tex chak hüt le awütüi, ilaxle hwom homkha a omüt tamting ang achangle toxüi. Chix ningle ipong chongkya okham wünnu kha tokya khünak khosün tho angkya mama baozang owachu müntüi.”

DANEL 1:2

Jowanpa-e chix ang wanghompa Jehoiakim kop ilaxle Zangshwom-Hom angkya tuinabu züizüi tsui pao ang dan. Chixe chix füi tomle zandabu koplaxle Babilon tokya chix baozangbu to shwomkya nui to ngui ilaxle zan ma kopkya tuinabu baozang to shwomkya hom ma shole thom.

JEREMIA 51:53

Babilon nok zangdingkho to dong ang tsuakkoxle chu, ikhato hwom zanhunuibu zing ang tsuakle changkoxchu, ija ama ang chuwüi kue khünak adünüi. Ku, Jowanpae ija akaxdaoa.”

JEREMIA 51:47

Ikhoma Babilon nok chapabu to kue chakmok angkya tunu nguile hüingole. Onok pangwüi zakkop ang tomüi, ilaxle ija angkya khünakbu pangwüi langüi.

JEREMIA 51:18

Hwom ma laxli chitüi ilaxle ajao-ahaile chang angkya wüi; hwom füi asax-amok ang Jowanpa nguikya zuma hwom a amüt angkya changle.

JEREMIA 50:15

Tingnu akhople ua-le single akhong kox! Athax Babilon-e chak ajong daoa. Ija pan katuk bakle amadaoa ilaxle atsundaoa. Kue Babilon nok to olüix khomle ngopu. Idaile hünzome hwom to olüix khomkox, ilaxle hwome mix to chemle hwondaopuix ilailaile hwom tochu hwonkox.

ISAIA 60:5

Hünzom ija ngün ang kopüi ilaxle mongmüi atungle changüi; Zongbakle mongmüikyae hünzom asuaüi. Chaxwannu nok angkya tuinabu hünzom hato apüiüi; Molo-Tinubu akaile hwom okop-olwotbu nguile hüiüi.

2 PUKAX-PANGAO 36:7

Nebukadnezar-e Zangshwom-Hom angkya tui-mwot züizüi pao ilaxle ibu a Babilon to chix homlo ma dan.

ISAIA 21:9

Allele hwom nguile ngole! Mankho ma khünakbu, ijachu mixhuak anyipong. Zanhumixe ija kax kox: “Babilon a nguakdaoa! Hwome shwomle ngokya chapabu pangwüi hax ma chiak daoa.”

JOB LAIPEX 20:15

Chichangchizangkyabue ahuxle kopkya tuina fatle alaile; Zang-e hwom wok-kha tokya ngaxchu chatle alai laxle.