JEREMIA 51:18 - OTSAO BAIBEL (BSI)

¹⁸ Hwom ma laxli chitüi ilaxle ajao-ahaile chang angkya wüi; hwom füi asax-amok ang Jowanpa nguikya zuma hwom a amüt angkya changle.

JEREMIA 51:18 ပူးပေါင်းရင်းမြစ်များ

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

ZEFANIA 2:11

Jowanpae hwom chabüt-lasünle chang ang tomüi. Chixe ija chaxwannu angkya baozangbu chem angchu chichangle ahikle awütdaoüi, ifüima jat-li pangnusae, ma chaxwan khokho to chix to shwom-töle changüi.

JONA 2:8

Opange laxli chitüikya chapabu to shwomle changpuix, ibue nang tsai-kax ma laxkya dantoxpu.

JEREMIA 50:2

“Chaxwannu nok hato kaxho laxkox! Ija khuapukox! Mowan ahokox ilaxle kaxho tsingang tomkox! Ija khom-pyenle taxthom! Babilon a nguakdaoa! She baozang Marduk a thuple amadaoa! Babilon nok chapabu ang zak-akopdaoa; nushixdongkya she chapabu a asumdaoa!

JEREMIA 48:7

“Moab, nange nang tsak-zong hia nang ma tüinangkya to mongongle, ikoxle athax a nang to ngaxchu lütlaxle kop angkya changle; nang baozang Kemosh a zanda ang pao angkya changle, chix füi tomle mamixbu hia zompu-zangpabu kople paoüi.

JEREMIA 46:25

Jowanpa, Israel nok Khüthak Zang-e thüile: “Kue Ijip nok hia hwom baozangbu tamchu hwom wanghom hwom füi tomle Thebe nok baozang Amon to sikangün angkya changpu. Kue Ijip nok wanghom hia chix to mongong ma ngokya khünakbu kop angkya changpu,

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

ISAIA 46:1

“Ija a Babilon nok baozangbu ashukkya ang achangüi! Tam a Bel hia Nebo hwom to shwomle tüikya, ikoxle athax hwom mantsak khoma hünzingle tüile, na-juale maxkya müibu tok ma a.

ISAIA 19:1

Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.

LAIPAO 12:12

“Ija ja ku Ijip haxtok pangnu khato ahamüi; ilaxle müikha angkyachu üntoxle khünakchu, tüichongsasa komle langle toxüi. Ile Jowanpa kue Ijip nok zanpabu ang sikngün koxle leüi.

JEREMIA 10:14

Ija ngünle changkya zuma, khünaknu a ongat ang achangle jepa; opangsae ibu chapabu zingle changlaxpuix hwom pangwüi ongat hia kaxux ang achang, chemthüikoxle hwome zingkya baozangbu a othai tamchu khüzün chitüi.

ISAIA 57:12

Hünzome chem mokpuix ija sukya changpule hünzome thütle, ikoxlechu hünzom zanglom kue kotok to alaiüi, ipongma hünzom chapabue hünzom asun ang chithoüi.

JEREMIA 10:11

Chaxwannu zingle chialaikya baozangbu ang amüt angkya changle le hünzom khünakbue hwom hama apua angkya wüi changpu. Hwom a chaxwantok ojongtochu ngo ang müntom.)

EZEKEL 6:6

Israel nok tingnubu pangwüi amaüi, ikoxtix hwom tö-tsap hia chapabu bakle thuple akhixüi, hwome ongan müikya so zokkya tö-tsapbu thuple amaüi, ilaxle hwome zingkya oli chemchu ngün ang chikople amütüi.