JEREMIA 50:9 - OTSAO BAIBEL (BSI)

⁹ Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.

JEREMIA 50:9 ပူးပေါင်းရင်းမြစ်များ

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

JEREMIA 50:26

Ija to pangnuchi makhange singkox ilaxle hwome saxziak shole thomkya saxpung daple dongkox! Saxjun thokle dan pupule tsui kopkya tuinabu dankox! Ija haxtok amale toxkox! Ikhama chemchu taxtox!

JEREMIA 50:21

Jowanpae thüi: “Merathaim hia Pekod angkya khünaknu to singkox. Hwom lang kox ilaxle amütle toxkox. Kue hünzom ang kaxtom koxpupu komkaile mokkox, Ku, Jowanpae ija akaxdaoa.

JEREMIA 50:14

“Sanhap füikyabu süpahibu Babilon zan to ka ang zyenle pyakox ilaxle ija akhople kopkox. Hünzom san pangwüi füi Babilon nok to hapkox, chemthüikoxle ijae ku, Jowanpa zongto ochax lyendaoa.

JEREMIA 50:3

“Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

JEREMIA 15:14

Hwome opak chitikkya haxtok to kue hwom ang hwom zan-nok thothale chang ang tomüi, chemthüikoxle ku mongtsik a wün ningle changle, ilaxle ijae jento zokle ngo angkya changle.”

ISAIA 41:25

“Kue handün chito ngokya khünak tuita zünle kopdaoa; Shuakuxchi makhange sing ang kue chix apüiüi. Chixe haxthom to nakpupule apün-awangkyabu to naküi, tikjaomix-e haxthom to nakpupu lea.

ISAIA 21:2

Mongtsik füi sikangünkyabu, dyen ngokya hia olithu angkya thama, ibu ku mikza ma kue ngündaoa. Elam nok süpahibu, singkox! Medi nok süpahibu, donglaxle tingnubu kopkox! Babilon makhange ahüikya thangnak pangwüi Zang-e ashuk ang tomdaoa.

2 SAMUEL 1:22

Jonathan hapnu a huanuma atsingkya, Sol changlo ma chingcha chitüile tüikya, mixtsak naomüibu dingsom, zanpabu mik amüt.

TSAITAX-NGAONÜI 3:8

Hwom pangwüi changtwon mankyabu; shixkya zanhok lütle hüidaokyabu. Hwom pangwüi changlo awüiwüile, zangnak zansing thoto ziakople.

JEREMIA 25:14

Babilon noke chem mokdaopuix ija pangwüi kue hwom hato achatle koxüi, ilaxle mama jat-libu tamchu chongkya-chongkya wanghombue hwom a da ang laxüi.’”