JEREMIA 51:19 - OTSAO BAIBEL (BSI)

¹⁹ Jakop Zang a hwom lailaikya münchang; chix a jalinusa zingpupa changle, ilaxle chixe Israel a chix khünaknu ang zünle kopdaoa. Jowanpa Khüthak Zang a chix mün changle.

JEREMIA 51:19 ပူးပေါင်းရင်းမြစ်များ

JEREMIA 10:16

Jakop Zang a ibu ningle chichang; chix a jalinusa zingle alaikya Zang, ilaxle chixe Israel nok a chix khünaknu ang zünle kop. Jowanpa Khüthak Zang a chix mün changpu

MÜNCHUAK-TSAI 73:26

Ku tutex hia tsangtsa azu lechu chang koxlax, ikoxle Zang a ku tsak-zong changle; othuithuima kue lomkya a chix tix changpu.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

MÜNCHUAK-TSAI 33:12

Jowanpa hwom Zang ang ngole tüikya haxtok a mongmüi haxtok changle; chixe ma khünak ang kamle kopkyabu a mongmüi mixbu changle!

ISAIA 47:4

Israel nok otsao Zang-e kem dan-e— chix mün a Jowanpa Khüthak Zang.

MANGSOP 3:24

Ku ma tüikya Jowanpa wüi, ikhoma kue chix ma ku monghom thompu.

JEREMIA 50:11

Jowanpae thüi: “Babilon angkya khünaknu, hünzome ku khünaknu thomjole toxpu. Hünzom a mongmüi-pwonlale ngole, tsaxnakle anguix ngokya maihu tuita ningle chichangba man tuita akhongkya ningle changkoxchu,

MÜNCHUAK-TSAI 135:4

Chemthüikoxle Jowanpae Jakop a chix hanpak ang kamdaoa, Israel khünaknu a chix kux ang kamdaoa.

MÜNCHUAK-TSAI 115:3

Kwom Zang a Zangkangting to tüile; chix mong ma chem tsupuix ija chixe mokle.

MÜNCHUAK-TSAI 74:2

Nang kaitanto wüi ma hanpak angle zünle kopkya nang khünaknu texle ataklax, hwom a nang saxthom ang lax angkya hanpakma zanda ang ngokya nange alaile apüikya khünakbu changpu. Ami nang ngotoxkya kha Zaion texle ataklax.

MÜNCHUAK-TSAI 16:5

Ku ma atüitüi pangnu, Jowanpa, nang tata wüi, üntoxle kue laxli pangwüi nange ku ang koxpu; ku khüzün füichi hanpak nang chak tüipu.

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

JEREMIA 10:12

Jowanpae chix tsak-zong makhange chaxwannu zing; chix je chix hwon makhange zangfang zingle alai ilaxle zangdingkho shale pün.

JEREMIA 33:2

Jowanpa, owae chaxwannu zingle alaipuix, owae ija alailaxle ija onui ma danle changpuix, chixe ku füi akaxle. Chix owa ang Jowanpa le amünpuix, chixe thüi:

JEREMIA 50:34

Ikoxle tuita hwom khosünle kop angkya mix a tsak-zongle tüile: chix mün a Jowanpa Khüthak Zang changle.

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

JEREMIA 51:5

Israel nok Otsaopa, Jowanpa Khüthak Zang ku zongto ochax lyenle changdao koxchu kue Israel hia Judah a owüiole awütle chitox.