JEREMIA 51:2 - OTSAO BAIBEL (BSI)

² Zangwin to tsaxsa jeple paopu ningle Babilon amüt angkya hanpakma kue mixnokbu ahüiüi. Chemtue ija thama angkya nyix nguile hüipuix, hwome pangnu chitokhange singüi ilaxle haxtok a hingzang ngaxchu chipuakya kha ang dantoxüi.

JEREMIA 51:2 ပူးပေါင်းရင်းမြစ်များ

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

JEREMIA 15:7

Ija haxtok angkya tinglong pangnu towüi tsaxsa apik pupule zangwin to kue hünzom apik. Ku khünaknu, kue hünzom amütpu, kue hünzom su-sa hwom langpu chemthüikoxle hünzom chemtuechu hünzom ochax lomtangbu danle chitox.

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

EZEKEL 5:12

Hünzom khünaknu süitex süifi a tingnu mong ma okak-olak hia woknuak ma zi ang tomüi; süitex süifi a tingnu toknakai to changlo füi hütle langüi; ilaxle süitex süifi a zangwin to chiakle apiküi ilaxle changlo füi kue ibu achuaüi.

JEREMIA 50:32

Hünzom mongngam jat-li a chikho thuüi ilaxle nguaküi, ilaxle ija azwot ang owaechu münasunüi. Kue hünzom tingnu ma wün langüi, ilaxle hozui-onam to tüikya pangwüi amütüi.”

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

ISAIA 43:14

Israel nok otsao Zang, Jowanpa owae hünzom sünle koppuix, chixe thüile: “Hünzom khosün ang, kue Babilon nok hato süpahibu ahüiüi; kue tingnu panbu atsunüi, ilaxle she khünakbu akhongkya a sopkya ang achangüi.