JEREMIA 51:10 - OTSAO BAIBEL (BSI)

¹⁰ Jowanpae thüi: “Ku khünakbu akhong kox, ‘Jowanpae kem a sule ngopule ahodaoa. Jowanpae chempang mokdaopuix ija bama Jerusalem ma ngole tüikyabu hama apuahax.’”

JEREMIA 51:10 ပူးပေါင်းရင်းမြစ်များ

JEREMIA 50:28

Pünpaobu Babilon angkya paole azang ilaxle Jerusalem to ngui, ilaxle ija Zangshwom-Hom to hwome chemle hwondaopuix ija olüix khom ang Jowanpa, kem Zang-e mokkyabu pangwüi hwome wün.)

MÜNCHUAK-TSAI 37:6

chixe nang otsao senu zatzong pongkya ningle nyan ang tomüi.

ISAIA 51:11

Nange opang khosünle koppuix hwome mongmüi-pwonlale Jerusalem alopüi, ilaxle mongmüi atungle tsaingaole akhongüi. Hwom a othuithuima mongmüi-pwonlale ngoüi, othuithuima mongtsik hia mongma füi atsai laxle a.

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

MÜNCHUAK-TSAI 9:14

Jerusalem angkya khünaknu tunthoma ku ajong tsuak angkya hanpakma ilaxle kue nang achuakkya pangnu li bama hwom hama wüntho angkya hanpakma. Ku ang mongmüiüi, nange ku khosünkya hanpakma.

MÜNCHUAK-TSAI 64:9

Hwom pangwüi abütüi; Zang-e chem mokdaopuix ija bama hwome ajangüi ilaxle chix mwotbu mo wünle changüi.

JEREMIA 50:45

Ikhoma Babilon tingnu zongto kue mok ang achwonle ngokya tamchu ija ma tüikya khünaknu to mok angkya to apalax. Hwom naosombu ngaxchu linle paoüi, ilaxle pangnusa wüi ija ngünlaxle abütüi.

MÜNCHUAK-TSAI 66:16

Zang achuak-achenle tüikya pangnusa, nguilax üntoxle apalax, ilaxle chixe ku hanpakma chem mokdaopuix, ija kue nang hama wünfang.

MÜNCHUAK-TSAI 118:17

Ku a münzi, ku a ozün ma ngoüi ilaxle Jowanpae mokdaokya apukle ngoüi.

ISAIA 24:14

Ozün ma atale toxkyabue mongmüi tsai ngaoüi. Hannopchi tokyabue Jowanpa a tüle chongle le thüiüi,