JEREMIA 50:5 - OTSAO BAIBEL (BSI)

⁵ Hwome Zaion tole angkya lom atüiüi ilaxle ija lom ma küithole leüi. Hwome ku füi othuithui hanpakma tsaotsütle changüi ilaxle ija otuechu chiamaüi.

JEREMIA 50:5 ပူးပေါင်းရင်းမြစ်များ

JEREMIA 32:40

Kue hwom füi oshuk-chitüikya tsaotsüt tuita zingüi. Kue hwom hanpakma müikya mwot mokkya tam-münzak, ilaxle hwom mong makhange abakle ku chathua zale ngo ang tomüi, ikoxle tix hwome ku hato tok chiahoüi.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

JEREMIA 6:16

Jowanpae chix khünaknu füi akax: “Lompong ma ajonglax ilaxle hulax. Kaikya lomzang hia sümüikya lomtang bama atüilax. Ija ma ahamlax, ikoxle hünzom mongsom ma ngo ang kopüi.” Ikoxle hwome thüi: “Münchang, kwome ile münmoküi!”

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

2 KORIN 8:5

Ija a kwom monghomkya to nüile chang: Pongwang ma hwome ma tsün Zang ang koxle kop; ilaxle Zang mongtex makhange hwome ma alüile kwom chak to dan.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

JUHAN 7:17

Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.

MÜNCHUAK-TSAI 84:7

Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.

1 WANGHOMBU 19:14

Chixe lan: “Jowanpa Khüthak Zang, kue jento nang tata thothale hüipu. Ikoxlechu Israel khünakbu nang füikya hwom Tsaotsüt amapu, tö-tsapbu pünpu ilaxle nang ajebu komkaile langpu. Athax a ku tata ma atha-akiale tüipu, ilaxle hwome o ku lang ang tungle ngopu.”

1 WANGHOMBU 19:10

Chixe lan: “Jowanpa Khüthak Zang, kue jento nang tata thothale hüipu ikoxlechu Israel khünaknue nang füikya hwom Tsaotsüt amapu, nang tö-tsap pünle amapu ilaxle nang ajebu langle awütpu. Athax ku tata ma athale ngopu ilaxle hwome ku mik amüt ang azongle ngopu.”

2 SAMUEL 23:5

Ilaxle ija ningle Zang-e ku sixlibu to mohiman angkya changle, chemthüikoxle chixe ku füi othuithui hanpak ang tsaotsütle changdaoa, tamchu chiama angkya tsaifün-kaxwün tuita, otuechu chialex angkya kaxtsao tuita a. Ibibi a ku mong ma tsukya changle; ija a kue tholünkya ang changüi, ilaxle Zang-e chithaile ija ile chang ang tomüi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

JEREMIA 31:6

Changle: Jowanpa kem Zang hato Zaion to donghax’ le Efraim haxkhobu makhange nyetmixbue ahyenle chang angkya tunu nguile hüile.”

JEREMIA 31:21

Lomkua awan koplax ilaxle kia küi toxlax; hünzom laile paokya lomtang chatle lomle ataklax. Chatle chat-hüi, Israel khünaknu, hünzome danle toxkya tinglong angkya ma hom-hax to chat lax.

EZEKEL 16:61

Nange chemle mokdaopuix ija nange texle ataküi, ilaxle chemtue nange hünnao hwom hia hünnao hwom chatle atakle changüihex ipongma nang ija bama azakle changüi. Ija a künyi ba angkya tsaotsüt füikya chichang koxlechu kue hwom a nang zongto sacha hwom ningle chang ang tomüi.

EZEKEL 37:22

Ija haxtok, Israel nok haxnubu tok ma kue hwom a onok tuita ang asüile danüi. Hwom ang, hwom thak ma apün angkya wanghom tuita wüi changüi, ile hwom a otuechu onok anyi chichangba wangting anyi ang ahak-ahanle chichangüi.

HOSIA 1:11

Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!