JEREMIA 50:6 - OTSAO BAIBEL (BSI)

⁶ “Ku khünaknu a chunnyetmixe haxnu to asamle toxkya chunbu ningle changpu. Chun lailaile hwom tuita haxnu makhange ata haxnu to laile samle aham ngo, ilaxle hwome hwom hom ochichi to tüikya dai, ija alakle asam.

JEREMIA 50:6 ပူးပေါင်းရင်းမြစ်များ

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

MATHI 9:36

Khünak othomnu ngünkya zuma chixe hwom to chingchale thüt; chemthüikoxle nyet mix chitüikya chunbu ningle hwom chiakle ngo.

MATHI 10:6

Ikoxle Israel kako samle ngokya chunbu hato paokox.

EZEKEL 34:14

Kue hwom ang Israel haxtok angkya haxhua hia haxsha ojong khato fum chuile tüipuix ibu khato ojao za-zyenkya chitüile tsüt ang tomüi.

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

MÜNCHUAK-TSAI 119:176

Chun samkya ningle ku samle ngopu; idaile nang dapa ku lomlax, chemthüikoxle kue nang wanlombu otuechu münahai.

JEREMIA 50:19

Kue Israel khünaknu a hwom chaxwan to chatle ngui ang tomüi. Karmel Haxnu hia Bashan wankam ma münkya puamün hwome saxüi, ilaxle Efraim hia Gilid haxsüt angkya hwome saxse tsukya süt puamün hwome saxüi.

JEREMIA 3:6

Josiah wanghom ang ngotanto Jowanpae ku füi akax: “Eja mongong chitüikya mixcha, Israel-e chem mokdaopuix, ija nange ngünchami? She-e ku hato tok ahodaoa, ilaxle haxnukho hex athüithüi to ilaxle pünnu tong hex athüithüi to she-e tsangtsa hangkya mwot mokdaoa.

MÜNCHUAK-TSAI 116:7

Ku mongkha ma ongkya tüihüi, chemthüikoxle Jowanpa a ku zongto müikya changle.

MÜNCHUAK-TSAI 91:1

Khosün hanpakma opang Jowanpa hato paopuix, Khüthak Zang ziakop wanmong ma opang ngole tüipuix,

1 PITAR 2:25

Hünzom a lom asam daokya chunbu ningle changlea, ikoxle athax a chunnyetmix tamchu chasa nyetmix füito azui ang hünzom a chatle chat ang tomdaoa. E chat ang tomdaoa.

MATHI 15:24

Jisu-e lan: “Ku a samle ngokya chun Israel khünaknu hato nguipu.”

JEREMIA 10:21

Kue lan: “Kwom lompabu a ongat; hwome Jowanpa ma lom azüi angkya tiktole chichang. Ikhokhoma hwom thaidaoa, ilaxle kem khünaknu a chiakdaoa.

JEREMIA 3:23

Haxnukho to kwome songsari baozang shwom ma kwom ang chem olüi chitüi. Israel nok hato ofong-otsox a Jowanpa, kwom Zang makhange tix hüipu.

JEREMIA 2:32

Hünzom nok naocha tuitae she likwünbu alakcha, chichangba tuipa tuitae chix za-pua alakcha? Ikoxle ku khünakbuepi hanpak o-echithole ku alak-asam daoa.

JEREMIA 2:20

Jowanpa Khüthak Zang-e thüile: “Israel, nange ku tsak-zong kaiwüi awütpu; ku kax ma münlax tamchu ku to münshwomle nang angampu. Haxnukho pangkha towüi ilaxle pünnu tong hex athüithüi to puamün baozangbu to hünzome shwompu.

ISAIA 32:2

Hwom pangwüi zangchei-zangwat thoto khangkhom angkya pom ningle changüi. Hwom a sak-hax to jenkya shuajen ningle changüi, kohwon fato longnu tuita nuk angkya zangkhung ningle.

ISAIA 30:15

Khüthak Jowanpa, Israel nok otsao Zang, chixe khünaknu füi akax: “Anongle chatlax ilaxle dangjajale ku to mongonglax. Ifüima nang tsak-zongle tamchu chaza angkya chemchu chitüile changüi.” Ikoxle hünzome ile münmokle angampu!

MÜNCHUAK-TSAI 90:1

O Jowanpa, nang a jento kwom hom ang chang.

MÜNCHUAK-TSAI 32:7

Nang a ku azwon nui changpu; thangnak tuitai tokya ku kho nangetix sünüi. Nang khosün achuakle ku akhongle ngaopu, chemthüikoxle nange ku ziakoppu. Selah

MÜNCHUAK-TSAI 23:2

Fumhingshüikya haxtok ma chixe ku nazak ang tom, üntoxle oe chikaikya tilua hato chixe ku zunle pao.

JEREMIA 13:16

Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

JEREMIA 23:1

Opange chix khünaknu amüt laxle chiakle sam ang tompuix, ibu apün-awangkyabu hanpakma Jowanpa kaxfün chemkuxma khomtsikya changüihex!

JEREMIA 33:12

Jowanpa Khüthak Zang-e thüi: “Ija haxtok oja sak-hax ningle tüipuix, ojongkha ma khünak hia müi chemchu chingo puix, ikhato tamchatle chunnyetpabue hwom chun nyele changtsuak angkya müi fumtsüt nui tüiüi.

EZEKEL 13:10

“Pangwüi haxmüi-zangma tüile le akaxkya hwom zangwün makhange hwome ku khünaknu ochei lom to zunle. Pangwüi haxmüi-zangmale müntüi! Ku khünakbue oshing chimong homtoxle katuk ajongkya to ajebue otok ma pale atsyetle.

EZEKEL 34:15

Ku chunbu chunnyetpa ang ku jao changüi, ilaxle kue hwom ang nazak angkya onui atakle koxüi. Ija kax Jowanpa Khüthak Zang, kue akaxdaoa.

EZEKEL 34:16

“Max-sam le changkyabu kue lomüi, lomsam le ngokyabu kue lomle apüiüi, thomzün maklax le changkyabu to kue lop-zingle hu-meüi, ilaxle okak-olak füikyabu kak amüile koxüi; ikoxle haxnut-zangfex le hia tsak-zongle tüikyabu a kue amütüi, chemthüikoxle ku a chem supuix ija mokkyabu chunnyetpa changpu.

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”