JEREMIA 51:29 - OTSAO BAIBEL (BSI)

²⁹ Chaxwan jaojao aloxle chemthüikoxle Babilon nok otuechu khünak chingokya tamting ang achang angkya ija mwot Jowanpa chix jaoe aziakya chang koxle.

JEREMIA 51:29 ပူးပေါင်းရင်းမြစ်များ

JEREMIA 51:43

Tinglongbu a mikngün ma za-adünkya nui ang changdaoa ilaxle ibu a ti chitüikya sak-hax ningle changdaoa. Ikhato owachu münngo chichangba aham-atüile münchang.

JEREMIA 8:16

Kem zanpabu a Dan tingnu to nguile ngoüna; keme hwom manbu ngaokya zing atatle. Hwom manbu soxle hüikya zuma chaxwan pangwüi aloxpu. Kem zanpabu a kem haxtok hia ima atüitüi, kem tingnu hia kem khünaknu komkaile amüt ang nguipu.”

AMOS 8:8

Ikhoma chaxwan sile aloxüi, ilaxle haxtok ma tüikya pangnusa khosam ashukle changüi. Onok chaxwan bakle sile aloxüi, ija a Nail Shuanu tichap ningle dongtox jutox le changüi.

JEREMIA 50:45

Ikhoma Babilon tingnu zongto kue mok ang achwonle ngokya tamchu ija ma tüikya khünaknu to mok angkya to apalax. Hwom naosombu ngaxchu linle paoüi, ilaxle pangnusa wüi ija ngünlaxle abütüi.

JEREMIA 50:13

Ku mongtsik tüikya khoma Babilon ma owachu münngoüi; ija a pünle amatoxüi, ilaxle imakhange leüi khünak pangnusa wüi abütle khosamüi.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

MIKNGÜN-OHÜN 18:2

Chixe tüle azaxle thüi: “She nguakdaoa! Chongkya Babilon nguakdaoa! Athaxpi she a, bao hia haxshix chasabu, ngwotnui ang achangdaoa; chitsaokya tamchu nushix dongkya susabu, oli pangwüi she ma awangüna.

JOEL 2:10

Hwom süsox-süsoxle soxpongma chaxwannu jao sile alox; zangdingkho sile abün. Lyetnu hia zanghan khisumle khi, ilaxle lyettsibue chu athaxpi chinyan.

JEREMIA 50:43

Babilon nok wanghompa-e ija kaxho atat, ilaxle chix chak a faile tang. Chix a mongtsik-mongmae kop, ija a shekonu tuitae nao ngün ang kakkya ningle chang.

ISAIA 14:16

Omangbue zongbak tamchu zule ajangkya füi nang to huüi. Hwome atüiüi: “Chaxwannu to sile alox ilaxle wangtingbu zale abün ang tomkya mix ija changchahex?

JEREMIA 50:36

Ima othai ajepabu hato mikmüt— hwom chemtukuxkya ongatbu changpuix! Ija angkya süpahibu hato mikmüt— hwom chemtukux khomtsi ünpuix!

JEREMIA 50:46

Chemtue Babilon nguakpuix, zangfang abakle sile aloxle ozing tüiüi, ilaxle khong to akhong-akhakya zing mixnokbue atatüi.”

JEREMIA 51:26

Nang maxkya ma womdaokya longtom tuita tamchatle zing angkya olom to twonüi münchang. Nang a othuithuima khünak chingokya tamting ang ngoüi. Ku, Jowanpae ija akaxdaoa.

JEREMIA 51:28

Chaxwannu nok Babilon füi azan ang achwonkox. Medi nok wanghombu, hwom lompabu hia nguakax-wangkhobu, tamchu hwome ole thomkya onok tokya süpahibu se ang apaokox.

ISAIA 24:20

Chaxwannu jaojao jutokmix ningle-khokhele changüi ilaxle zangchei thoto homsa sile aloxkya ningle sile aloxüi. Chaxwannu to ija ochaxbue sheple anguaküi ilaxle ija otuechu laoxle chizole changüi.

JEREMIA 51:37

Ija haxtok a mixmüt tamting faomüibu ngwotnui ang achangüi. Ija a mikngün ma za-adünkya ang changüi; ikhato owachu münngoüi, ilaxle ija ngünkyabu pangwüi abütle changüi.