JEREMIA 51:11 - OTSAO BAIBEL (BSI)

¹¹ Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 51:11 ပူးပေါင်းရင်းမြစ်များ

JEREMIA 46:4

Hünzom manbu zu füi khakox ilaxle ibu kho ma ngakox! Zyenle ajongkox ilaxle khohombu sünkox! Hünzom paxbu junkox! Hünzom khyep-dibu laxkox!’

JEREMIA 50:45

Ikhoma Babilon tingnu zongto kue mok ang achwonle ngokya tamchu ija ma tüikya khünaknu to mok angkya to apalax. Hwom naosombu ngaxchu linle paoüi, ilaxle pangnusa wüi ija ngünlaxle abütüi.

JEREMIA 50:9

Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.

JEREMIA 46:9

Manbu pao angkya kax laxkox man-kanlinbu atüi angkya a! Süpahibu akatkox: Etheopia hia Libia angkya khünaknu, di kopkople, ilaxle Lidia angkya hapnu füikya khünakbu lang kox.’”

ZEKARIA 14:12

Jerusalem ma achax-azanle changkya jat-libu pangwüi Jowanpae okak-olak ahüiüi. Hwom ozün ma tüitanto wüi hwom tsangtsa müibu shanle paoüi; hwom mik hia ibu shanle paoüi.

ZEKARIA 14:2

Jerusalem zan to ka angkya hanpakma Jowanpae jat-libu pangwüi asüi ang tomüi. Ija tingnu a hwome kopüi, homhaxbu tsuiüi, ilaxle shekobu to shingnünle changüi. Khünaknu süifi a zanda ang kople paoüi, mamabu a tingnu angkya kople münpaoüi.

JEREMIA 51:35

Zaion angkya khünaknue thüikox, “Kwom to chakmok janlangle changkya bama hünlit a Babilon noke naxlaxkox!” Jerusalem angkya khünaknue thüikox, “Kwome apongkya sikngün bama Babilon nok ma wüi tsaitox-kaxfele naxchang kox!”

JEREMIA 51:24

Jowanpae thüi: “Jerusalem to hwome chichangchizangle chempang hwon daopuix ibu bama kue hwom to jannong alüikya hünzome ngünüi.

JEREMIA 51:12

Babilon nok pan-katuk to sing angkya mowan ahole laxkox. Nyetmixbu to mixbo laxkox! Nyetmixbu angwot kox! Zankat othom ziakople chang ang tomkox!” Babilon nok to moküihex-o lükya Jowanpae chix mwot mokdaoa.

JEREMIA 50:25

Kue ku chang-paxbu athünle thomkya kha onui dap daoa, ilaxle ku mongtsiktsik ma kue ibu alaidaoa, chemthüikoxle, ku, Jowanpa Khüthak Zang ang Babilon ma mok angkya mwot tütüile.

ISAIA 46:11

Kue handün chitokya khünak tuita ngui ang se; chix a lawang pile ju pupule juüi ilaxle kue chempang mwotlom zingle tüipuix ija mokle alaiüi. Kue akaxdaoa, ilaxle ija tsuak angkya wüi.

ISAIA 45:5

“Ku a Jowanpa changpu; mama baozang owachu müntüi. Kue nang ang nange laxse tsak-zong koxüi, nange ku owahex chitsing koxlechu.

ISAIA 45:1

Jowanpae Sairas a wanghompa ang kam! Chixe ku a chaxwannu nok tingtak tsuak angkya hanpak ma kam; chixe chix a wanghom tsak-zong züpak da angkya hanpakma ahüi; Jowanpae chix hanpakma tingnubu pan dapüi. Jowanpae Sairas ang akaxle:

ISAIA 41:25

“Kue handün chito ngokya khünak tuita zünle kopdaoa; Shuakuxchi makhange sing ang kue chix apüiüi. Chixe haxthom to nakpupule apün-awangkyabu to naküi, tikjaomix-e haxthom to nakpupu lea.

ISAIA 21:5

Mikngünohün ma fongsüt achwonkya ngün; mixwünbu thung angkya hanpakma hwome dom nom. Hwome sax-lingle chang. Allele khong kaxho hüi: “Süpahi tüichongbu! Hünzom dibu achwonlax!”

ISAIA 21:2

Mongtsik füi sikangünkyabu, dyen ngokya hia olithu angkya thama, ibu ku mikza ma kue ngündaoa. Elam nok süpahibu, singkox! Medi nok süpahibu, donglaxle tingnubu kopkox! Babilon makhange ahüikya thangnak pangwüi Zang-e ashuk ang tomdaoa.

ISAIA 10:26

Oreb Longnu ma kue Midi nok to fitpupule, Jowanpa Khüthak Zang, ku jaoe ku müikhwon zu füi hwom to fitdao angkya changle. Asiria nok hia Ijip nok to kue sikangün angkya changle.

IZRA 1:1

Parsia angkya Sairas chongwangpa ang achangkya pongwang lükya zanglao ma, Jowanpae chix ajepa Jeremia füi chempangle akax daopuix, ibu changle ngai ang tom. Ija kaxho chix chaxwan pangnu khato wüi laiza ma afan angkya hanpakma chixe Sairas ang akhangle mok angkya kaxtom kox:

2 PUKAX-PANGAO 36:22

Parsia nok Sairas chongwangpa, ang achangkya pongwang lükya zanglao ma Jowanpae chix ajepa Jeremia makhange akaxkya chix kax changle ngai ang tom. Wangting angkya pangnok-jating towüi ija kaxtom laiza ma zale apaolaxle noknusae atatle e ang tom angkya chixe Sairas mongto mongtsukya tuita ahüi:

1 PUKAX-PANGAO 5:26

Ikhoma Zang-e Asiria nok chongwangpa Pul (owa ang Tiglath Pilesar lechuwüi nyakpuix), chix ang hwom tingtak ang tom. Chixe Reuben, Gad, hia Handün Manasseh homjenbu tsuile pao ilaxle ibu a othuithuima Halah, Habor, hia Hara, ibu ma tamchu Gozan Shuanu kax to ngo ang tom.

1 WANGHOMBU 11:23

Zang-e chuwüi Reson sasün Eliada, Solomon zongto anongle tüi ang tom. Reson a chix hopupa Zodah nok wanghompa Hadadezar chak tokya pao,

1 WANGHOMBU 11:14

Ikhoma Jowanpae, Edom nok angkya wanghom tuita Hadad, Solomon füi zanpa ang achang ang tom.

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

JEREMIA 46:3

“Ijip nok alixachongbu akhong: ‘Hünzom dibu achwonlax ilaxle azan ang laile paokox!

JEREMIA 50:3

“Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

JEREMIA 51:36

Ilaxle Jowanpae Jerusalem angkya khünaknu füi akax: “Hünzom zangwün otong kue kopüi ilaxle hünzom to chempangle hwondaopuix ija tsangmüt hünzom zanpabu ang thom ang tomüi. Kue Babilon nok angkya ti azopüi ilaxle ima tüikya shuajenbu zanle pao ang tomüi.

DANEL 5:30

Ija jaja wüi, Babilon nok wanghompa Belshazzar a mik amüt;

JOEL 3:9

“Jat-libu hato ija kaxho apuk ang tomkox: ‘Azan ang achwonlax; hünzom naomüibu sele asoxlax; hünzom süpahi pangwüi selax ilaxle zan to ka ang achexlax!

JOEL 3:10

Hünzome hanbai pongma laxkya jankhaobu a changlobu ang thuplax ilaxle hünzome fumkho han ang twonkya changsabu a paxlobu ang thuplax. Zang ojao müntüi lükya khünak ngaxchu azan angkya changpu.