JEREMIA 51:25 - OTSAO BAIBEL (BSI)

²⁵ Babilon, nang a chaxwannu pangnu amütkya haxnu tuita ningle changle, ikoxlechu ku, Jowanpa a nang zanpa changpu. Kue nang to künle kopüi, kue nang a hax to anamüi, ilaxle lajuak ang achangle dantoxüi.

JEREMIA 51:25 ပူးပေါင်းရင်းမြစ်များ

MIKNGÜN-OHÜN 8:8

Ifüima anyi lükya kaxtaimixe chix nyazong müt. Tüle wünchua füikya tuita haxnu ningle tüikya tinu khato tswonle awüt. Tinu othom azom ma ahankya thom tuita aji ang achang,

ZEKARIA 4:7

Ipong chongkya haxnu ningkya lombax-saibangkyabu nang tuntho angkya paole samüi. Nange Zangshwom-Hom azünle zaiüi. Nange akiakya long onui ma danle tsuakkya füi tomle khünaknue, ‘Müihule, müihule, le akhongüi!’”

JEREMIA 50:31

“Babilon nok, hünzome a ongame awangle tüile, ikhoma Jowanpa Khüthak Zang, ku a nang zanpa ang changdaoa! Nang to sikangün angkya ku hanpak nguile hüidaoa.

JEREMIA 51:58

Pangnu to lütle ngokya Babilon tingnu pan-katukbu a hax to tswonle awütüi, ilaxle haxtsua-zangthakya ija zünkaibu zokle ashunüi. Chaxwannu noke mokkya mwot a chem angchu münchang; hwom azong-amongkya a wünkhut ang achangdaoa. Ku, Jowanpa Khüthak Zang-e ija akaxdaoa.”

JEREMIA 51:53

Babilon nok zangdingkho to dong ang tsuakkoxle chu, ikhato hwom zanhunuibu zing ang tsuakle changkoxchu, ija ama ang chuwüi kue khünak adünüi. Ku, Jowanpae ija akaxdaoa.”

ISAIA 13:2

Tuita kohwon haxnukho ma azan angkya nyiluak apikkox! Süpahibu to tsale akhong kox ilaxle ija ongam tingnu panbu to sing angkya münwan aho ang nang chak ajongkox.

DANEL 4:30

chixe thüi: “Hulax Babilon a chemkuxma chongpuix! Ku tsak-zong hia ku janzüi, ku fuazang hia kuzax-kuzangkya aho ang kue ija tingnu a ku pongwün tingnu ang zingpu.”

JEREMIA 51:7

Babilon a ku chak ma hun wansa tuita ningle, zangfang pangnu to tokle ngokya dai. Chaxwannu noke ija ju ling ilaxle hwom ang khangka samle pao.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

PONGWANG LAIPEX 11:4

Ifüima hwome thüi: “Kem mün naxngo ang tamchu kem fong chifan angkya hanpakma, oman, kemepi tingnu tuita zingle alaihax ilaxle ikhama ding to thukya longhom tuita zaile alaihax.”

2 PITAR 3:10

Ikoxlechu Jowanpa Nyix a ahuxmix ningle nguiüi. Ija nyix zangdingbu tüle-tüle ozing alai le azutle paoüi, üntoxle ding to tüikyabu tüle-tüle khamkyae ashunle amütüi, üntoxle haxwannuchu ikhama tüikya zünmok füi afomle maxüi.

MÜNCHUAK-TSAI 138:7

Chemtue ku to sikngüne akhop-khakle changpuix, nange ku kho sünle thom. Mongtsik ashukkya ku zanpabu füi nang alün ilaxle nang tsak-zong füi ku sünle kop.

JEREMIA 50:25

Kue ku chang-paxbu athünle thomkya kha onui dap daoa, ilaxle ku mongtsiktsik ma kue ibu alaidaoa, chemthüikoxle, ku, Jowanpa Khüthak Zang ang Babilon ma mok angkya mwot tütüile.

JEREMIA 25:12

Ifüima kue hwom ochax khoma Babilon nok hia ija wanghompa to sikangünüi. Kue ija haxtok amaüi ilaxle othuithui hanpak ang pünle dantoxüi.