JEREMIA 51:13 - OTSAO BAIBEL (BSI)

¹³ Ija nok ma shuajenbu hia tuinabu huanuma tüile, ikoxle ija ang hanpak kaidaoa, ilaxle ija khüzün jakzi afündaoa.

JEREMIA 51:13 ပူးပေါင်းရင်းမြစ်များ

MIKNGÜN-OHÜN 17:1

Ifüima kaxtaimix anüt kha angkya tuita anüt lükya pe koplaxle tüikya mixe ku hato hüilaxle thüi: “Oman, kue nang hama fuale wünkya tsahangcha, thüikoxle shuajenbu hama zingle tüikya chongkya tingnu tuita to chem sikangün angkya hex ahofang.

MIKNGÜN-OHÜN 17:15

Chatlechu kaxtaimixe ku füi akaxle thüi: “Nange ngünle ngokya tibu, oja dingma tsahangcha thungle tüilaxpuix, ibu a chaxwanbu, khünakbu, jat-libu tamchu kaxngaobu changpu.

ISAIA 45:3

Kue nang ang tuina zangnak hia otsao nui tokya faüi; ifüima nange ku a Jowanpa changpule awanüi, ilaxle Israel nok Zang-e nang a mün ma nyakle.

JEREMIA 51:36

Ilaxle Jowanpae Jerusalem angkya khünaknu füi akax: “Hünzom zangwün otong kue kopüi ilaxle hünzom to chempangle hwondaopuix ija tsangmüt hünzom zanpabu ang thom ang tomüi. Kue Babilon nok angkya ti azopüi ilaxle ima tüikya shuajenbu zanle pao ang tomüi.

PONGWANG LAIPEX 6:13

Zang-e Noa ang thüi: “Kue khünaknu pangwüi amüt angkya mongzangwünle tsuakdaoa. Kue hwom komkaile amütüi, chemthüikoxle chaxwannu a tata zan to kakkya chimüikya hwom mwote awangdaoa.

MIKNGÜN-OHÜN 18:19

Hwome ma khang to alüile hax füi fu; hwom mongma üntoxle sople thüi: “Naowange! Ipong chongkya tingnu müt, ngünlaxle ku zamaxüntong! She füi thalex juatai laxle, she angkya tuina füitix; tinu khatokya khua hopunubuchu, ahak-aluale tüikya changwüi! Ikoxle khonta tuita mong ma wüi, she-e pangwüi amüt asamdaoa!

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

1 PITAR 4:7

Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.

AMOS 8:2

Jowanpae ku ma atüi: “Amos, nange chem ngünpu?” Kue lan: “Pünziak awangle tüikya tsong tuita ngünle.” Jowanpae ku ang thüi: “Ku khünaknu Israel nok hato oshuk hüidaoa.

DANEL 5:26

Ilaxle ija hanpak a ile changle: huake, Zang-e nang wangting hanpak ele tsuakdaoa ilaxle ija a oshuk hato ahüidaoa;

MANGSOP 4:18

Zanpa tuitae kwom tanle ngo; kwom a tingjang lomnu to aham ang ngaxchu chitho. Kwom hingchak zanghan kaidaoa; athaxpi oshuk hüidaoa.

JEREMIA 50:37

Ija angkya man hia man-kanlinbu hato omüt-osam! Tha koxle apüikya süpahibu hato mikmüt— hwom chemtukux shonaile changpuix! Ija angkya tuinabu amadao; amadao ilaxle tsui paodao.

JEREMIA 50:31

“Babilon nok, hünzome a ongame awangle tüile, ikhoma Jowanpa Khüthak Zang, ku a nang zanpa ang changdaoa! Nang to sikangün angkya ku hanpak nguile hüidaoa.

JEREMIA 50:27

Hwom süpahibu komle lang kox! Hwome hütle lang kox! Babilon angkya khünakbu a maxdaoa! Hwom to sikangün angkya hanpak nguile hüidaoa!” (

JEREMIA 17:11

Chimüikya lom makhange ngun kople changkya mix a mae chilütkya oti to womkya osa ningle changpu. Chix zaxtan tüipongwama chixe ma ahak-aluakya asamüi, ilaxle oshukshuk ma chix a tuita ongat ang changüi.

ISAIA 43:14

Israel nok otsao Zang, Jowanpa owae hünzom sünle koppuix, chixe thüile: “Hünzom khosün ang, kue Babilon nok hato süpahibu ahüiüi; kue tingnu panbu atsunüi, ilaxle she khünakbu akhongkya a sopkya ang achangüi.

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

MÜNCHUAK-TSAI 137:1

Babilon shuakax ma kwom thung; Zaion texle atak laxle ikhato kwom sop.