JEREMIA 50:8 - OTSAO BAIBEL (BSI)

⁸ “Israel khünaknu, Babilon nok angkya zikle paolax! Ija haxtok dantox dao! Ija dantoxkya khama nang pongwang lükya mix ang changlax!

JEREMIA 50:8 ပူးပေါင်းရင်းမြစ်များ

JEREMIA 51:6

Babilon angkya zikle paolax! Nang khang azang ang zikle paolax! Babilon nok ochax khoma mik max ang taxtom. Athax kue olüix khomle ngopu ilaxle koxkoxle asukya sikngün kue hwom ang koxle ngopu.

ISAIA 48:20

Babilon angkya paolax, mongtex ma paolax! Kaxho müikya mongmüile apukkox, “Jowanpae chix da Israel sündaoa!”, le pangnue tsingang laxkox.

MIKNGÜN-OHÜN 18:4

Ifüima zangkangting tokya mama kaxtaimix kaxzing kue ile atat: “Laiün, ku khünakbu! She angkya laiün! She ochaxbu ma hünzome, süntswon angkya oli münchang; She sikngün hünzome, tom-han angkya oli münchang!

JEREMIA 51:45

Israel khünaknu, ikha angkya zikle paolax! Ku mongtsik chak tokya nang khang khom ang zikle paolax.

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

WANWÜNKAX 30:31

Zwon, ohatpong, ilaxle khünaknu tunthoma wanghompa,

HUAKE LAIPEX 16:26

Chixe khünakbu ang thüi: “Ibu ochax khünakbu pom füi atsaile ochu to ajonglax ilaxle hwom kux chemli tochu taxlyet. Ile chichang thüiningle hünzom chuwüi ibu ochax khoma hwom füi tomle wüi thule max ang tomüi.”

ISAIA 52:11

Hünzome Babilon dantox angkya münthaile tsingkoplax, zangshwom-hom tuina kople tüikyabu hünzom pange wüi! Taxtwonle atsaokya oli to taxtwon; ibu füi hünzom atsailax ilaxle otsao ma ngolax.

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.